ياروح الروح حبك فرضته فرض ياروح الروح اصبحت انت النبض

[ام حمادي309]

رد: يروح الروح حبك فرضته فرض ياروح الروح اصبحت انت النبض

ثانكيووووووووو حبيبتي
تسلم ايدينج والله شكلج تعبتي وانتي تكتبين

بس بقولج السؤال مره ثانيه

مسكينه زهرة تكسر الخاطر بس صراحه ابي اسالج القصه حقيقيه ؟
واذا كانت حقيقه شلون عرفتي ادق التفاصيل فيها؟
اتمنى القى اجابات خيتووو اذا مافي اي خصوصيات يعني

ومشكوووووووورة يا الغاليه

 

[ام حمادي309]

رد: يروح الروح حبك فرضته فرض ياروح الروح اصبحت انت النبض

اي نسيت اقولج
ولدي اسمه حمد مو احمد ولا محمد ولا ولا ههههههههههههههه

بس اكيد مو نفس حمد اللي بالقصه ربي يخليه لي

 

[@أحلاهم وأتحداهم@]

رد: يروح الروح حبك فرضته فرض ياروح الروح اصبحت انت النبض

ثانكيووووووووو حبيبتي
تسلم ايدينج والله شكلج تعبتي وانتي تكتبين

بس بقولج السؤال مره ثانيه

مسكينه زهرة تكسر الخاطر بس صراحه ابي اسالج القصه حقيقيه ؟
واذا كانت حقيقه شلون عرفتي ادق التفاصيل فيها؟
اتمنى القى اجابات خيتووو اذا مافي اي خصوصيات يعني

ومشكوووووووورة يا الغاليه

العفو حبوبه القصه فكرتها واقعيه يعني الاحداث مو كلها طبعن في اشياء انا ضفتها وفي اشياء شلتها للخصوصيه
صارت بس الحوار من عندي انا

 

[ام حمادي309]

رد: يروح الروح حبك فرضته فرض ياروح الروح اصبحت انت النبض

اهــــــأ اوك جذي السالفه

مشكوووووووورة حبيبتي احلا حوار وربي

تسلم ايدينج على الكتابه تعبتي روحج وانتي تكتبين لنا هالبارتات

ثانكيوووووووووووووووو

 

[@أحلاهم وأتحداهم@]

رد: يروح الروح حبك فرضته فرض ياروح الروح اصبحت انت النبض

اهــــــأ اوك جذي السالفه

مشكوووووووورة حبيبتي احلا حوار وربي

تسلم ايدينج على الكتابه تعبتي روحج وانتي تكتبين لنا هالبارتات

ثانكيوووووووووووووووو

ولكمووووووووو وعلى فكره مثل ماأنتو تستمتعون بالقراءه حتى انا استمتع بالكتابه وانتو تستاهلون

 

[ReRez]

رد: يروح الروح حبك فرضته فرض ياروح الروح اصبحت انت النبض

وانا بعد مو مرتاحه من هالروان حسافه على عبدالله

ويع خلود نعم خير اشفيها عنتر زمانها ؟؟

مشكوره حبي احلاهم

 

[spongebob93]

رد: يروح الروح حبك فرضته فرض ياروح الروح اصبحت انت النبض

وااي لا روان مو من صجها مشفحه :eh_s(14)::eh_s(14): كلللش ماحبيييتهااا !!!
ناطرين البارت العاشر شكله حدا يشوق
وثااانكس عالبااااارت

 

[@أحلاهم وأتحداهم@]

رد: يروح الروح حبك فرضته فرض ياروح الروح اصبحت انت النبض

وانا بعد مو مرتاحه من هالروان حسافه على عبدالله

ويع خلود نعم خير اشفيها عنتر زمانها ؟؟

مشكوره حبي احلاهم

ههههههههههههههههههههههههه عجبتني عنتر زمانها هذي الغيره وماتسوي نطري البارت الياي عجيب في احداث مو طبيعيه بعد اشوي بكتبه واذا قدرت نزلته اليوم

 

[@أحلاهم وأتحداهم@]

رد: يروح الروح حبك فرضته فرض ياروح الروح اصبحت انت النبض

وااي لا روان مو من صجها مشفحه :eh_s(14)::eh_s(14): كلللش ماحبيييتهااا !!!
ناطرين البارت العاشر شكله حدا يشوق
وثااانكس عالبااااارت

من ناحيت يشوق يشوق

 

[@ احلى عروس @]

رد: يروح الروح حبك فرضته فرض ياروح الروح اصبحت انت النبض

تسلم ايدش على البارت
ابي البارت العاشر بو الاحداث المشوقه
متى بتنزلينه ؟​

 

[@أحلاهم وأتحداهم@]

رد: يروح الروح حبك فرضته فرض ياروح الروح اصبحت انت النبض

تسلم ايدش على البارت
ابي البارت العاشر بو الاحداث المشوقه
متى بتنزلينه ؟​

يمكن بعد اشوي :0bee2e8d89:يعور القلب

 

[MISS.D&G]

رد: يروح الروح حبك فرضته فرض ياروح الروح اصبحت انت النبض

ام الحاسه السادسه حياج الله :krkrkr:

لوووووووووووووووووووووووووووول
:krkrkr:
:krkrkr:
الله يحييييييييج ...​

 

[@أحلاهم وأتحداهم@]

رد: يروح الروح حبك فرضته فرض ياروح الروح اصبحت انت النبض

البارت العاشر

حنان استانست من شكل عبدالله الانه اول مره يلبس دشداشه وقتره وعقال :ماشالله تبارك الرحمن تعال اقرى عليك المعوذتين اخاف ينضلونك
عبدالله :هههههههههه يمه شدعوه
حنان:وانا صاجه


بيت روان
ا م روان:ماشالله تبارك الرحمن اتهبلين
روان:صج يمه يعني امه راح تستانس اذا شافتني
ام روان: ماعتقد بتشوف وحده احلى منج بس المهم انه عبدالله متمسك فيج
روان:أي والله يما عبدالله يموت فيني
ا م روان :يمه ماوصيج خلج اثقيله والكلمه ماتطلع منج
روان:اشالله يمه
ا م روان:هذا جرس الباب جنهم اوصلو
روان:واي قلبي يرقع
نوف اخت روان الي اصغر منها:الف الف مبروك رونه واي من قدج بتاخذين ولد ال.... باجر مانقدر انكلمج
روان:ههههههههههههههههههه لاحبيبتي اتكلميني ونص ولا ايشي تبين من عيني هذي قبل هذي
بصاله
ا م روان :حيالله من يانا
حنان :الله يحيج اشلونج ام روان انشاالله بخير
ا م روان :الحمدالله بخير انتي شلونج
حنان :انا بخير دام اشوف ريلي وعيالي بخير ومرتاحين
الا وين عروستنا ماشفناها
ا م روان :الحين تنزل
حنان:اعرفج على بناتي أميره وساره
ا م روان:ماشالله مايبين انهم بناتج جنكم خوات
طبعن اميره وساره مومرتاحين من الوضع كلش اهمه يسولفون انزلت روان وسلمت عليهم
حنان اول ماشافت روان تضايقت الانه فرق السما عن الارض لجين وايد وايد احلى واذرب (الله يهداك ياعبدالله والله لو طعتني وشف لجين مو احسن من هذي)
والبنات كانو يتساسرون
ساره:وع وع وع عبود من صجه جيكره والله مافيها ذرت جمال
أميره:انتي شوفي الحواجب اتقولين ساحره احد يطيرهم جذي
ساره:ههههههه يعني ماشيه مع الموضه الله يخليج شوفي عندها كرشه @@ ههههههههه
أميره:الله يغربل ابليسج سارو يوزي الحين اتفشلينا جدام العالم
حنان:ا م روان ا خل روان تقعد مع عبدالله يمكن عندها شي بتقوله
ساره اتساسر أميره:خخخخخ امي اشفيها سنتين يغازلون بعض واليلحين ماقالتله الي تبيه هههههههه
أميره:ههههههههههههههههه سارو بس عاد
وقامت روان وهيه منفسه على البنات
روان (خل اتزوج عبالله وصير خير ) وراحت اقعدت عند عبدالله بصاله الثانيه
عبدالله:هلا وبطش ورش
روان هلا فيك
عبدالله:روان شكلج يعور القلب اتهبلين ياناس مرتي قمر
روان نزلت راسها يعني مستحيه
عبدالله:توني ادري انج تستحين
روان@@:اشقصدك يعني انا ماستحي
عبدالله:لابيه مو هذا قصدي
روان بعصبيه وغرور:عبدالله لاتخليني اطلع وقولهم اني هونت عنك
عبدالله:قلبج يطاوعج اتهونين
روان:أي عادي اهون وجنه العيد
عبدالله وايد تضايق منها:اوكي وانتي طالعه يبي كرتي البنك وياج اعتق لي هونتي مالا داعي يكون عندج
روان خافت وحبت تقلب السالفه لصالحها:عبودي حبيبي والله لاتلومني خواتك نرفزوني يشوفوني وتساسرون جني مو عاجبتهم
عبدالله :مو لازم تعجبينهم كافي عاجبتني
نرجع عند حنان وام روان
حنان:ا م روان الي اعرفه انه العيال يبون بعض انا اقول نتفق على كل شي من الحين احسن
ا م روان :هذي الساعه المباركه والي تبونه بصير
حنان:انا ماعندي الا هل ولد ودي اسويله عرس لاصار ولاستوا وانا اقول انخلي الملجه والعرس بيوم واحد
ا م روان :الي تشوفينا بس نبي وقت عشان انجهز البنت
حنان:شهرين كافي
ا م روان ودها اتقول لا وايد :أي كافي



بيت عاليه
زهره:عاليه حمد داق علي يقولي ردي البيت
عاليه:خيولي وذا موعاجبه خل يطق راسه بطوفه
زهره:لا لازم اروح مالي خلق يسويلي سوالف(خايفه منه)
عاليه:انتي تعبانه ماتخافين يسوي فيج شي هذا مينون
زهره:ماعاد يهمني عاليه لجين مابيها اتي البيت ابروحها الله يخليج
عاليه:لاتحاتي انا وعبير بنكون معاها
زهره:ولا عليج امر ناديها لي بكلمها
عاليه:انشالله
عاليه نادت لجين مسكين هيت تركض من الخرعه
لجين:عمتي امي فيها شي
عاليه:وانتي خله مخترعه لا مافيها شي بس قالتلي تيبج
لجين راحت وقطت روحها على صدر امها
لجين:ماما اشفيج تعبانه تبين ايبلج شي
زهره:لا يانظر عيني مابي شي بس ابي اسولف معاج اشوي
لجين:بس انتي تامرين سولفي من الحين لي باجر
زهره:حبيبتي انتي سمعيني انا اليوم برد البيت الانه حمد مصر ارجع اليوم
لجين تضايقت:خلاص يمه نرجع اليوم
زهره:لجين انا برجع ابروحي انتي قعدي عند عمتج علما تخلص شقت طلال
لجين بجت:ماما مايصير انتي بمكان وانا بمكان
زهره:ميخالف ماما بس ابيج توعديني اذا بتين البيت ماتين الا وعناتج معاج مابيج اتين ابروحج
لجين مستغربه من طلب امها الانه ثاني مره تطلب منها هطلب:انشالله ماما
زهره:عفيه على بنتي الحلوه يمه زهبي اغراضي
لجين وقلبها مكسور :انشالله
زهره اطلعت من البيت وردت بيتها لجين كانت بس تبجي اول مره اتحس انها افقدت امها راحت ودقت على طلال
طلال:هلا لجونتي
لجين وهيه تبجي:طلال وينك
طلال خايف:لجين اشفيج صاير شي
لجي نتبجي وتشاهق:امي ردت البيت واتقولي لاتين البيت
طلال:حبيتي لجونه عفيه لاتبجين انا الحين ايلج انتي ابيت عاليه
لجين:أي
طلال:خلاص الحين أيي


بيت حنان
حنان:والله مادري شقولك مادري شنو لاقي فيها مافيها ذرت جمال وقاعده ماده البوز شبرين
عبد الرحمن:دام عاجبته مابيدنا شي
حنان كانت متضايقه وايد وحابسه دمعتها بعينها بس عبدالرحمن حس فيها
عبد الرحمن:حنون قومي صلي وطلبي من الله اذا فيه الخير يجدم الزواج واذا فيه شر الله لايبه
حنان:انشالله
قامت توضت وصلت ركعتين ومن خلصت قامت تبجي وتدعي
حنان:يارب ياحبيبي انت تدري بلي بداخلي يارب تبعد هل بنت عن طريج ولدي وترزقه في بنت الحلال الي انا ابيها
عبد الرحمن يتله الضحكه على دعوتها بس سكت وتضايق بفس الوقت الان كانت تبجي واول مره يشوفها تبجي

بعد اسبوعين
زهره اتعبت اكثر واكثر ونقلوها مكي جمعه وحالتها كل مالها وتتدهور ولجين نفسيتها اتعبت وايد وهم حنان الانه مو بس رفيجت عمرها زهره اكثر من اخت بنسبه لها
بهل فتره تأجل عرس عبدالله وروان بسبب مرض زهره حنان كانت معارضه اتزوج عبدالله وزهره بهل حاله

بعد 9 اشهر من نومت زهره بالمستشفى كانت بهل فتره اسبوع زينه وشهر تعبانه ضلت بالمستشفى وماطلعت كلش

لجين:صباح الخير ماما يالله قومي بسج نوم قومي خل اريقج بيدي وتحرك امها زهوره عن الدلع يالله قومي
لاكن زهره ماتحركت لجبن خافت :ماما عفيه قومي
وهم ماتحركت لجين اطلعت من الغرفه اتنادي الدكتور
دخل ادكتور وبعد مافحصها نزل راسه وغطا ويها
الدكتور طلع بره :راح عند لجين انتي بنتها
لجين قلبها اشوي ويوقف:أي دكتور امي فيها شي
الدكتور :انتي ابروحج اهني ولا معاج احد كبير
لجين حست انه امها ماتت بس كانت تجذب روحها :لا مامعاي احد ليش دكتور امي اشفيها
الدكتور :لامافيها شي (مايبي يقولها ومومعاها احد من اهلها) تعالي معاي ابي اكلمج اشوي
لجين راحت معاه المكتب
الدكتور:لجين ابي رقم ابوج خالج أي احد من اهلج
لجين تبجي :دكتور عفيه قولي امي فيها شي
الدكتور: لابس في اوراق لازم يوقعون عليها الحين ضروري
لجين اشوي ارتاحت وعطته رقم عمها راشد:دكتور امي ليش ماتتحرك
الدكتور:لاتخافين الانه ماخذا نوع يديد من الدوا يخليها ماتحس بشي (ادكتور ماكان قادر حتى يلمح لها الانها كانت شبه منهاراه ولاجم احد يكون موجود معاها) عن اذنج يابنتي اكلم عمج طلع بره وكلم راشد
راشد لمن سمع الخبر دق على طلال عشان يروح قبله المستشفى
طلال وصل وليلحن لجين ماتدري بلي صار
طلال :لجين انتي هني وانا ادورج
لجين :أي عمي الدكتور يابني اهني
بهل لحظه دخل راشد لجين تأكدت انه امها فيها شي
لجين اطالع عمامها :امي ماتت صح
طلال راح صوبها يمسح على راسها ودمعته بعينه :لجون انتي مأمنه بالله وكلنا رايحين محد فينا بضل
لجين من الصدمه طاحت من طولها
طلال وهوه يبجي:لجين ردي علي لجين حبيبتي ردي علي راشد ناد الدكتور بسرعا
راشد يصارخ:دكتور الحق علينا البنت طاحت مادري شفيها

زهره ارتاحت من عذاب الدنيا وخلت الشقى وتعب حق بنتها
وبعد سنه من وفات زهره وب هل فتره طلال ماكان يفراق لجين كلش كان مثل ضلها وحتى البنات دلال ومريم كانو اغلب وقتهم معاها وطلال كان يحاول كثرمايقدر يخليها تضحك وسافر معاه العمره وغير الدول الباجيه
طلال:صباح الخير ياحلوات
دلال:صباح النور نسيت اليوم عندنا تسجيل صيفي
طلال:وانا اقول ليش قاعدين من الصبح
طلال:لجون انتي بداومين هل كورس
لجين :أي عمي بس صارلي سنه موقفه قيدي
طلال:أي هذي لجونه حبيبتي
دلال :أي الحجي الحلو كله لها اما انا ومريوم تناتيف
لجين:هههههههههههههههه
طلال استانس الانه شاف لجين بعد سنه تضحك جذي
دلال:تضحكين اوريج
لجين :اشفيج انتي ترى مثل مايحبني يحبكم
طلال:لا انتي غير
دلال:ليش غير
طلال:غير وبس يالله قومو بلا قرقه دلي وملي حطو بالكم على لجون
مريم :لاتخاف لجون بعيوني
دلال:اذا حطيتيها بعيونج اشلون اتشوفين صج هبله
لجين:هههههههههههههههههههههههههههههههههه
دلال:فديت الضحكه والله وباستها حيل أي هذي لجون الي اعرفها



بيت حنان
عبدالله يكلم روان
عبدالله:روان موحاله معاج كل يوم هواش
روان:يعني انت عاجبك حالنه سنه كامله مخطوبين
عبدالله :وهذا شكو بالموضوع
روان:لاتلومني ابي اكون عندك اليوم قبل باجر
عبدالله:انتي تدرين الضروف الي مرينا فيها وتدرين امي اشكثر اتعبت بعد وفات ارفيجتها
روان:هذي رفيجتها وجذي سوت عيل لو بنتها او ريلها جان شصار فيها
عبدالله اول مره يصارخ عليها:روانو احترمي نفسج وثمني كلامج لااي اذبحج والله ان شفتج مره ثانيه تتكلمين عن اهلي بهطريقه ماتلومين الا نفسج مابقى الا انتي وصكه بويها


نرجع عند البنات لجين كانت ابعيده عن مريم ودلال وبهل لحظه رن تليفون لجين وكان الرقم غريب
لجين:الوووو نعم
حمد:الووو لجين انا تعبان
لجين :منو معاي
حمد:الله يادنيا ماعرفتيني انا عمج حمد
لجين:هلا عمي خير عسى ماشر
حمد:لجين والله من ماتت امج وانا حالتي ماتسر
وقع يسولف معاها وبنهايه طلب منها اتيي البيت بس بدون علم احد وتفقو على عقب باجر بليل


نهاية البارت

 

[spongebob93]

رد: يروح الروح حبك فرضته فرض ياروح الروح اصبحت انت النبض

ايييي شييي @@ هذا حمد شيبي بعد ؟!! :| لالا مو طبيعي مو من صجججه !!!!
واااي لجيييين لااا ترووووح :eh_s(2)::eh_s(2):
واااي البااارت عجيب مشكووره احلاااااهم (a)

 

[shoOshii]

رد: يروح الروح حبك فرضته فرض ياروح الروح اصبحت انت النبض

waay alah yster mn 7amad hatha wee3
thenq 7ubi 3l parrt
na6rench
kmley plzz

 

[@أحلاهم وأتحداهم@]

رد: يروح الروح حبك فرضته فرض ياروح الروح اصبحت انت النبض

اب اب

 

[@أحلاهم وأتحداهم@]

رد: يروح الروح حبك فرضته فرض ياروح الروح اصبحت انت النبض

ايييي شييي @@ هذا حمد شيبي بعد ؟!! :| لالا مو طبيعي مو من صجججه !!!!
واااي لجيييين لااا ترووووح :eh_s(2)::eh_s(2):
واااي البااارت عجيب مشكووره احلاااااهم (a)

العفو يقلبي

 

[@أحلاهم وأتحداهم@]

رد: يروح الروح حبك فرضته فرض ياروح الروح اصبحت انت النبض

waay alah yster mn 7amad hatha wee3
thenq 7ubi 3l parrt
na6rench
kmley plzz

العفو حبوبه
وانشالله باجر انزل بارت اليوم نزلت بارتين تعبت

 

[@ احلى عروس @]

رد: يروح الروح حبك فرضته فرض ياروح الروح اصبحت انت النبض

الله يستر من هالحمد وااااي حدي خايفه عليها ​

 

[@أحلاهم وأتحداهم@]

رد: يروح الروح حبك فرضته فرض ياروح الروح اصبحت انت النبض

:lololoe::lololoe::lololoe: