السلام عليكم ورحمة الله وبركاته
انا عندي بنت اخت مصابه بالشلل الدماغي حبيت اسالكم هل فيه احد منكم جربت العلاج بالتشيك وهل فيه تحسن بالحالة وعندهم العلاج بالخلايا الجذعيه ام لا وهل تنصحونا فيها لانو محتارين وين نعالجها وكمان ابي اسم المركز والمستشفى الي عالجتوا عنده وش تنصحوني فيه اي مكااااااااااان بليز بنات ردوا علي ابي تجاربكم عمر بنت اختي سنه نبي نعالجها قبل ماتتاخر الحالة ولكم مني جزيل الشكر
واللهما اقدر افيدج انا عندي ولدي شلل دماغي وانشاءالله بروح للتشيك هالشهر وسالت نفس سؤالج قبل هالمره محد جاوبني عن البدله الفضائيه ... وبالنسبه للخلايا الجذعيه مدحها لي دكتوروذمها دكتور ثاني وقال ما منها فايده كلها تجارب ... وما ادري من الصح فيهم ..
حبيبتي البدلة الفضائية موجودة بالكويت عند عائشة الرقم والخلايا الجذعية انا كنت حامل وقلت بفيد بنتي واخذ دم الحبل السري واحقنة فيها ورحت مستشفى البنك الوطني عند دكتورتها وقالت شي مفيد وممتاز بس ما ادري اذا يفيد بنتج بس اعتقد ممكن يخفف التشنجات بس وبعدين قالت روحي مستشفى ابن سينا واساليهم اذا قالوا ممكن اوكي اعتمدي ورحت بسرعة طبعا ونطرت الدكتور اللي قالت روحيله وهو رئيس القسم نسيت اسمه ما لقيته وللاسف السكرتيرة كانت تقول تعالي باي يوم ما اضمن متى يكون موجود المهم صادف دكتور موجود ما اعرفه بس سالته عن الموضوع جان يقول عندنا دكتور مسوي العملية بمصر لمريض وفعلا اتصل فيه وقاله عن الموضوع ورحت له الجناح ما قصر والله وشرحلي شرح طويل عريض الزبدة انه الخلايا الجذعية تفيد باشياء وااااااايد يعني لاسمح الله واحد صار له حادث وانكسر النخاع الشوكي من الخلايا الجذعية يقدر يرجع يمشي عادي بس الشلل الدماغي حتى الان العملية غير مفيدة لكنه نصحني انني اذا ماراح احمل مرة ثانية ما اضيع الفرصة واعمل تخزين للخلايا الجذعية للمستقبل سواء لي او لعائلتي لانه كل ماكانت صلة القرابة اكثر كانت العملية ناجحة وسلامتكم
السلام عليكم
بخصوص علاج التشيك بنتنا تعالجت من سنه 2000 الي غايه 2009 عدا 2008 سافرنا مصر
سافرنا بمعدل 3 شهور سنويا من ضمنهم سفره لمده 9 شهور متواصله
في مصح اسمه نوفي لازني مصح اطفال طبعا في السابق كان علاجهم جيد اما من سنه 2007 وطالع من وجه نظري علاجهم تجاري بحت وما منه فائده الا شي قليل التشيك لايوجد فيها بدله فضائيه
البدله الفضائيه والسبايدر ممتازه وبرنامجها مكثف والتدريب عليها يجيب نتيجه
اسباب ضعف العلاج في نوفي لازني في سنه 2007 في شركه اشترت المصحات وعطت الوكاله لشركه اماراتيه سوريه
وهم لعبوا بالعلاج ونزلوا المدد ورفعوا اسعاره
وغير هذا اغلب اخصائيينهم القدماء والدكاتره تقريبا استقالوا او غيروا اماكن عملهم
والي يبي يروح للتشيك انصحه بعدم الذهاب في اشهر الصيف
