يارب تضعف اللي تقولي من وين تشتري ملابسها الرياضيه

[دلوعة مغليها]

السلام عليكم يا احلا كويتيات
وأخيرا قررت وسويت اشتراك لمده سنه في النادي
فحبيت اسالكم من وين أجهز ملابس رياضيه و جواتي وشنو أحتاج بالضبط
مالي غيركم استشيره .... فياريت الرياضيات الحلوات ينصحوني وين اروح و شنو اشتري
لاني بصراحه هذي اول مره ... فما أدري شنو احتاج بالضبط كم بدله ؟ كم جوتي ؟ ( الميزانيه على قدي )
ويارب يارب يارب تضعف اللي تنصحني و تدلني

 

[Smra^_^Cool]

حبوبه انا من قبل عندي ملابس رياضه مع اني ما كنت اشترك بنوادي بس كان لبسي سبورت فما احتجت اني اشتري وايد ملابس

بس عندج النصر الرياضي و سبلاش وافتري بالافنيوووز راح تلقين مو شرط المحل نفسه يكون محل رياضه لااا عادي حتى في المحلات العاديه تحصليين :rerrerek:

وان شاء الله يارب نضعف بصحه وعاافيه:yaaaaaarb:

 

[Smra^_^Cool]

ايي ونسيت اقولج تحتاجين وانتي بكرامه جوتي رياضه واحد ونعال حق حمام السباحه وفوطه صغيره لانج راح اتعرقين واايد وتحتاجين فوطه تمسحين فيها وفوطه كبيره حق لما تطلعين من حمام السباحه والملابس انتي وطريقتج اذا تحبين تلبسينهم من البيت او لما تروحين اهناك

وبس اذا تبين اي شي انا حاضر:eh_s(7):

 

[دلوعة مغليها]

مشكوره Smra^_^Cool كفيتي و وفيتي
نبي خبره البنات بعد

 

[مذهلة 78]

حبيبتي عندج جو سبورت والركن الرياضي ونصيحه اخذي جوتي نايك لان وايد مريح وقولي حق اللي بالمحل انج تبينه حق النادي لان الجواتي ارضياتها تختلف

 

[أحلى البشر]

انا من كل مكان اخذ بس اللي حسيت قطنهم حلو ومريحين سنتر بوينت روحي اللي بالاوقاف وايد حلوين ومريحين

 

[دلوعة مغليها]

مذهله 78 و أحلى البشر
يارب يارب تضعفون وتصيرون سمبتيـــــــــــــــــــــــــــــــــك
طيب شنو أحط بالجنطه ولا زم جنطه صح ؟؟؟؟

 

[مذهلة 78]

حبيبتي لازم جنطه

حطي فيها المايوه مال السباحه وملابس داخليه حقج عشان لما تخلصين من النادي تتسبحين وتلبسينهم جنطه صغيره فيها غسول حق المنطقه الحساسه عشان قبل لا ادشين الحوض تاخذين شور وتغسلين بالغسول عشان لا يصير فيج التهابات من ماي الحوض وشامبو ومشط وعطر او بدي اسبري

2- فوطه كبيره وفوطه صغيره تحطيها على رقبتج عشان لما تعرقين

3- بونيه ( الكبوس مال السباحه )

4- نظاره مالت الحوض

5- دسوس عشان لما تمسكين يدات الاجهزه ايدج ما تعرق وما تحكج ويصير فيج فواليل من البكتريا

6- جوتي باليه حق حصص الرقص ونعال وانتي كبيره حق الحوض والحمام

 

[سنيوريتآ]

نفس كـلآإم مذهله 78 ​

 

[kuwait_queen82]

و الاهم و المهم تكون الملابس قطن و مو شرط من محل رياضه عندج بيكوكس قطنياته اتهبل و عندهم قاسات اكبيره
و على الاقل تاخذين لج اربع تيشرتات و اربع بنطلونات رياضه

 

[ويـــزا]

بالنسبة لي لاني في نادي بس اجهزه
فما احتاج الا جوتي واحد وانتي بكرامه بس مثل ما قالوا البنات قولي للي يبيع انج تبينه حق نادي
واما الملابس فآخذها من قو سبورت وما تحتاجين تكثرين الا اذا كنتي تحبين تغيرين لبسج وايد ههههههههه

 

[دلوعة مغليها]

فديتكم و الله
يارب تضعفوووووووووووون و تصيرون رشيقااااااااااااااات
يـــــــــــــــــــــــــــــــــااااااااااااارب

 

[Om_Ksha]

يعطييييييييكم العااااااااااافيه .. امبي مذهله نبهتيني على الدسوس لللايييد عن البكتيريا ,, وييع

 

[بوسيcat]

انا مابي اضعف :rgewrg::rgewrg:
وزني تمام :rerrerek:
ههههههههههه

انا اخذ من 360 في محل فوق بالزاويه مطيحه عنده كل اسبوع
بس نسيت اسمه لاني ادش سييييدا كله نايك وريبوك واديداس وتحت اخذ من نايك جواتي الرياضه اخذي شي غالي عشان ترتاحين فيه بالمشي يكون مريح ولين من نايك بتحسين بالفرق
طبعاً مايوه + القبعه + النظاره + نعال وانتي بكرامه
الدسوس تنفع وايد حق اجهزة الشد والحديد والاثقال
البلايز الرياضيه نص جم أو بدون حسب راحتج والبنطرون البرمودا او الشورت على حسب راحتج

وجنطه طبعاً
ودلاغات :dddds: كثري منهم من نايك كد ومد
اذا انتي تروحين النادي بملابس رياضيه تحتاجين البنطرونات الرياضيه + الجاكيتات
أو التريننغ الكامل