ياعرايس نبي فزعتكم

[نورالكويت]

عرايس عفيه عندي بنت اخوي عروس ونبي نجهزها وحايسين

يعني ياليت اللي توها مجهزة تذكرنا شوي بلسته التجهيز من الي

صراحه انا حدي قديمه عن التجهيز وحيل لهيت عن هالسوالف ياليت تكتبون الاشياء المهمه ومنوين

العرس اخر 11 ومابلشنا بشي كلششششش
يعني شرايكم شنو نبدي فيه شنو الاهم يعني من الاساسيات

والساعات خلصنا من الاساسيه شوبارد
نبي الماركات العاديه شنو احسن شي نازل توة بسوق

وبعد الجناط نبي ماركات بس مو اللي معروفه حيل يعني نبي شي مميز

عفيه عرايس الله يوفق كل من بترد على هالموضوع حدنا محتاسين موعارفين شنو نبدي فيه

 

[انا احلى]

رد : ياعرايس نبي فزعتكم

والله انا مو عروس

وان شالله البنات يفيدونج


اب

اب

لعـــيونج ..~

 

[نرجسية]

انا عندي بدلة عروس انشالله تعجبج راسليني على الخاص و ادزلج الصور ,,,,,,,,,,,


واذا على المشاغل انا توني طايحة طيحة على مشغل اتوقع اتجهزون البدل كلة منه

اسمة دار الاناقة

وهذا رقمة 99285853

 

[نورالكويت]

رد : ياعرايس نبي فزعتكم

ماقصرتو الله يوفقكم
انزين اختى نرجسيه وين صاير المشغل وشنو ستايله بضبط وجم اسعاره

وياليت تدزيلي صورة البدلة وجم مقاسها

 

[kOon yamak]

شوفي حبيبتي عند الافنيوز في كل شي روحي دبنهامز وخل تاخذلهاا كذا عطر ولا تكثر 6او7 كافي وانصحهااا بعطر اناندا حلو للعرايس وعندج اسكادا اليديد وبعد عطر جيرلاند وفي عطر طقم روووعه من استلودر اسمه استلودر سونس عجيييب وخل تاخذ من امل الكويت بخور المعاريس ومن القرشي مسك العروسه ومكعبات المسك ووعود بخور معطر ملكي من القرشي ومن العربيه معجون العربيه للعود ملكي وبخور ممسك من الشايع وبخور ريان من اصغر علي وعطر جيفاقو لايطوف اتوقع اتلاقينه فبيضون..ودهن العود عندج نواعم وبورمي من جنيد روووعه.. مممم والقمصان خل تاخذلهااا طويل 5او6 كافي والصغير ممم 10 او11 كافي وانصحج بلاسنزا واوشو ونعومي والبجايم خل تاخذلهااا 15 او16 كافي تلاقينهم بالري بدريم مول محل اسمه فخري رووووعه والجناط خل تاخذ 6 كافي 2ماركه و3شبه ماركه مممم وبس واي شي انا حاضر وموفقين يااارب..

 

[lakatat nour]

حمدالله ان في تنزيلات في مكان راح تحصلي لي تبينه. ممكن أساعدك بتصوير فوتو وفيديو مع لقطات نور٦٥١٢٠٠٤١ اتصليواحجزي

 

[عرووسة ضااري:$]

رد : ياعرايس نبي فزعتكم

الله يعييييييييييييييييييييينكم
تبين الصج انا عروس وربي محتااسه بعد
وموعارفه شسوي
بسوي لج اب اب اب عشان نستفيد اثنينه

 

[حور العيون]

رد : ياعرايس نبي فزعتكم

الله يتمم عليها ويوفقهاا


مادري حبووبه ماعندي خبره ماجهزت لأن عرسي ماتحدد


ان شاء الله البنات يفيدوونج

 

[نورالكويت]

رد : ياعرايس نبي فزعتكم

ياللله بنات اببببببببب


خلو العرايس يستفيدون

كان ودي استفيد من التجمعات بس مع احترامي لهم كلها سوالف مااستفدت ضاع وقتي ابطل الصفحات وماكو شي

ابي عالاقل بالموضوع نفيد بعض وان شفت شي حلو كتبته لكم اهني

 

[بدويه قمر]

رد : ياعرايس نبي فزعتكم

الله يعينكم على المراكض هذا الي ماحبه تدرين باديه اجهز من الحين عشان شهر قبل عرسي ما اطلع ولا اتعب نفسي واتفرغ للعنايه والجلسات شوفي حبيبتي روحي الافنيوز بتخلصين نص شغلج من اهناك واقولج اشلون
يعني تشترين عطوراتها من محلات العطور لوكستيان ومكياجي وبدي شوب ومحلات واجد والله اني نسيتهم وتخلصين المكياج من ماك وغيره وملابس الشقه اهم شي سهاله تخلصينهم بفره وحده والبجايم والانجري من لاسنزا وهالطقه يعني يبيلج اسبوع تخلينه للافنيوز وتخلصين اغلب التجهيز اي والمعرض بيتبطل 3/11 تلحقون عليه تاخذون لها طقم مباخر والعود وهالسوالف وعسى الله يوفقكم حده حده

 

[نورالكويت]

رد : ياعرايس نبي فزعتكم

اذا المعرض بيبطل بالتاريخ خوش عاد كنا ناوين نجهز العطورات من اللحين لان فافافوم مسوي خصم وعروضات

وستيبس هم مسوي سيل
وسنتر بوينت
وماكس

ستيبس وسنتر بوينت حق النعول حلوين وخصوماتهم حلوة
وسنتر بوينت عندهم اكسسوارات للغرفه وللاكسسوارات
وماكس حق البجايم حلو
اممممممم بعد
افكاري مسوي عرض لفناتك العروس بادي من اليوم
امل الكويت كان مسوي سيل 50 بالميه نص السعر قبل العيد حتى شذي العود باعوة ب24 دينار بس ماقعد على طول خالص
وبعد بنات ابي الساعات شرايكم ابي الكاجوال واللي تستخدمها وتغير فيها يومي
يعني محلات اون تايم حلوة
والماسه بالتنزيلات شي موطبيعي الساعه تصير ب10
روائع جنيف

 

[بواسم]

الف مبروك عرسكم حبوبه اول شي تجهزين بدلة العرس واذا تبين انا عندي تشكيله

وتجهزين دراريع حلوة وملابس طلعه وقمصان نوم وشنط واحذيه وانتي بكرامه

وشيلات وجم عبايه وعطورات وبخور وفوط للحمام طقم ومكياج وجم اكسسوار

ولا تنسون الذهب و لوشنات للجسم و ملابس داخليه ( اطقم ) وملابس للبيت

وساعات واذا ذكرت شي بقولج .

وانا عندي مشغل اذا تبين دراعات وعبي وشيلات وملابس طلعه ووسهره وزفاف

وحياج اختي .

وفي موضوع عن تجهيز العروس شوفي يمكن يفيدج .

 

[بواسم]

على فكرة اكو وايد تاجرات عندهم شغلات حلوة شوفي المول

 

[بدويه قمر]

رد : ياعرايس نبي فزعتكم

نسيت اذكرج بالحجوزات مثل الدي جي النفنوف للعرس والتحوال والصالونات وما الى ذلك لان لازم تحجزينهم من الحين

 

[نورالكويت]

رد : ياعرايس نبي فزعتكم

مشكورين صراحة السوق موشي كلششششششششش

وينكم عرايس فيدونا دخنا من الفرارة عالفاظي

 

[...العنااا...]

اهلين ,,,:eh_s(6):

انااا عندي بدلتين من فاطمة قبازرد شاريتهم حق ثاني يوم و رد اسبوعي ,,,

الأولى لونها عنابي بذهبي و الكريستال لونه عسلي والدانتيل بعد عسلي .... وفيه حركه عالكتف بالخامة الذهبية ..

والثانية لونها اخضر فستقي بفضي ... حيل حيل حلوة و راقية ...


حااابه أبيعـــهم لان مالبستهم إلا مره وحده و جدد وتوني مفصلتهم بعرسي والفواتير كلهم عندي

الأولى فصلتها بـ 650
والثانية بـ 500

وأكرر الفواتير عندي ... والقياااااس سموووول​

​