ياكويت يااحلى بلد

[جاي وحليب]

من بعد موضوع / ورشـــــــــ تصوير المناظر الطبيعية Landscape Photography ـــــة

والنقاط المهمه اللي ناقشناها مع بعض ..
اتمنى نكون غطينا الموضوع والكل استفاد معانا
اعتقد الوقت اللي خذاه الموضوع كافي..

بس طبعاً الجو عندنا لازال حلو وفرصة المصورين
للتصوير الخارجي عموماً..
فـ استمرو بالتصوير الخارجي وابدعو وطبقو اللي تعلمتوه

كثير منا يظن ان الكويت مافيها اي مناظر طبيعيه جميله!
لكن لو تسألون المصورين راح تشوفون ان كل مصور له اماكن خاصه
بالكويت يحب يصور منها ويطلع ويرز ديرته بزوايا حلوه ...
وفي اماكن وايد حلوه للتصوير فيها خصوصاً عند البحر

صورتي صورتها من شاطئ الشويخ..

الاعدادات
_________

Exposure: 0.02 sec (1/50)
Aperture: f/10
Focal Length: 10 mm
ISO Speed: 200

* صورتها بعدسة fisheye لذلك تلاحظون الزوايا غير حقيقية لان العدسة تعطي زاوية وااااسعه جداً
وهذا سر جمال هالعدسه.. وميلان النخل بالصورة يثبت هالشي..
والاهم معرفه كيف نستخدم هالعدسه بشكل صحيح

* حرصت ان اظهر برج التحرير والمباني اللي يمه بالصوره
وهالشي برايي ابرز الصورة اكثر وميزها..

* استغليت وجود رفيجتي بالصورة واهي تمشي ومعطيتني ظهرها
جربت الصورة معاها وبدونها .. وبرايي معاها افضل وايد..

* الغيم كان موطبيعي يومها.. وكان طاق مطر لذلك الارضيه رطبه
كان في منظر غروب بخلفي لكني ابي المنظر اللي جدامي وحاولت اطلعه بافضل شكل
ان شالله تعجبكم الصورة.. بانتظار اراءكم وملاحظاتكم..​

 

[ام مهودي]

وااااو يسلمو جاي وحليب دايما مبدعه
بس احس لو شوي مطلعه من السما اكثر وقاصه من تحت شوي والنخله اللي طالع منها شوي لو مو طالعه احسن :")

بس بغيت اسأل بلييز شلون تحطين التوقيع بهاذي الطريقه يعني لونه نفس لون الصوره وما يخرب عليها

 

[SHD__ q8__87]

يه يه يه حده نايس
بس جنج فضحتي رفيجنج


مشكوره تقبلي مروووري

 

[a7la tooota]

ماشاء الله والله انج مبدعه

تسلم ايدج جاي وحليب عالصوره الأكثر من روعه

 

[جاي وحليب]

ام مهودي

شكراً على الملاحظات..
انا جربت اطلع جزء اكبر من السما بس مااعجبتني طلع برج التحرير والمباني اللي يمه
شكلهم وحجم وميلانهم غير حقيقي لان التصوير بالفش اي
يختلف كلياً عن التصوير باي عدسه ثانيه.. لازم اعرف شنو الجزء
اللي اطلعه اكثر وماانسى التحدب والزوايا الغير حقيقية
اللي تعطيني اياها العدسه.. هذي احس نقطه لازم اتعلم عليها اكثر
واعطي العدسه حقها من الممارسه والتصوير..

انا بالنسبه للملاحظه على النخله انا معاج فيها ..
وجربت مسحتها بالفوتوشوب بس طلع مكانها فراغ كبير
لذلك كان المفروض اتجنبها من البداية اثناء التصوير
لان التعديل بعد التصوير مووودايماً يعطينا النتيجة اللي نبيها للاسف

بالنسبه للتوقيع.. احطه كأني اكتب اي t ext عادي
باللون الابيض.. واتحكم بدرجة شفافية الكتابه
شفتي البوكس اللي تحت عاليمين مال الليرز layers
بنفس هالمربع فوق فيه مربعين صغار فيهم ارقام واسهم
اما انتج تتحكمين فيهم عن طريق الاسهم او كتابة الارقام بنفسج
جربي وشوفي النتيجة..

 

[جاي وحليب]

SHD__ q8__87

بالعكس وجود شخص بالصورة ضاف لمسه لها
بنظري الطريج الطويل او الممشى او الجسر..
هالشغلات لو يكون فيها شخص يمشي ومعطينا ظهره تصير معبره اكثر
شكراً لج..




a7la tooota

شكراً حبيبتي على المرور والرد

 

[حناينq8]

رووووووووعه

وعنوان الموضوع اروع


مشكوووووووره يا زميلتي الغاليه على هالصوره الحلوه

 

[ام مهودي]

اهااااااااااا عرفت مشكوووووره

 

[ســتارز]

لقطة حلوة تسلم ايدج والغيوم رهيبة
بس كأن الفش اي غير اللي نعرفها ! اقصد ميلانها جدا خفيف


كثير منا يظن ان الكويت مافيها اي مناظر طبيعيه جميله!
المشكلة في تكرارها مافي اماكن جديدة تصلح للتصوير اما البحر واما الابراج
وين نروح ؟

 

[digital]

الصووره واايد حلوه والجو عجيييب


تسلم ايدج

 

[noreez]

حييييييييييييل حلوه الصوره مشالله عليج

صج صج اعجبتني وسرحت فيها تسلم ايدج

 

[جاي وحليب]

حناينq8

شكراً حبيبتي على المرور والرد







ستارز

يختلف الميلان بالفش آي اذا كان المكان مفتوح
واذا كان مكان مغلق او بمساحة محدودة..
طبعاً بالاماكن المغلقة يبين الميلان والتحدب بشكل كبير

المشكلة في تكرارها مافي اماكن جديدة تصلح للتصوير اما البحر واما الابراج
وين نروح ؟

لا والله في اماكن غير الابراج والبحر..
اساساً البحر فيه مناظر واماكن معينة وايد حلوه ويديده
انا مرات اتمشى عند البحر واستكشف اماكن بروحي واجرب اصور فيها
كل مصور ممكن يستكشف ويبحث بنفسه عن اماكن يديده...
والبعض يخش او يحتفظ بهالاماكن كـ اسرار ويحق له
لكن لو حطيتي لسته وبديتي تفكرين بشكل جدي راح تحصلين
وحتى اذا كانت مكرره، المصور المميز يعرف شلون يطلع بصور
ولقطات وزوايا ومناظر وحتى افكار مميزة...

شكراً لج على الرد





digital

شكراً لج على المرور






noreez

تسلمين حبيبتي شكراً على الرد

 

[مطيريه ماركه]

تسلم يدينج والله منو يقول الكويت مافيها مناظر حلوة والله ديرتي جنة بعيوني

 

[دالياQ8]

صوره في غاية الروعه
تسلم ايدج حبيبتي

 

[NoWay2know]

يعطيج العافية على الصورة الحلوه ، والوانها حلوه لكن درجات الالوان في الصورة مخليها مو واقعيه بشي بسيط

 

[سارونه87]

رووووووووووووووعه

 

[خاشووقه]

ما شاء الله عليج
يعطيج العافيه

 

[a6o06 ^_^]

عجيبه ..!

عاد ودي اتعلم بس ماعرف كلش ميح =(

ولا اعرف شنو احس كاميرا

 

[beauty]

ما شاء الله تصوير روووووعه ... تسلم ايدج حياتي

آنا ضد اللي يقول الكويت مافيها اماكن تستحق التصوير ... الطبيعه مو بس خضره وجبال ... الله يخلي لنا الكويت ويحفظها

 

[جاي وحليب]

مطيريه ماركه

الله يسلمج.. شكراً على المرور





دالياQ8

تسلمين شكراً على الرد





NoWay2know

الله يعافيج.. عاد الصورة هذي ماغيرت اي شي بالوانها
استخدامي للفوتوشوب بس كان لتشبـّع الالوان شوي واضافة التوقيع
اما التدرجات اللي تقولين عنها كانت بسبب الغروب..
انا مصوره بوقت الغروب.. والغروب كان بظهري بس انا ابي هالمنظر
لذلك صورت من هالزاويه.. شكراً على المرور