يارب تخليى كل زوجين لعيالهم

[روح حالمه]

السلام عليكم ورحمه الله وبركاته

شلونكم بنات ان شاء الله بخير 0

اليوم حبيت اتناقش انا وياكم عن مصير الاطفال عقب الطلاق لان ها الموضوع متعبني وايد ومضيق خلقي من كثر ما اسمع عنه وخاصه اذا كانوا الاطفال اصغار يتعذبون وايد في فقد احد الطرفين وخاصه الام 0

وخاصه اذا اسكنو عند مرت اب ماترحم او العكس 0

يارب تخليى كل زوجين لعيالهم0

 

[SaD FaCe]

على حسب والله ..

دام الحياة مستحيله مع الزوج ليش المره تنهان زياده عشان العيال ...؟

انا خالتي مطلقه وربت عيالها احسن تربيه مع ان واحد فيهم ما شاف ابوه

اهيه ما حسستهم بهالشي ..

 

[زي العسل]

كلامج صح يمكن ان العيال يضيعون بس اذا الأم تزوجت والأب بعد لكن شتسوي الوحده اذا العشره استحالت بينهم تصبر ويروح عمرها وتجيها الأمراض من ورا هالزوج ؟ العيال ياقلبي يكبرون وتبقى لحالها ربت وكبرت وتعبت سوت الي عليها من غير زوج مزعج موشرط العيال يضيعون ياما تكون الأم والأب موجودين بس العيال ضايعين الطلاق حلال في بعض الحالات الصعبه وارحم حتى لو كان بينهم عيال ​

 

[لؤلؤية]

انا شفت كلا الحالتين

شفت ياهل امه وابوه انفصلوا...وكل واحد تزوج من صوب وعاشوا حياتهم
وصار عندهم عيال...واهو عايش عند اليدة
بس يكسسسر الخاطر...اليدة مهما كان ترتبط واحيانا تنساه او تهمله
طبعا التأثير يبين لما يكبر بعد شوي ويصير مراهق مو الحيين


وشفت ام شايفة الويل من ريلها...كان يطقها وملعوزها
وتزوج عليها ثانية
لكنها صبرت وتحملت وداست على نفسها عشان عيالها...
وذاقت اشكال وألوان ...فقدت واحد من عيالها
و........الحين عييااااالها كبروا وصاروا رياييل وملتزمين..وعلاقتهم قوية بين بعضهم وفيه رحم بينهم
و...الناس تمدح فيهم اكثرررر من اخوانهم الثاانيين
وقايميين في امهم و....حتى ابوهم قاموا فيه مع انهم يدرون انه امهم تحملته عشانهم