ياغلاااتـــــك يالضنـــــى

[تعبت اصبر]

السلام عليكم ورحمة الله وبركاته
بنات انا متابعه هالقسم بصمت وبدون تسجيل واليوم قررت اسجل واكتب معاناتي
انا نفسيتي مررررره تعبانه ابي الحمل كل شهر يتجدد الامل وينتهي باحباط والحمدلله على كل حال
وهذا الشهر حسيت باعراض خلتني اتامل وااايد اني حامل صدري يعورني وظهري ومغص قبل الدوره باسبوع تقريبا وحرارتي ترتفع وتنزل وفرحت قلت ان شاءالله حمل وتاملت انا وزوجي
واليوم نزلت الدوره وعفست نفسيتي ابد ماتوقعت لانه نزلت قبل موعدها بيومين ااااه بس قمت ابجي لما نزلت ومزاجي كله معتفس وكل شي يبجيني الحمدلله والشكر
رحت الشهر الي طاف وقالت الدكتوره ان كل شي سليم بالسونار بس التحاليل بعد كم يوم بروح احلل انا وزوجي وربي خااايفه من النتايج ادعووو لي بناات
والله متشفقه على الضنى كل اللي تزوجو معاي حوامل وبعضهم ماشاءالله معهم يهال الله يتمم عليهم انا اكلت ببداية زواجي مانع لمدة 10 شهور والحين لي سنه و5 شهور متزوجه وللحين ماكو حمل وربي اكتب وانا ابجي ومدري وش اقول بس ودي اشكي افضفض،،ادري كلامي معتسف ويمكن مو مفهوم بس بطلع اللي بخاطري طلبتكم ابغى كلام يريح ياليتني ماأكلت مانع ابغى دعوووه من قلب ، والله يرزق كل محرووومه
ربي لاتذرني فردا وانت خير الوارثين ،، استغفر الله
:eh_s(2)::eh_s(2)::eh_s(2)::eh_s(2):​

 

[&هند&]

الله يرزقج الذريه الصالحه والخيره فيما اختاره الله ،،،،

 

[KOKO_284I]

لا تايسين حبوبه والحمل بالذات يبيله نفسيه مرتاحه ومتفائله

 

[دآنة آلرشآيده]

الله يرزقج بالذريهـ الصآلحهـ ويفرح قلبج يآرب ​

 

[بدوية بملامح كشميرية 86]

الله يرزقج يااارب

ويفررح قلبج عاجل غير اجل

 

[دمعة^حزن]

الله يرزقج ويفرح قلبج انشالله انا اتوقع من الماتع صار عندج مناعه خواتي لما يقطونه يكون بجسمهم مناعه سبع شهور ست شهور يعني لاتحاتين من المانع لما تطلع تحاليلج طمنينا عليج وانشالله كل شي سليم ويفرح قلبج يارب

 

[الريشة]

لا تحاتين
أختي كانت ماخذة مانع 3 شهور في بداية زواجها و لما قطته ما شاء الله حملت
و قولي الحمدلله إن الدورة تنزل بروحها ما شاءالله
لأنه فيه حريم ما تنزل عندهم الدورة إلا لما ياكلون حبوب تنزلها
الله يشفي الجميع
عليك بالصبر و الصلاة و الدعاء

 

[الغــــرور]

يارحمن يارحيم ياحي ياقيوم يفرحك وعن قريب يارب.......

بس تاكدي المانع له دور انه يعطي مناعة كم شهر.... وبعدين انتي خذتي المانع من نفسك والا بعد استشارة...؟؟

راجعي والاهم الزوج يراجع وطمنينا ... وان شا ءاالله خير .....

 

[الزيـــــ^^ـــــن]

الله يرزقج ان شاءالله

طمنينآ عليج حبوبه

 

[جديده 1]

انتي كنتي ماخذه مانع و مرات يسوي منع لو قطعتيه فتره معينه .. و الشي الثاني انتي مو ماكله مانع 7 شهور يعني تعتبرين عروس و الوحده لازم تمر سنه على زواجها حتى تعتبر متأخره بالزواج .. عالعموم شوفي توقيعي يمكن يفيدج و لاتنسين كثره الاستغفار و التصدق و الالتزام بالصلاه و ربي ماينسى عباده

 

[بولندية]

الله يرزقج يارب

 

[وعله]

:yaaaaaarb: اكثري من الستغفار
والله يرزقش انشالله وطمنيني عليش حبيبتي

 

[emy m]

اللهم اني اسألك بكل اسم سميته لنفسك او انزلته في كتابك او علمته احد من خلقك ان ترزق (تعبت اصبر) الذريه الصالحه ياحي ياقيوم

 

[فجر الماضي]

اكثري من الاستغفار والدعاء والصدقه بنيت الحمل
قوله تعالى : فقلت استغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا
الله يرزقك الذريه الصالحه 000امين

 

[الاهله]

اي والله ياغلاتك يالضنى ااااااااااااااااه ياقلبي تعبنا

 

[سعودية بالكويت]

أسأل الله العظيم رب العرش الكريم

أسأل الله العظيم الحليم

أسأل الله الحي القيوم

أسأل الله القدير الرحيم

أن يرزقك الذرية الصالحة

ويسعد قلبك بشوفة ضناك وتارسين لك البيت

اللهم آمين

حبيبتي أنتي لك سنة وخمس شهور متزوجة

وأخذتي المانع عشر شهور يعني لك بس سبع شهور

تبين الحمل يعني ماصار لك خاصة إني دائما أسمع إن

الحبوب تعطي مناعة ست سبع شهور

أهم شيء لازم تتأكدين إن تحاليلك سليمة ثم تحاليل زوجك

وربك كريم والله بيرحمنا ويرزقنا وقريب إن شاء الله بس نبي

تفاؤل وثقة بالله هذا الأمر لله هو اللي يدبره وييسره لنا​

 

[مزاااج]

عساج ماتجربين غلاه"" يقولون ماتحسين بغلاه ألا لما تفقدينه" الله لايقوله

عشان جذي بقولج الله يرزقج والله يخليه لج ياااااااااااارب


وبالنسبه للتأخير شي وارد يا أختي
لأنج ماخذه حبوب والحبوب اكيد راح تعطيج مناعه

وحتى الطبيب راح يقولج نفس هالحجي

ونصيحه لحبايبنا العرايس لاااااتاخذون حبوب مانع في البدايه

خلوها بعد أول طفل ع الاقل



الله يرزقنا وأياكم الذريه الصالحه ولد للي تبي ولد وبنت للي تبي بنت


قولوا أميـــن

​

 

[تعبت اصبر]

فدييييتكم حبايب قلبي على هالدعواات اللي تشرح الخاطر
عسى الله يستجيب يااارب
انا اخذت الحبوب بعد استشارة طبيبه وتحليل دم
وفعلا لي 7 شهور بالضبط تركت الحبوب بس لما اشوف البنات اللي اعرفهم
بعد الحبوب ب3 شهور بالكثير يحملون ماشاءالله يجيني خووف وابدا اوسوس
الله يكتب الخير يااارب
الله يوفقكم حبايبي ماقصرتو

 

[فانتا ستروبري]

عسى الله يفرح قلبج بالضنا قريب​

 

[امواج الكويت]

صج يا غلاتك يالضنا

شالع قلبي الضنا

معذبني

عسى ربي يرزقني ويرزقج ويرزق كل محرومه بهالاذان اللي ياذن يارب