يالله البنات اللي عليهم نشاط حيوانات ونباتات خل نتساعد

[غزلان الكويت]

شلووووووونكم بنات لنشاط الاسبوع الجاي علي طبعا نبي نتعاون بالافكار

رح ابدي انا اول شي القصة بنسوي قصه بس بغيت اسالكم الناظرة جابتنا هذا الدتا شو هههههههههه مادري شسمه شلون استخدامه اذا انا عندي كمبيوتر شلون اوصله فيه مفكره اسويه بهالجهاز

الرياضي مفكره يدخلون بكور عليها اسم اليوم واغنية للمنتخب

الشعبي بسوي مشهد على اغنية يام الغيث لهدى حسين وبنات يرقصون

المسابقات الفردية بسوي كمنبه لها احط اغنية بساط الفقر بعدين اسالهم وين حط البساط وشعندكم

يالله عاد افكااااااااركم حبايبي

 

[غزلان الكويت]

اييييييييييي نسيت بعد نبي الاغاني الحلوة للرياضي والشعبي وفناتق وين احصلهم تكون جديدة الله يعافيكم مابقى شي الاسبوع الجاي

 

[علويا الحلوة]

الله يعينج حبيبتي و يعيني معاج
انا بعد علي النشاط بس اشوة يووم الأثنين و الخميييس اجازة فكة بس الله يعينا على 3 اسابيع ما ادري شنوو بنهبب

انتي في اي روضة ؟؟؟؟

 

[غزلان الكويت]

هلا اختي علويا انشااااااااااالله تمشي وبعدين الحمدلله انها فيها اجازة الاسبوع الياي ونبي نتعاون بالفكار يالله يابنااااااااااات وينكم

 

[عهود الحب]

عندكم المجسمات الكبار هذولي الي ينفخون بالبقالات
خموا منهم وسووا قصة حركية من اداء الاطفال
خلي الطفل يمسك الحيوان الي هو يمثله { ارنب / اسد / فيل } مثال يعني
ويمثل عليه
وحطي خام اخضر عالارض على بون غابة وجم شجرة يمين ويسار المسرح خلاص صارت قصة حركية

خلي طفلين كأنهم رايحين زيارة لحديقة الحيوان وهناك شاهدوا حيوانات مختلفة ويتناقشون مع ابوهم منو هذا
بيقولوهم الفيل خرطومه طويل وسمعيهم صوت فيل وخلي الطفل يحرك الفيل كأنه الفيل يتحرك
وبعدين راحوا لقفص الاسد وخلي جدامه لحم شقاعد يسوي يأكل غداءه فهو حيوان مفترس وهكذا عاد انتوا وحواركم


المهم الفكرة يسمعون اصوات الحيوانات
يتناقشون عنهم شنو اهمه مفترس ولا اليف
وخليهم يطعمون الحيوانات الاليفة مثال { قطوة أو ارنب }

ماعندج امكانية تشترين هذي الحيوانات الكبيرة الي تجي منفوخة
لبسي اطفال حيوانات وشحلاااااااااتهم يطلعون


الي كتبته لج يصلح قصة ويصلح ابداع
الرياضي حلو وأفكاره والله منه وفيه مايبيله بعد
ممكن تدخلين اطفال شايلين اعلام ملونة ولابسين رياضي وشايلين اسم اليوم



الشعبي حطي يامن عين الضالة ولبسي طفل لبس خروف ومعاه اسم اليوم

هذا الي عندي حاليا ان فكرت بشي جديد احاول اقولج