يالذويقات غرفتي النوم لونها صدفي ( لؤلؤي) شنو احط لون ورق الجدران ؟

[الحلا-81]

السلام عليكم ورحمه الله وبركاته
حبايب قلبي غرفتي النوم لونها صدفي برايكم شنو احط لون ورق الجدران ابي لون هادي يريح العين وفي نفس الوقت مايقيدني
فكرت احطها لون صدفي بعدين قلت ماراح يبين الكبت فماادري
شوركم يالذويقات

 

[زبــــــــدة]

حطي ذهبي او بيج غامج او مشمشي ..الوان هاديه وراقيه ...حق غرفة النوم

 

[يـاسمينا]

حطي فواتح مثل البنفسجي او التركواز

ودخلي هالموقع وشوفي راح ينفعج واايد

http://kennedyhomedesign.com/wallpaper-bedroom-wallpaper-decorating-variations/

 

[الحلا-81]

ماقصرتوا زبده وياسمينا
مشكورين عالمرور

 

[الحلا-81]

Uppppppp

 

[* شوية أمل *]

وآآآآآو لؤلؤي معـآ ورق جدران تركوااز راح يططططططلع عجييييييييييييب *.*

اذا مآكو كلافه اذا خلصتي غرفتج تصورينها لي وادزينها بـ Dm (الخاص)

لأنـي بغير غرففتي وعججبني هـ اللون ولازم صور

فـ إذا ممكن *.*


وممششكورةةَ

 

[بيرلا ستور]

اب اب ايه والله لو نشوف صور

 

[غـــنـــوجـــه]

الله بخااااطري اشوووووف اللون اللؤلؤي بالغرفه شلووون

 

[اهو غرامي...]

اللؤلؤي كل شي يمشي معاه والافضل بنظري يكون ورق الجدران مو ساده ولون واحد والخيار الاول لك حبيبتي...اذ كان جهه وحده

 

[أبله شقحه]

بني وذهبي

 

[Patcholli]

حطي مشير صدفي باوف وايت او صدفي فبيج ..

 

[رزه مرتزه]

البنفسجي مع الازرق بتدرجاتهم بيطلع رروعه 

والخيار الثاني البرونز مع مع الفستقي ومحاح البيض بيطلع هم حلووو

انتي لما تفرين بعد تطلع لج افكار

موفقه ، دعواتج

 

[روحي تحبك...]

في ورق جدران يجي بيج مع تدريج الزيتي .. عجييييييييييييييب

خاصة اذا كان زخرفة ايطاليه... حطي طوفه وحده ورق جدران زيتي

والطوفه ثانيه مخطط زيتي وبيج

الطوفتين خليهم ساده بيج


بيطلع حلوو وهادي ويعطي فخامة مع اكسسورات ذهبي وبيج

 

[بنت العقربيه]

من اجمل الالوان لغرف النوم البيج والوردي ومدرجاتها وتكون مطفية

تتهنين فيها ان شاءالله