- إنضم
- 13 يوليو 2010
- المشاركات
- 203
- مستوى التفاعل
- 0
- النقاط
- 0
اسبوع مر ولا وصل منك مرسال 000 ياقـو قلبك كيف تقطعني اسبوع
الجوع كافر وانت ماترحم الحال 000 وانا عليك من الوله ميتن جوع
يالي غيابك صعب يطري على البال 000 تركتني ضايق وحاير ومفجوع
ماكني الا شايب فاقد عيال 000 وماكنك الا محرمن حق مشروع
يفوع لك قلبي اليا مر الاطلال 000 ياليت مالي قلب يشتاق ويفوع
حسبي عليك شلون قطعت الامال 000 لا صار الامل فيك مقطوع
ياصاحبي ماكل نزال رحال 000 انت الحيا من وين مارحت متبوع
نسياني لزولن بالاعماق تختال 000 اصعب على صاحبك من حبت الكوع
لو الثمن في شوفتك عمر رجال 000 كان الثمن من يوم ماغبت مدفوع
ولو القدر ماتم قوله اليا قال 000 ماضاق صدر ولانحنى راس مرفوع
ياصاحبي عشقتني فعل وخضال 000 عشقتك شعر واحساس وطبوع
وشلون تتركني كذا لشهب اللال 000 وجدام عيني تجف ينبوع ينبوع
وانا عشانك جيت والغيم همال 000 اسيل الوديان واداحم
جموع
جموع
ماردني عنك سواليف عذال 000 تزعل علي ربوع وتقدر
ربوع
ربوع
كان المهم اعيشك جنون ووصال 000 ويكون لي كلمه ولي راي مسموع
واليوم ضاقت بي من الجال للجال 000 فرقاك تقصم ظهر وتحز وتلوع
لو جيت شفت الحال ماسرك الحال 000 في غيبتك ضايق وحاير ومفجوع
هذا غياب اسبوع وشلون لو طال 000 طالبك لايطول غيابك عن اسبوع
ممن راق لـي
ممن راق لـي
