ياربي احبكم ماقدر ما اقولكم اي معلومة يديدة اعرفها:بيت5صالون الكويت الثقافي

[منانا]

:gathering: قوة كويتيااات


من يومين قالتلي وحده واهي من عشاااق القرااءة مشالله عليها ان اكو مكان اسمه بيت 5 علبالها اعرفه

بيت 5 اهو صالون ثقافي فيه بوك كلوب وانشطة ثقافية يبتلكم السايت مالهم
http://www.bait5.com/

ان شاء الله مو ممنوع السايت واهو عاام يعني مو تجااري

ياريت تنفعكم هالمعلومة وما تكون مكررة _03BA:

واكو بعد مكان كنت اروحله بعد اسمه نادي الكوت الثقافي ومعااهم نادي التوستماسترز ( فن الخطاابة )

ومالقيت سايت خاص فيهم وقعدت ادور شي بالنت عنهم لي الحين مالقيت غير مقالات بس اذا حصلت شي راح اضييفه باذن الله

 

[قلب راشد]

خووووش معلوومه بيت 5 خووش مكاان ثقاافي .. فيه مجموعات تفكير ومجمووعات قراءه

بس للأسف لما رحت كان التسجيل خالص ويمكن يفتحون مجموعات يديده

التوستماسترز له 12 نادي مو واحد

بس ان شاء الله بنزل لكم نبذه باللي أعرفه لأني مو رايحة له

 

[بطاطا]

اي و الله

نبي معلومات عن التوست ماستررز

 

[Q8female]

اكثر من عشرين نادي وصلنا قلب راشد بالتوستماسترز

نوادي التوستماسترز او نادي التواصل والمهارات القياديه

نادي يزرع فينا ويعلمنا بكل بساطه 3 مهارات اساسيه

فن الانصات

فن التفكير

فن الحديث

وهذي الفنون نتعلمها عن طريق فقرات خاصه بطل اجتماع

مثل فقره الحديث الارتجالي

وفقره الخطبه المعده مسبقا

وفقره التقييم

جميع نوادي الكويت تجتمع مرتين بالشهر

والاشتراك فيه مدى الحياة مع تجديد كل ست اشهر بسعر رمزي

في نوادي ناطقه باللغة العربيه ونوادي ناطقه باللغه الانقليزيه

واذا تبون تشوفون نمونه في اجتماع يوم الاحد القادم الساعه 7

ومقرهم رميثيه - قطعه 2 - شارع ساطع الحصري - منزل 34

 

[منانا]

بعد عمري مشكورين على الاضاافاات الحلوة

بعد اذا فيه تجاارب نبي نعرف اكثر سواء عن بيت 5 او التوستماسترز

شكرا على توااصلكم

 

[Shiny Star]

:gathering: قوة كويتيااات


من يومين قالتلي وحده واهي من عشاااق القرااءة مشالله عليها ان اكو مكان اسمه بيت 5 علبالها اعرفه

بيت 5 اهو صالون ثقافي فيه بوك كلوب وانشطة ثقافية يبتلكم السايت مالهم
http://www.bait5.com/

ان شاء الله مو ممنوع السايت واهو عاام يعني مو تجااري

ياريت تنفعكم هالمعلومة وما تكون مكررة _03ba:

واكو بعد مكان كنت اروحله بعد اسمه نادي الكوت الثقافي ومعااهم نادي التوستماسترز ( فن الخطاابة )

ومالقيت سايت خاص فيهم وقعدت ادور شي بالنت عنهم لي الحين مالقيت غير مقالات بس اذا حصلت شي راح اضييفه باذن الله

مشكورة يالغالية على هالمعلومات أنا كنت بعد مع نادي الكوت الثقافي بس حسافة الحين بطلوا يجتمعون عندك أخبار عنهم ؟ومتى يجتمعون ؟

 

[Shiny Star]

وكنت أحضر التوستماستر اللي برميثية بس ما كملت حسافة كنت مع مجموعة الدروازة

دخلت على موقع بيت خمسة حده يشوق وحسافة متناقشين عن فلم السر اللي ودي أشوفه أنا قارية الكتاب بالإنجليزي بس كان ودي أشوف الفلم ، مشكورة عالموقع

 

[منانا]

حياج الله حبيبتي


اول شي كان عندي ارقاامهم وتوه قعدت ادوور عليهم ممسووحين كلهم
بس فيه حل ثاني اكو وحدة اسمها افراح الفرج تشتغل صحفيه بالطليعه جنه حطي بقوقل وشوفي شنو يطلعلج اهي من مؤسسين النادي وطلعي رقمها من الجريدة وكلميها او دوري رقم حمود الصلال يشتغل بالاذاعة الكريتيه واهو مؤسس نادي الكوت او حطي بقوقل اسمائهم وشوفي شنو تلقين

بالنسبة لفلم السر
انا شفته كله على يوتيوب نزلته وكان مترجم بعد وجنه فيه النسخه الانجليزية صراحه شفته كله بس على اجزاء وما احتجت اني اشوف الفلم مره ثانيه او اشتريه واهو موجود بمكتبة جرير


على قولتهم من دواعي سروري اني افيدكم بهالملعلوومه

 

[brat]

مشكورة يعطيج العافية

ودي أشارك وياهم أحب هالسوالف

 

[*دنــيـQ8 ــا الوله*]

مشكوره عالموقع

 

[قمه النعومه و الأنوثه]

وناسه شوقتونه نبي تفاصيل اكثر من فضلكم للإفاده ويعطيكم الف عافيه اللهم آمين

 

[Om eL-3a9aGeeL]

الله وناسة في بعد حق البنات

ودي اشترك بس اخاف كلهم مثقفين حيل واضيع بينهم

عالعموم حدده يشوق ومادري ليش ما نسمع عن هالشغلات الحلوة

يعطيج ألف عافية ..

 

[منانا]

يا حلاتكم بنااات مادري انكم تحبوون هالسوالف وبيني وبينكم تنفع انا بفتره من حياتي كان عندي فراااغ كبير وما ابي املاه بأشياء بطااليه فقلت خل ارجع لميوولي القديمة خصوصا اني خريجة اداب لغة عربية واندمج بالمناقشاات الثقافية تعطيني انتعااش

المهم وما كان عندي فكره نهائيا عن هالسوالف فاول خطوة سويتها اني رحت راابطة الادباء وخصوصا ان كان ولا زال عنيد طموح اني اطبع روايه ومجموعه قصصية فرحت هناك وبصراحه استانست عالوضع شبااب وشابات من طقتنا حالهم حالنا عندهم ميول من هالنوع وتيمعو بالرابطة وسولوهم ملتقى سموه ملتى المبدعين ولقائهم اسبوعي وكل وااحد من المجموعه يعرض انتاجاته او حتى يستمع فقط ومشالله صاروا الحين ادبااء مشهورين المجموعه الي كانو معاي وحده اسمها ميس العثمان والثانية استبرق والباجي كلهم مشالله لهم وضعهم بالراابطة وبالنسبة للمبدعين متبينيتهم بنت ليلى العثمان وبصراحه شعور حلو لما تلتقون مع ادبااء كبار وتقعدون معاهم ويسولفون معاكم بكل رحابة صدر انا بصراحه قابلت مجموعة منهم وصارت بينا حوارااات تشكل جزء حلو من ذكريااتي


هذي تجربة يمكن تستفيدون منها


وفي بعد نادي التوست ماسترز تقريبا مقرهم الداائم هناك تقدرون تمرون وتاخذون تفاصيل العنوان موجود فوق حطته وحده من الخواتعلى ما اظن

وبالنسبة للبوك كلوب راح اسألكم عن هالموضوع اكثر علشاان خاطر عيوونكم

 

[بنت الكويت1]

صراحة شي يونس ويثلج الصدر انه عندتا مثقفين وناس تحب القراءة الله يزيدكم ويبارك فيكم

 

[منانا]

بنت الكويت

حبيبتي الكويتيااات فيهم كل زين زين بس احنا مو عارفين قيمة انفسنا


شوفو شنو لقيتلكم بالانترنت ( يعني ما اعرفهم )

نادي ديوان للقراءة : http://www.diwanbooksclub.com

نادي للقراءة بالتعاون مع ستاربكس ويكون اهو مكان التجمع والمنااقشه


ولقيتلكم نادي اقرأ : http://www.rclub.ws/

والسايت مالهم فيه واايد اشيااء حلوة شوفووهم وجربوه تشتركوون معاهم وقولولنا تجاربكم

وطبعا مقرهم الكويت واكو لقيت بالسعودية والامارات ( حطيت نادي ثقافي الكويت ) بقوقل وطلعتلي هالمعلومات

 

[قمه النعومه و الأنوثه]

حبيبتي ابي مكان ايصير الإشتراك فيه شباب وبنات ليش ابي اخوي بعد يشترك معاي لأنه يحب القراءه بشكل كبير الله يحفظه اللهم آمين وشكرا لج عزيزتي

 

[منانا]

حبيبتي التجمعات الثقافيه تكون خلط للبنات والشباب والي انا ذكرتهم جذي بعد لان الثقافه ما تميز بين الجنسين انتي جربي الديوان اظن ارح تستانسين عليه انتي واخوج لان تجمعاتهم بستاركس وقوليلنا شيصير معااج

 

[منانا]

للرفع

 

[Little_Queen]

اول مره اسمع عنه ..


انا عن نفسي اروح رابطة الادباء مثل ما قالت منانا ... ياريت ترجعين يا منانا فعلا ... كل اثنين من 7 لي 9 نتيمع و نسولف و نتناقش و الي عنده قصة يقرا و الي كاتب قصيدة يقرا و يعطونا توجيهات رووووووووووووووعه



و بالنسبة للتوست ماستر ...... انا بعد كنت مع نادي الدروااااازة عجيييييييييييييييييييييييييييييييييب

 

[منانا]

تصدقيين لتل كويين صج ولهت على اياام المنااقشات الثقافيه ولما كنت اندمج بفكرة مطرووحه وله قصيدة حلوة بافكر ارجع مره ثاانيه قبل لا يصير عقلي مجييم