ياعيدي وخاطري مكسور

[Seleena]

تقبل الله طاعتكم
وعيدكم مبارك


حبيت افضفض مالي غيركم

قبل لاتبتدي العشر الاواخر من رمضان رحت لسوق الذهب وشريت حق امي خاتم ب 86 دينار

وخشيته عندي ابي اعطيها اياه هديه بيوم العيد ... لان امي لما نعطيها فلوس توزعهم عاليهال

كل واحد تعطيه عشره .. طارت الفلوس ولا استفادت منهم شي


اليوم بعد صلاة العيد حددي متشوقه اشوف فرحتها بهديتي

عطيتها اياه .. فتحته ولبسته وقلبته بايدها جان تقول كبير .. وبروح ابدله

قلت ليش تبدلينه .. يصغرونه لج ... قالت لا مو عاجبني الحجر

كسررره قويه ... هذي هديه والله لو يعطوني قرطاس بقول حلو واجامل اللي عطاني


حيل كسرت فيني حيل



وابوي عطيته 50 دينار .. جان يقول حق اخوي تبي عيديه ؟ للعلم اخوي بنص العشرينات وموظف عنده معاش حاله من حالي


قال اخوي لا ... قاله ابوي ترا ماعندي غيرك انت والثاني اعطيكم !!!

قالت امي وseleena ؟ قال هذي ماعليها .. اصلا اهي معطيتني عيديه

انا ماقلت قول انك بتعطيني شي بس جدامي جان قايل الله يخليها لي .. ماعندي غيركم اهي وياهم .. جان شملني بجملته خصوصا اني فعلا ماعندي غيرهم لا زوج ولا عيال


بس الشكوى لله

هذي عيديتي اليوم

 

[Tom ♥ Jerry]

.,

ما عليه حياتي
هاذي امج يعني بينكم ميانه من جذي تقولج عاجبني و لا مو عاجبني :*

الله يعينج و الله يجبر بخاطرج

 

[N.o.d]

احتسبي اجرج وانسي '

 

[Shinexo]

مآحبيت آطلع بدون مآقول شي

وحده من هلي تيمعوآ بنآتهآ قطو قطية وجآبولهآ ذهب بسعر فوق آلـ 2000 دينآر ومآعجبهآ وقآلت لهم ببيعه وبزيد عليه وبختآر ع ذوقي

بآلعكس مآزعلوآ ولآ شي بدل لآ تخليه عندهآ ومآتلبسه عشآن مآتنآثم عليه ترده وتآخذ شي يعجبهآ آنتي بنتهآ وتمونين عليهآ :*

آمآ آبووج حبيبتي مب قصده شي خذيها بنيه زينهه قصده آنتي آغنى وحده فآلبيت ولآ تزعلين عليهم :eh_s(17):

 

[M!SS.LOBY]

حبيبتي والله فيج الخير بالعكس لا تتضايقين ماشاءالله عليج الله لا يحرمج من الاجر
بالنسبة للأمج من النوع اللي مايعرف المجامله صريحه عااادي
وابوج ريال كبير لا تشيلين بخاطرج منه
الله يخليهم لج ان شاءالله

 

[خطوتي حلمهم]

حاسه فيك بس يمكن صدمك تصرفها بس بر فيها تخليها مثل بنتك وانها طفله ودلعيها واشترى شي يعجبها صدقني كذا بتعزك وتحبك اكثر واكثر خليها هي تختار قولى لها حابه تشترين شي لك على ذوقك بس على حسابي

صدقيني كلنا واحنا اطفال تصرفنا كذا رمينا لعب هدايا ماعجبتنا فاخلى الوضع تدليل لى امك

نصيحيه لك من وحده فقدت الاثنين برك فيهم بس يفتح لك ابواب الخير كله وتصبرى عليهم ومايمنع تطالبين حقوقك منهم بس بادب
الله يخليهم لك ​

 

[طيشن على جديه]

ياحلوووج وياحلوو عيديتج ..


بارك الله فيج وعسا عيالج يبرونج مثل ماتبرين والدينج ..

عادي ياقلبي الكبار مايعرفون كسره وفشله ومجامله واكيد اهي فرحانه بهديتج ..​

 

[نُوف~]

عآدي خيتي
هم اخدينها من باب الميانه بعد مايصير كل شوي يقولون انج انتي الي جايبه لهم هم اكيد شآيفين خيرج
بس مايصير يتكلمون و يقولون
شفتي كلمة ابوج دليل ان ماينخاف عليك و انج حاطتهم بعيونج مو مثل اخوانج

ماااعليه و امج كمان مايصير تتعامل برسمية معااج عادي انتي بنتها اقرب الناس لها ..

المهم هدي و مايحتاااج و استانسي بالعيد

..^^

 

[Patcholli]

عادي المهم مادشيتي وايدج خاليه

 

[Dwesho]

:|​

No Comment​

بسس اخذيها من باب الاجر دام م نفع
ولا صار اللي توقعتيه منهم
لاتتزعلين نفســج ع شي م يسوا صج يحز بالخاطر
بس م عليـــج
الاجر م بيروح ​

 

[مدّهره !]

لاتتضاايقين عاادي من الأم والأب

ياارب يطوول لناا بأعمااارهم وصدقيني الحيااة لاتخلو من هالدقرات هههههه

المهم عاافيتهم ووجودهم بالدنيااا ...’

ولاتنسين الأجر اللي إنكتب لج ...’

 

[البارونـه]

اول شي عيدج مبارك ولو انها متاخره
وحبيبتي ترااا عادي والله اصلا الحريم والريايل الكبار جي كلامهم عفوي ويقطون قنابل بالعكس انا اموت من الضحك يدتي شكثر تفشلني وجي
اما بخصوص الخاتم عادي حبي لا تحطين بخاطرج وتصيرين وايد حساسه
وابوج ريال عود
مب مهم القول اهم شي معاملتهم لج
الله يخليهم لج :*

 

[:حضرية واجد:]

ماشاء الله تبارك الله عليج صج سنعه و ذوق و احب الي جذي يبرون اهلهم اسم الله عليج قليل الي مثلج بزمنا

حبي لج اجر و ربج راضي عليج باذن الله شتبين اكثر ، مو بالضرورة ردود فعل اهلج تكون حيييل مبالغ فيها او مثل مارسمتيها
بس اهلج عارفينج هبة ريح و متعودين علي عطائج يعني تاكدي لا قدر الله لا سمح الله لو طاحو مارح يفكرون غير انج انتي الي رح تقومين فيهم
ومتاكدة من هالشي ( تدرين ان هذا رزق ) ؟؟
لمن تتوفر عندج مادة وتبرين بوالدينج بشي يحبونه ( هذا رزق ) بعكس اخوانج مثلا ماقدمو شي لامج وابوج وانحرموا من هالرزقه الحلوة هذا مو كلامي طبعا الرزق مو منحصر بس بالفلوس والوظيفه في امور معنوية مثل لمن يطلب منج ابوج قلاص ماي هذا رزق حصلتي اجر من ورا هالماي > سوري تفرعت

المهم حبي ربي يوفقج ويسعدج ويرزقج وباجر الايام تكشفلج المستور وتذكرين كلامي و اهم شي خلج مثل مانتي حتي لو اهلج ماهتموا بليز اخلصي نيتج لله اذا اهو رضي رح يرضي والدينج وًانتي انسانة جميله جدا من داخلج و بارة وعيالج بيطلعون بارين باذن الله ..

 

[shak!shoka]

يحلوج



ذكرتيني بحالتي الصغيره بعيد الام كل خالاتي يابو هدايا حق يدتي
بليل خذتها الصغيره و راحت تشتي لها تلفون و مسويتلها مفاجأه
بنص المكان تنحت يدتي و زفتها زفه قويه وانتي ماصخه وما عندج سالفه انا تعبانه و هذا وقت نومتي و ادقرتها و طلعت من المكان



بجت بجي خالتي مسكينه بس نبي تاخذ نفسها اخر شي يدتي اعتذرت منها قالت لها كنت تعبانه ومو ماخذه دواي ههههههههههه


الكبار فلللللم عليهم سوالف


الله يحفظهم ولا نفقد حركاتهم و زفهم



عادي يقلبي

اهم شي فرحتيهم بالعيد
وكلمة ابوج ما اتزعل بالعكس قال هاذي ما عليها


يعني انتي الكل بالكل




الله يحفظهم لج و لا يحرمج منهم

 

[Miss McDonald]

.



حبيبتي ماشاء الله عليج تبارك الرحمن ونعم التربية والله يرزقج برهم ان شاء الله ..
عادي الكبار جذي مايجاملون يقطونها بالويه
جان قلتيها على دلع .. لأبوج
بس صدقيني لوتلفين الدنيا ماتلقين احد يحبج كثرهم




والله يوفقج ويرزقج باللي يستاهلج

 

[برنسيسة2007]

واااي حبوبه انتي دلووووووعه وحساااااسه
اهو الموضوع ومافيه انج حاطه براسج ردة فعل معينه راسمتها في بالج وواجهتي العكس
فديتج من ناحية امج عااااادي جداً عادي ردة الفعل مالتها جذي الامهات اذواقهم مو نفس اذواقنا وعادي مافيها اي شي انم شي قبلت الهديه
ولما امج قالت لابوج وسيلينا؟>>هذا اكبر دليل على حبها واهتمامها

اما ابوج ترا اغلب الجنس الذكري مايعرف يعبر عن حبه اهو لما تكلم عن اخوانج يعني عشانهم ذكور ودايم الاب يفاخر بالاولاد ولا لذا جت على الحب راح تلقين انتي الغاليه


حبوبه اهم شي انج ذكرتي امج وابوج وهذا يفتحلج ابواب الرزق بزوج صالح وتوفيق بالعمل ورزق وكل خير باذن الله
بس انتي شكلج حساسه وعااااطفيه جداً الله يرزقج بحب حلال من زوج صالح ياااارب

 

[((البرنسيسا))]

عآدي خيتي
هم اخدينها من باب الميانه بعد مايصير كل شوي يقولون انج انتي الي جايبه لهم هم اكيد شآيفين خيرج
بس مايصير يتكلمون و يقولون
شفتي كلمة ابوج دليل ان ماينخاف عليك و انج حاطتهم بعيونج مو مثل اخوانج

ماااعليه و امج كمان مايصير تتعامل برسمية معااج عادي انتي بنتها اقرب الناس لها ..

المهم هدي و مايحتاااج و استانسي بالعيد

..^^

معاها :rerrerek:

 

[.. روحي تحبه ..]

..

ليش انا مو حساسة نفسج :eh_s(2):

حبيبتي عاادي امي نفس امج بالضبط ..

كل ما أجيب لها هدية ماتعجبها تعودت حتى قمت أسال المحلات قبل لا اشتري يصير انبدل :krkrkr::krkrkr:

سبحان الله مع انه ذوقي نفس ذوقها بس بالهدايا لا ماتضبط بنوب :eh_s(4):

فالموضوع جداا عاادي ،، وحتى ابوج اكيد مايعرف يعبر لج أغلب الابهات جذيه ..

بس تأكدي إنهم يحبونج ومافيه أحد بالدنيا كلها يحبج نفسهم ..

الله يطول بعمرهم ويحفظهم لج ويرزقج برهم ..

..

 

[ترف بابا]

هههه لا حبي عادي الام مو ضروري تقول لج مشكوره وتثني عليج بالعكس امج شكلها استانست ان جاها هدية بس خذت راحتها بالرد انها تبي تبدل الخاتم لان عادي انتي بنتها
ولو وحده ثانية ماقالت جدامها جذي - وبالنسبة لابوج نفس الشي بعد
فأنا مستغربة منج وين الكسرة عااادي مافيه شي والله لايحرمكم من بعض

 

[{ شيوخهـ ~]

بعد عمري وآلله !
كله آجر..