ياربي صاكه فيني الدنيا مالي غير الله وانتوا

[للصبر اخر]

شلونكم امهات
مبروك لعيالكم الناجحين
والله يوفقج للي عندهم دور ثاني

بنات حدي مقهوره وصاكه فيني الدنيا بنتي برابعه ابتدائي دور ثاني بالانجليزي مو عارفه اتصرف انا لي الحين ماقلت لها واهي ناجحه بالشهر الثالث والثاني بس الاول كانت راسبه فيه بعرف شلون ادرسها كتابين لفصلين اهي فصل واحد وغصب تحفظ متى ابتدى معاها ياربي قاعده اكتب وميته بجي حسبي الله على مدرستهم يدرون اني منفصله عن ابوهم وماراعوا شعور البنت :eh_s(2)::eh_s(2)::eh_s(2)::eh_s(2)::eh_s(2)::eh_s(2)::eh_s(2):
عفيه ساعدوني ابي نصايكم الدنيا صاكه فيني مرات اقول اخليها تعيد السنه علشان تصير قويه بس اتذكر انه اختها بتصير معاها اخاف تعايرها

 

[حلوة و بس]

الله يكون بعونج
سجلي بنتج بمعهد و يدرسونها من البداية لي النهاية ... و انتي راجعي عليها الي تدرسة
وقولي لها اذا هلدرس حفظتيه لج هدية او اي شي اهيا تحبة و بجذي راح تحب دراستها و تفهم وانشاءالله تنجح
لاتحاتين ولا تبجين وتضيقين خلقج

 

[الصابرة المحتسبة]

الحمد لله على كل حال

والصراحة شي يحر ويضيق الخلق لانها كانت ناجحة بالفترتين والخطأ من الطرفين المفروض المدرسات يبلغون الأهل بتدني المستوى والأم أتابع وتشوف تقصير الطالبة وين

أنا عندي ولدي دور ثاني بالصف التاسع بس مااحتريت واجد لانه كبير ويتحمل مسؤولية تقصيره

اللي برابع ما الومهم هالكثر لان اولى وثانية وثالثة كان النجاح بسهالة والتأسيس مو مهم الا من رحم ربه

الحين خليها تحس بالعطلة ولي صار شهر ٧بلشي معاها شوي شوي مو مهم الكمية اهم شي التركيز والحفظ

شوفي نادي للترفيه وفيه حصة انجليزي

وان شاء الله تبشرينا بنجاحها وتنتقل للصف الخامس


لاتحاتين اللي صار صار اهم شي نصلحه ونعدي

 

[nancy_360]

كان الله فى عونك

شوفى مدرسة انجليزى تكون زينة وتبدأ معاها من بدرى لان كتابين على طفلة فى رابع وايد

وانشاء الله ربنا يوفقها

 

[الحراير]

مرحبا
وربي نفس حالتي ولدي بسادس ودور ثاني انا ميته قهر وماقصرت فيه وكنت حاطتله مدرسات
وافكر اذا كتاب مانجح شلون يدرس كتابين اللي عندها حل تساعدنا وجزاها الله خير

 

[ام عمر ومريم]

انا كان عندى نفس المشكلة العام اللى طاف مع بنتى وابنى رابع وسابع حاطتلهم مدرسة من اول شهر يوليو لين امتحان الدور الثانى والحمد لله ربنا كرمنا :yaaaaaarb:

نصيحتى ابدئى معاهم مبكر ترى كتابين فى امتحان واحد حيييييييييل صعب يبيله دراسة وحفظ ومدرسة زينة لكن شو نسوى الحمد لله على كل حال