ياكثر خواطيبي...علي الطل

[دمـار شـامل]

السلام عليكم....

شلونكم خواتي وشخباااركم...واااااااااااااااااااي ياحبي لهالمنتدي..





المهم...بدخل بالموضوع سيده اتوقع اكثر البنات موعارفين شقصد....

















بس احب اقول قبل ابدي بالموضوع ان انا مؤمنه بالقضاء والقدر واللي كاتبه الله بيصير بيصير رضينا اولا شئنا ام ابينا..خخخخخخ مولايق شئنا ام ابينا
وهالموضوع كتبته من الفراغ اللي فيني واحب افضفض لان البنات هني مايعرفوني شخصيا..






اقولكم قصتي .....
انا بنوته في مقتبل العمر...حلوه الحمدالله مافيني عيب وسمعتي حلوه وماعندي خرااابيط وكل هذا بفضل الله...
مشكلتي بدت من 4سنين لما الخواطيب بدوا يتوافدون ع البيت واحد ورا الثاني بس طبعا بينهم وقت...
ااول خطيب لما جوا الحريم وراحوا والروحه هي الروحه شفتكم وماشفتهم...ولادقول ولا اعتذروا ولاشي وسكت وقلت مومقسوم

الثاني كذلك نفس الشي...جو الحريم وراحوا والروحه هي الروحه

الثالث نفس المشكله

الرابع قبل فتره موطويله اخذوا اوراقي وردوها واعتذروا ....

وترا الخواطيب من نفس جماعتنا بس من فخوذ غير الا واحد غريب وبرا الجماعه....

والشي هذا حيل والله اثر بنفستي يابنات انا نفسي استقر مع زوج واجيب عيال واربيهم والله ابي الزواج عشان اعف نفسي وان الله يعصمني من الفتن ...

بس السؤال هني ليش كل هذا يصير معاي والله صج شي يحز بالخاطر نفسي اموري تيسر وامشي والله حدي متضايقه من داخل بس ما ابين لخواتي او احد والله مدري شسوي مع اني ادعي واستغفر واصلي بس سبحان الله والله يحز بخاطري رفايجي وحده ورا الثانيه تمشي يحز بخاطري لما اسمع وحده ملكت واول ماسمع اقول ماشالله ماغبطت احد بس...ودي اعرف ...
وترا رحت لمشايخ ومطاوعه بس مافي فايده مافيني شي....

وتقبلوا تحيااااااتي:denya:

 

[كلنا عشاق لكن]

رد : ياكثر خواطيبي...علي الطل

حلفي ههههههههه
جنج انا ههههههههههه
بس والله ماراحواا من خاطرهم لكن أهلي
اللي رافضين من الثانوية لليوم هع
هذا عنده أهل وهذا عنده خوات
إنزين وين الغلط إذا إهو بار بأهلة هذي مدح موذم
بس
كنت أشوف رؤيات وحصل إني تعبت وتشافيت
فقال المطوع هذا سحر بيزول
والله أعلم بالباجي​

 

[&& قيثاره &&]

رد: رد : ياكثر خواطيبي...علي الطل

حبيبتى مابيدج شى والزواج قسمه ونصيب شى مكتوب عند رب العالمين ياما بنات سنع ومنع وشهايد ماتزوجوا مالج الا الدعاء وكثرى استغفار لاتياسين وان شاء الله اشوفج بقسم الحياة الزوجيه

 

[.]

انا مره صار فيني هالموقف وكان اول خطبه وكرهت لسالفه ..

وعقبها قمت اخلي اهلي بالتلفون يشخلون بالاسئله واذا ولمني اخليهم ايون ..

وخيره ان شاءالله..

الله يرزقج الصالح يارب..

 

[ميسم]

رد : رد: ياكثر خواطيبي...علي الطل

الله يرزقج ويرزقنا

ياااااااااااااااااااااااااااااااااااااارب
ياااااااااااااااقااااااااااادر:bye22:

 

[نيولوفر]

<<<<< نفس الحاله ,,, انا اخر خطبه ي تعلقت شهرين تخيلي !!!!

 

[صباح الليل]

ياحياتي انتي
اكيد خيره انشالله
وللحين ماجا نصيبج وماجا اللي يستاهلج
والله يرزقج انشالله بالزوج الصالح اللي يقدرج ويعزج

 

[> Miss M6ereiah <]

نفس الحالة يا اختي
الحمدلله على كل حال

 

[Miss_Moon]

نصيبج للحين مايي حبوبة عسى الله يرزقج الزوج الصالح عاجل غير اجل يارب العالمين

 

[جلاديلياس]

حبيبتي هذيل مونصيبج والخيره في ماختارها الله


انشالله الله يرزقج بولد الحلال الي يحبج ويخاف عليج ويسعدج

 

[ṃїşѕ เṖĦƠŊэ]

رد : رد: ياكثر خواطيبي...علي الطل

وووووي يمكن خيره وماتدرين يمكن اييج اللي احسن منهم كلهم

بس قولي آمين الله يرزقج الزوج الصالح اللي يعوضج عن كل هالخطاطيب : )

 

[جوـآهر ..~]

رد : رد: ياكثر خواطيبي...علي الطل

لا تحطين هالموضوع فبالج عسب لا تحبطين روحج ..

عادي حياتي ، هالاشياء تصير ، و يمكن سبحان الله يرزقج من حيث ما تدرين ..!!

و مدامج حلوه و توج شباب و ما عندج خرابيط .. لا تستعيلين ربي بيرزقج واحد يستاهلج ..

 

[chanel N22]

رد: رد : رد: ياكثر خواطيبي...علي الطل

خيره واذا يا نصيبج راح تأخذينه وللحين مايا اللي يستاهلج يالغاليه

 

[القوس الجارح]

رد : ياكثر خواطيبي...علي الطل

اولا حمدي ربج انتي احسن من غيرج

و اللي الله كاتبه راح يصير و قولي ان هذا خيره

و الله يوفقج ويرزقج

:blueSmCLR:

 

[Miss independent]

رد: رد : ياكثر خواطيبي...علي الطل

حبيبتي الخيره فيما اختاره الله هذا مو نصيبج
نطري نصيبج
بس دام يروحون ومايردون
انتي حللي الموقف منطقيا
الناس وقت الشوفه يسألون
صح ولا لا؟
يعني يكونون شايفينج وانتي عاجبتهم ومبدأيا سائلين ومادحينج
بس عقب الشوفه يسألون ناس (قراب) عنج
واهني يمكن اتكون المشكله
وحده قريبه منج حاسدتج ولا حاقده عليج ولا محتره منج سواء كبيره او صغيره
يمكن مره عندها بنات وتشوف الناس يخطبونج ومحد اخذ بناتها وتحتر تبيهم ياخذون بناتها
يمكن بنت صغيره ماتحبج ومحتره منج
ومو شرط يبينون لج يمكن معاملتهم وياج عاديه ويمكن حتى جدامج يحبونج
ومرات يسألون الناس الي انتي معاهم بنفس البيت او كنتي معاهم بنفس البيت
قصدي مرت اخوج ولا مرت عمج ببيت الحموله
مو معناته انتي مو زينه ولا انتي فيج عيب
لا الناس مرات يكون فيها حقاره
انتي الي عليج اخلصي النيه واكسبي الناس الي حواليج
ولو ان نصيبج مو واقف عليهم لو نصيبج بييج بيي غصبن عن الكل
وكلامي هذا احتمال من مليون احتمال يعني يمكن في احتمالات ثانيه طافت علي ولا عقلي اصغر من ان يستوعبها

 

[انصاريه قمره]

رد: رد : ياكثر خواطيبي...علي الطل

نصيبك يصيبك وصدقيني ربج كريم ما ينسى عبده اكيد بيرزقج بالزوج الصالح اللي يصوونج ويقدرج يا قلبي

 

[loloالحلوة]

رد: رد : ياكثر خواطيبي...علي الطل

الله يرزقج بالزوج الصالح

 

[فطفط نجد]

رد: رد : ياكثر خواطيبي...علي الطل

والله كنج انا....
الحمدلله على حااااااااااااااااال

 

[Anwary-24]

الله يروقج حبيبتي

وعلى قولتك كثر الخطاطيب وعلى الطل

مالج الا الاستغفار بنية ربي يستر عليج بالزوج الصالح

واقري يوميا سورة البقره

وربي يدفع عنج كل شر ويرزقج النصيب الصالح

ويرزق كل من تبي الستر والزوج الصالح

 

[amoon]

رد : ياكثر خواطيبي...علي الطل

الله يرزقج الزوج الصالح عاجل غير اجل يارب العالمين