يافرحة ماكملت 

[B7rainia]

مرررررحبا بنات

شلونكم؟

نزلت 25 كيلو

كنت اسوي ريجيم + مشي بدون رياضات ثانية كلششششششش

ومستانسة حدي بس للاسف جسمي مو مشدود مثل اول 

بنااااات هو مو مترررررهل وايد بس جسمي قبل كان مشدوووود الحين صاير عند الفخذ لين يعني شكليا فخذي اوكي بس اسحبه بيدي لين ويتمدد بسهووله

زندي ماترهل وايد بس نفس الشي لين وماضعف وايد

بطني ماصار مسموت يعني تجوفونه تقولون للحين يبيله يضعف شووي بس تعالو يودوه بتجوفون ان موووو لحم صاير يبيله شد

نيي حق المهم واكثر شيين معقديني ظهري + صدري

بنااات صدري ترهل وصار نازل ولين مب حلو كلش وظهري صار فيه جفسات مادري شلون حتى ساعات يتجفس على بعض ويضاايقني

متأكدة بيصير جسمي احلى اذا تعدل مع ان شكليا مايبين يعني ماعتقد يتلاحظ لانه الحمدلله ماترهل جسمي وايد بس انا وااااااااايد متضايقة بنات كله اطالع روحي في المنظرة واقعد اجوف وزني ووزن البنات الي مثلي جسمهم غيررررر يمكن لانه مشدود؟؟؟؟؟؟

بنات مابي كريمات مرة سمعت في التلفزيون انها حل مؤقت انا ابي حل نهائي مابي اقص على روحي

حتى المساج سمعت مب اوكي

انا ابي ريااااضة حتى لو تهلك جسمي راااضية بتعب شهر شهرين ثلاثة بتفرغ لهالموضوع

وانا غبية ترى ماعرف اطبق من النت فأفكر اروح جم بس بنات احس مايشد حدي محبطة يعني اتعب واحرم روحي من الاكل الي احبه وكل يوم مشي آخر شي جذي؟؟

بنات انا خااااايفة ان لازم تمارين الشد اول بأول مع الرجيم نفس الوقت والله خايفة ان خلاص ماينشد جسمي 

ادري وايد تكلمت بس ابي حلللللل مضمون واذا ماكانت تنفع الرياضة يعني اسوي عملية!!!!!!! مابي عمليات يخرع الموضوع يعني ضعفت طبيعي بدون حبوب وخرابيط آخرتها عملييييييية اكيد خطرة ومعقدة وانا مابي اقول حق اهلي بيعورون راسي لانهم يقولون وايد بالغتي في الضعف مع اني مابالغت ولاشي جسمي زين

لاتقولون دام ماترهل وايد خليه جذي ترى بثياب جنه مشدود بس بدون ثياب احس يبين شوي وانا صراحة يهمني هالشي

مستعدة اسوي اي شي عشان يتعدل جسمي عقب تعب شهور من الريجيم والمشي حرام تخرب علي هالاشيه

 

[جروح ودموع]

تبين الصرااحه ومن غير مجامله اختي ما لج الا عمليات الشد وانتي ما تبيين هالشي وللاسف هذا الحل الوحييد والاكييد وانا سامعه ان السباحه تشد الجسم جربيها وان شالله يااارب تسفيدين ويشد جسمج وبالتوفيج حبووبه

 

[B7rainia]

اختي يعني خلاااص ماتنفع الرياضة؟ 

انا غلطانة مارحت جيم بداية الريجيم 

 

[نداوه]

ماقلتي لي كم وزنك السابق؟؟

علشان افيدك

ومن قال ان الرياضه ماتشد بالعكس بس اهم شي المداومه

 

[أم عزيزان الحلو]

حبيبتي سوي عمليه

 

[جلكسيه اس 3]

عالبركه ما قلتيلنا جم كان وزنج و جم صار وزنج
جربي السباحه و شوفي شنو يصير معاج

 

[سوسو الهاجري]

سوي مساج لا حرام عمليه ماسويتها قبل تسوينها لما ضعفتي لا سوي مساج طبي مو صينيات

 

[لعيونك اصير مجنونك]

سمعت ان الاوربك تراك يشد الساق والفخوذ

والغزال الطائر يشد الجسم من فوق

ايحثي عن هالجهازين بقوقل وشوفي تجارب البنات

 

[HaWeK]

الله يعينج بعد عمري .. والله الترهل مشكله الله يعينا :\
دورت لج موضوع
http://www.q8yat.com/t939376.html
ان شالله يفيدج

تحياتي لج

 

[ROYAL]

السباحه حبيبتي والله يوفقج يارب

 

[ba6boo6ah]

اشتركي بنادي سباحة ورياضات مختلفة وان شاءالله بيشد جسمج بدون عملية
بس هالشي يبي له صبررر وطووولة بال

 

[Heaven Light]

حبيبتي والله غلطانه 25كيلو بدون رياضه المشي ما يعتبر رياضه شد ,المشي يساعد على نزول الوزن بس ..
حاولي تدشين نادي سباحة ورياضة لمدة 3 شهور وان ما نفع استخيري بالعملية .
الله يهون عليج ..
​

 

[فجر_الكويت]

ان شاء الله البنات ما يقصرون معاج يا الغالية

 

[noorq8]

أنا مستعده أتحداج ..................لو استمريتي عالمشي السريع والهروله 8 الى 10 شهور بتشدين وبتصيرين أحلى من قبل وقولي نور الكويت قالت .:rerrerek::rerrerek::rerrerek:

أو كلش كلش سباحه وأكوا ايروبك ممكن بمده أقل تشدين

 

[coffe cup]

اول شي اختي عالبركة نزول وزنج 25 كيلو

ثاني شي منو قال انه مافي حل الا العملية!!!
في شد بالليزر الحين!!! و ما يبين كلش و ماله اي اثر!! مو مثل العمليه

بس تبين نصيحتي اشتركي بنادي سباحة 3 شهور بالاول و حطي كريمات يمكن يفيد و اذا ما فاد في " معهد كوزمودم بالمهلب" عندهم كورسات شد الجسم .. للامانة انا ما جربتهم بس سمعت انه كورسات الشد عندهم تييب نتيجة مو مثل كورسات الشعر و هالسوالف
و اذا كلش كلش ما فاد شدي بالليزر مدام الترهل خفيف حرام تشوهين شكل جلدج بالعملية!!! العملية لها اثار ترى و بيسير خطوط بجسمج من هالعملية و بتبتلشين مره ثانيه و تقولين ابي حل حق خط العملية!