ياريتني ماسويت ليزر

[ابله لوله]

السلام عليكم
شلونكم بنات ؟



المكتوب ع الجبين تشوفه العين ع قولتهم ..
احس اني متحسفه ليش سويت ليزر ..

تعالو اقولكم السالفه من طق طق ..


توني باديه ليزر وهذي ثاني جلسه لي .. حلو .؟؟

اول مره سويته استانست لان الشعر طول وجذي جني مو مصدقه ع الله ..

المهم ..

الجلسه الثانيه تقريبا قبل اسبوع .. رحت لهم .. قالولي مغيرين الجهاز .. ويايبيين جهاز يديد الا وهو .. ان بدال الهوا البارد يرش مثل ماده وبعدين يحرق الشعره ..

سويته وكان يذبح حسيت بكل حرقه وطقه ليزر ..

المهم ..

بعدها بيوم ... فجاة جسمي شب علي حكه وحساسيه واللون قلب احمر .. والجلد برز لي فوق منقط ومحبب .. فهمتوا علي ؟؟

المهم رحت العياده وكلمت الدكتور وقالي عاادي ويصير مرات جذي .. ماصدقته بس ماكان بيدي شي اسويه عطاني كريمات وحبه اخذها بالليل ...




المشكله ان بعد يومين خذيت الحبه صرت ماشوف وعيني تزغلل .. والحكه زادت ..

واليوم دقيت شخلته .. لان مو راضي يقولي من شنو صاير معاي جذي .. ومادري شسوي مو بيدي شي ..


الحاله اللي انا فيها باختصار .. :eh_s(16):
ماكو نوم .. حكه متواصله .. الجلد صار رقيق وقام يطلع دم .. وجلدي تشوه صار منقط وبارز لي فوق .. شكله يخرع ..


في احد صار وياه جذي ؟؟ وشنو الحل ؟؟ وفي كريم يخفف ..؟؟


بليز ساعدوني حالتي يرثى لهاااا :eh_s(11):

 

[قاهره عذالي]

ادهني جسمج كله بميبو

وروحي طبيب جلديه شوفي شيقولج

انا الليزر اللي اسويه

يطلع هوا وبارد وما ضرني
يمكن انتي كنتي داهنه جسمج قبل الليزر بلوشن معطر او عليه عطر

خلاص تعلمي من هالتجربه

الليزر البارد هو الزين وبس

 

[ابله لوله]

ان شاء الله
مشكوره اختي ..
اهوا اساسا عطاني كريم مثل تركيبه الميبو بس ريحته ربيان مجفف وحيل دبق ماقدرت انام فيه .. لزق الكفر والشرشف بجسمي ..

بس انا رايحتلة ومو حاطه حتن عطر وربي ..

واهوا وايد قالي اعذار
يمكن من الشمس ويمكن من الماده اللي بالجهاز ..
مو راضي يقولي من شنو بالضبط ..

 

[سميره مملوحه]

لااااااااااااااااااازم ورا الليزر يعطيج جل مبرد
عشان يبرد جلدج ويمنع الاحمرار والحروق او تحطينكريم ميبو على طوووول لازم ورا الجلسه

 

[مدّهره !]

لاتحكينه يزيد

 

[maysa]

يا ويلي الله يعنيك :s


اللي بيصير انو بس ورا الجلسة مباشر بيصير الجلد منتفخ بس عادي تاني يوم ولا كانو في شي



حطي كمادات باردة


وانتبهي للأدوية مش شو ما اعطوكي تاخديه


روحي دكتورة متخصصة أفضل

 

[ام عبد العزيز م]

روحي لي الطبيب لا تقعدين جدي راح يزيد

 

[ابله لوله]

لااااااااااااااااااازم ورا الليزر يعطيج جل مبرد
عشان يبرد جلدج ويمنع الاحمرار والحروق او تحطينكريم ميبو على طوووول لازم ورا الجلسه

ايييي اهوا عطاني كريم بس مو مبرد اسمه ماعرف اقوله بس في شخطتين برتقالي واحمر .. بس خلصت اثنين ولا شفت فايده

وسالته عن الميبو قالي لا ماله داعي ميبو ؟؟؟؟

 

[ابله لوله]

لاتحكينه يزيد

من صجج .. زاد وخللللص ..

وجلدي انجرح وطلع دم ... الحكه لا تطاق ماكو شي يهديني ..

الله وكيلج شفتي اللي محتاجين جرعه مخدرات شلون يحككون صار فيني جذي هههههههههههههه

 

[ابله لوله]

يا ويلي الله يعنيك :s


اللي بيصير انو بس ورا الجلسة مباشر بيصير الجلد منتفخ بس عادي تاني يوم ولا كانو في شي



حطي كمادات باردة


وانتبهي للأدوية مش شو ما اعطوكي تاخديه


روحي دكتورة متخصصة أفضل

عدل كلامج .. شفتي ورا الجلسه كيف بتكون الاثار .. انا ظلت معاي اسبوع هيك وحيات الله جنيت

انا قلت رح روح ع دكتور جلديه بنهايه الاسبوع لانو ما بقدر اطلع من شغلي هالايام لاني معلمه ..

تأبريني :eh_s(7):

 

[ابله لوله]

روحي لي الطبيب لا تقعدين جدي راح يزيد

ان شاء الله يا ام عبدالعزيز بروح .. والله مادري اضحك على حالي ولا ابجي ..

انا قلت خلاص توبه راح اقطع الجلسات وارجع حق الشيره ابرك :bbbiu::eh_s(4):

 

[1001]

وقفي الحبوب والليزر وحطي كمادات بارده لاتحطين عطور او تتسبحين بصابون فيه عطر
وطيران لدكتور جلدية ثاني اخذي استشارته
الجهاز الجديد جربوه عليج ومايعرفون اضراره او طريقته وممكن ان جلدج فيه حساسيه من الليزر

في وحده من العضوات مرت بنفس تجربتج
http://www.q8yat.com/t841896.html

 

[نوف الصقعبي]

انا سويت ليزر بمستشفى رويال حياة شحلاته اينن عطانى نظافه ونعومه وفتح لي البشره بعد

وماشفت اي شي ضار والحمدلله

وكان ليزر البارد اللي يطلع منه مثل ضخ الهوا البارد ونسبة الألم بسيطه جدآ

ارتحت من شي اسمه شعر

هذا اشكره مجرب عليج جهاز يديد

اشتكي عليه عند حماية المستهلك او رفعي قضيه راح يعرضونج على الطب الشرعي للكشف

لاتسكتين خل يصكرون عيادته ويدفعونه تعويض مادي للضرر اللي تسبب لج فيه

وين قاعدين​

 

[maysa]

خلينا ع إطلاع شو بيصير معك

وإن شاء الله بتختفي هالمشكلة خاصة إنها بمنطقة حساسة


ع سلامة يا رب

واتحملي ما تحكي قد ما فيكي


ناطرين اخبارك

 

[مكنتوشه]

صارت معاي الحكه عالجهاز العادي .. بغيت اموت قطعت جلدي من الحك اشوف قطع الجلد باظافري
يمكن بشرتي حساسه

 

[<miss botamba>]

انا كنت اروح حق نوره الصليلي وماصار فيني جذي والحمدالله اختفى الشعر وبدون الم

بس بدايه العلاج كان جهازهم غير يرش مثل ماي وكان يعور خفييييييييييييييييييف ماتحسين فيه وايد وعقب غيروا الجهاز ويابوا الي يطلع هوا من كثر ما اهوا عجيب تخلص مني وانا مو حاسه

كلش كلش اذا تحسست يطلع مثل حبوب صغار وبعد ساعه تختفي

واختي تمدح ليزر ياكو ابولو

 

[اوبراا]

اب اب

 

[Tom ♥ Jerry]

,


واي الله يعينج

حبيبتي وين سويتي ؟

 

[ام يارا القمره]

ياخوفي هذا اكزيما
لان اعراض اكزيما حاده حكه كانك متعاطيه مخدرات خروج دم اسوداد او احمرار عدم النوم
هذا يبغالها كرتيزون الله يعينك
جربت الاكزيما وعرفت معنى الصحه
روحي لدكتوره جلديه لان حساسيه تنقلب لاكزيما حاده

 

[ابله لوله]

ياخوفي هذا اكزيما
لان اعراض اكزيما حاده حكه كانك متعاطيه مخدرات خروج دم اسوداد او احمرار عدم النوم
هذا يبغالها كرتيزون الله يعينك
جربت الاكزيما وعرفت معنى الصحه
روحي لدكتوره جلديه لان حساسيه تنقلب لاكزيما حاده

لا الحمدالله مو اكزيما بس طلع حساسيه من الماده اللي بالجهاز
وحذيت كرتيزون