يارب استجب دعائي

[الحيا]

السلام عليكم
انا عمري 26 وبعد 3 شهور ان شاء الله ابدخل 27 سنه قبل اسبوع خطبني واحد بس سبحان الله ماحصل نصيب وانا مره خايفه تنخطب اختي اللي اصغر مني دعواتكم لي بالزواج يارب والله عارفه الزواج قسمه ونصيب بس عارفه تتقلون ممكن تنخطب اختك قبلك بس ودي انا قبلها لاني اكبر منها مااحب نظرات الناس لي بالشفقه لاتنسونن من الدعاء

 

[لمى الهاجري]

اختي هاي نصيب وممكن انتي واختج تزوجون بيوم واحد لحة بطرش لج شي على الخاص

 

[حنان الحربيه]

كل بياخذ نصيبه
والله يعين على نظارات وحكي الناس

وربي يرزقك

 

[قمر بيت أبوها]

:eh_s(17):

السلام عليكم
انا عمري 26 وبعد 3 شهور ان شاء الله ابدخل 27 سنه قبل اسبوع خطبني واحد بس سبحان الله ماحصل نصيب وانا مره خايفه تنخطب اختي اللي اصغر مني دعواتكم لي بالزواج يارب والله عارفه الزواج قسمه ونصيب بس عارفه تتقلون ممكن تنخطب اختك قبلك بس ودي انا قبلها لاني اكبر منها مااحب نظرات الناس لي بالشفقه لاتنسونن من الدعاء

سؤال ليش رابطين العرس بعمر معين لهالدرجه معتبرين نفسك سلعه وتنتهي موضتها بناآآت بطلوا هالاسلوب مع نفسكم:eh_s(4):
وبعدين ليش خايفه تنخطب اختك اللي أصغر منك عادي جدآ ووناسه بعد ؟!
أعوذ بالله من التفكير السطحي انا أموت وخواتي يتزوجون قبلي عشان أفرح لهم أكثر من نفسي والمفروض الأخوه تكون بكل شي حتي تفكيرك بهالفكره
والناس لا حبوا يتكلمون بيتكلمون اختك تزوجت قبلك ولا بعدك ولا حتي ان شاء الله وانتي ببيت زوجك:eh_s(14):
يا رب ترزق خواتي بأسنع الرجال واطيبهم ولا تحرمهن حاجه في نفسهن يا رب :yaaaaaarb:
وكل من قال آآآآآآمين :eh_s(17):

 

[مهندسة الابيات]

حبيبتي عسى ربي يرزقج بالزوج الصالح التقى النقي ابن الحلال اللي يكون لج قره عين وقلب

وخلي هالدعاء على بالج دايم (( ربي لا تذرني فردا وانت خير الوارثين )) وكثري من الاستغفار

وبعيد اذا الله كاتب شي بيصير والله يوفقج انتي واختج


وبالنسبة لاختي الغالية قمر بنت ابوها حياتي هالتفكير مو من البنات من المجتمع اللي عايشين فيه اللي اذا عدت 30 سموها عانس

 

[Pink.Barbie]

يارب تتزوجي باسرع وقت ممكن باذن الله بالرجل الصالح الي تشوفي معاه السعادة

و ترا مره عادي لو تجوزت اختك الي اصغر منك قبلك

ترا ماتو الناس الي يفكرو انو الكبيره لازم تتجوز قبل الصغيره

بالسراحه انته مازمه نفسك من ولا شي !!

الله يهديكي و يرزقك بالنصيب الطيب

 

[الهنوؤوفـ]

الله يرزقج اختي ياااااااااااااااارب وبنات المسلمين

اكثري من سورة البقرة والاستغفار

 

[سكوتي بذوقي]

الله يرزقك بالزوج الصالح اختي

 

[" ام حمود "]

" كل شيء قسـمة ونصيب "
والله يرزقج بالزوج الصالح ..

 

[Mjnont '3lay]

الله يرزقج حبوبه بالزوج الصالح ونصيبج بيجيج لا تخافين سواء اليوم او باجر لا تحاتين هالشغله

 

[kndora]

اول شي عسى ربي يرزقج انتي واختج بالزوج الصالح الي يعزكم ويرزكم

ثاني شغله كلام الناس ونظرتهم لج خليها اخر اهتماماتج

وشلون ما تتمنيين حق اختج الخير ؟؟؟؟ والله انا اتمنى حق اختي قبل لا اتمنى حق نفسي ولو على حساب سعادتي

تتزوج قبل تتزوج بعدج كل هذا قسمه ونصيب

 

[حديث الروح]

الله تعالى يرزقك بالزوج الصالح ، ولا تهتمين لرأي الناس ونظرتهم ان قدر الله لأختك الزواج قبلك ، ثقي بالله
وتوكلي عليه واريحي بالك فقدرك مكتوب عند الله تعالى وان شاء يرزقك بزوج صالح في الوقت المقدر لك وان شاء الله قريب ولكن عليك بالدعاء وترك الأمر لله والأطمئنان الى أنه تعالى لايريد بعباده إلا الخير ودعواتنا لك.

 

[مرمووور]

الله يرزقج بالزوج الصالحح عاجلا يارب ؛

 

[Patcholli]

البنت تتمنى تتزوج قبل اختها لانها خايفه من احراجات الناس مو لانها تكره اختها مو ماتتمنالها خير
والله لو كانو الناس مو ذابحينها وذابحينا بالقيل والقال جان ماحسينا بطعم المشاكل لاكن بعض الناس حسبي الله عليهم يحسسونج بالنقص ويسببونلج ضيقه واحراج غصبا عنج ..
اختي انا حاسه فيج
وبنصحج نصيحه شيلي الخوف من قلبج اولا وحتى لو اختج تنخطب قلبج ديري بالج يصير فيج حسد ترى رب العالمين مايرزق الانسان الحسود رب العالمين يرزق الانسان القنوع المؤمن بالقضاء والقدر والقسمه والنصيب
كليوم ادعي وصلي وتوجهي لربج انه يرزقج .. لايرد القضاء الا الدعاء وان شاء الله رب العالمين اكرم الاكرمين وارحرم الراحمين ماراح يحرمج من هالامنيه اللي بقلبج بس ادعيه بالالحاح وبذله وبانكسار وان شاء الله تنقضي حاجتج وواضبي على سورة البقره بشكل يومي وايد من اارفيجاتي جربوها واتيسرت امورهم
سبحان الله يمكن عليج عين او نفس او تعطيل بالنصيب سورة البقره وايد عظيمه وفيها ايات شفاء وايات للعين والحسد والسحر عشان جذي ينصحون فيها لانها متروسه بالايات العظيمه الخاصه للاشفاء ولتوسيع الرزق وتسهيل الامور

الله يسهل امورج يارب ونسمع خبر زواجج بالقريب العاجل ان شاء الله

 

[الحيا]

مشكورين خواتي ماقصرتو الله يوفقكم ويسر اموركم
صادقه مو قصد ماتمنالها الخير بالعكس بس نظرات الناس ماترحم ابدا

 

[الحيا]

اختي لمى الهاجري ماقدرت ادخل معك خاص رفضو الاداره لان مشاركاتي قليله

 

[عـيّــآره]

الله يرزقنا كلنا باللي نتمناه وعسى الله يرزقج بالزوج الصالح اانتي واختج

اللهم قل لاحلامنا كوني ..... اللهم امين​