ياخبرة القطاوة انقذوني امهم انحاشت شسوي بالصغار؟

[shea butter]

السلام عليكم

مبارك عليكم الشهر

بختصر الموضوع عندي الحين 5 قطاوه حيل صغار اتوقع عمرهم ثلاث اسابيع تقريبا وامهم طلعت وماردت صارلها اكثر من اسبوع وابوي ماقصر معتني فيهم يبي الاجر بس ماعنده خبره وقاعد يحطلهم من اكل البيت وقاعدين ياكلون الحمدلله

ابي نصايحكم شلون اعتني فيهم؟

وتنصحوني اشتريلهم اكل خاص احسن؟ ومن وين وبجم؟

لانه ماعندنا خبره احنا واساسا امهم يتنا قبل جم شهر شكلها شيرازيه ومنحاشه وولدت عندنا وتوهقنا ونبي مساعدتكم وشكرا حبيباتي

 

[Stay alive]

وعليكم السلام والرحمه

اول شغله .. خلوهم بمكان مفتوح يسهل على امهم اذا ردت انها تدش واتشوفهم وتاخذهم ..

بخصوص الاكل .. لا تعطونهم معلبات ( أكل خاص بالقطاوه ) لأنه عمرهم صغير وممكن يسببلهم اسهال وانتو بكرامه

اشتري دراي فود ( بسكوت قطاوة ) ماركة رويال كانن عليه صورة قطوة أم وعيالها .. ميزته أنه حبته تكون نتفه حدها صغيرها يقدرون ياكلونه

وعطوهم دجاج من أكل البيت ..

اشتري حليب kitten من مركز سلطان خاص بالقطاوه يجي بودره تخلطينها مع ماي حار وتخلينه يبرد شويه يصير دافي يعني وتعطينهم منه بصحن ..

 

[keka89]

حياتي حتى القطاوه تاكل بسكوت لووووول