ياطباخاتنا الحلوات تعالو حلو عقدتي بليز (ليش لما احمس صدور الدياي تصير يابسة؟)

[شهر العسل]

السلام عليكم احلا طباخات شلوووووووونكم
انا وحدة متعقدة من صدور الدياي عمري ما سويت فيها شي وصارت طرية او ذايبة
انا اسنخدم ساديا علا طول اللي من غير عظم طبعا جربت احمسها من غير فوح تصير يابسة وعردة وجربت افوحها وعقب اقصصها واحمسها هم بعد يصير يابسة
وانا اسويها حق البرياني .. الدياي بالكاري... المكرونة
في احد عنده حل حق مشكلتي ؟
انا حليت المشكله باني اشتري دجاج تكا مال امريكانا واسويه مع البرياني بس هم بعد احس هذا مو حل ياربي كل الناس يسون الصدور يطلع طعمهم عجيب الا انا :eh_s(2):
HELP ME PLEASE !

 

[سعوودية]

لاتطولين وهي تنحمس تيبس
اصلن الصدور تستوي بسرعه ماطول

 

[شهر العسل]

حبيبتي سعودية مشكورة عالرد
المشكلة انها ماتستوي معاي اذا ماطولت لان اقصصهم كبار شوي

 

[حبيبه بدر]

حطي معاها وانتي تحمسينها ملعقت خل وادعي لي

 

[ام سعود ديكسون]

نفس الشي صار وياي من يومين
بس اتوقع لأني كنت مستعيلة ذوبت الدياي وتبلته
كان المفروض أنقعه بالتتبيلة والليمون عشان يطلع ترف*

 

[جارة القمر]

مشكووريييييييييييييييييييييين

 

[noynoy]

تبيليه اب كركم و ليمون و خل و زيت زيتون و فلفل و ملح و خليه جم ساعه
بعدين غسليه و استخدميه
بيطلع ترف

 

[شهر العسل]

مشكورين عالردود الحلوة بجرب الخل وبجرب تتبيلة نوني بس شلون طعم التتبيلة ما يخرب طعم طبختي ؟

 

[شيــوخه]

هلا والله شهوره انا ماعمري جربتها بلبرياني اجربها بسلطه اجربها
بتقلي عادي تستوي معاي

بس انتي قلتي السبب انها ماتستوي معاج ليش لانج اتقصصينها كباررر
انا ماقصصص كبار
واذا بسويها احط عليها ملح وليون وروب وخليها بتلاجه لين مااطبخها بلعكس
تستوي ومن احسن مايكون

 

[أحلى همبه كويتية]

البنات ما قصروا
كل اللي قالوه صح

 

[شهر العسل]

مشكووورة شيوخ
مشكووورة همبة
بجرب اتبلها ومع الحمسة احط خل وانشالله تضبط معاي

 

[خليجية11]

البنات ماقصروا

 

[الريشة]

عموماُ معروف صدور دجاج ساديا عرد
فالحل الوحيد إنك تنقعين الصدور قبلها بيوم بالخل و الليمون أو الروب و الليمون بس لازم تدقين الصدور بالمطرقة الخاصة بالمطبخ قبل التنقيع عشان يصير حجمها ضعيف و تتشرب التتبيلة بسرعة و تنضج بسرعة وقت الطبخ....

 

[شهر العسل]

مشكوورة يالريشة حبيبتي انتي :*

 

[أم حيدر]

اول شي بعدي عن ساديا

المتحدة يهبل ومحلي ومضمون

لما تحمسين لا تحطين زيت - كثرة الزيت تحمص الاكل

عودي نفسج تحمسين بالماي وتطبخين بالماي

وبيضبط معاج الدجاج بكل حالاته

 

[om_saleem]

انتي لما تسلقين الدياي او اتبلينه لاتكثرين من البهارات المطحونه لانها تعرد الاكل

اذا بتسلقينه حطي البهارات الخشنه المخلوطه الي فيها ورق القار و و و

واذا بتبلينها علشان تروح الزفره حطي روب وليمون وفلفل اسود وملح وقفشة طحين وعقب دخليه بالثلاجه قبلها بيوم

وهم ترى ساديه عرد ديايهم اخذي من المتحده وايد زين

 

[شهر العسل]

مشكوووووووووورة يا ام سليم انشالله بجرب طريقتج
وتوني ادري انه اكو صدور غير ساديا مادري انه المتحدة يسوي صدور صافية

 

[nwir72]

انقعيه ساعه بخل او ليمون

 

[(( الذهب ))]

يمكن اذا حمستيها بالزيت تعلين عليه حيل تابس بسرعه خلي النار هاديه

 

[شهر العسل]

مشكورة نوير و الذهب
وايد نصحوني بالخل وانشالله اجربه