يالله تعبت كل جهدي يروح هباء !!

[long time]

السلام عليكم ورحمة الله

بنات انا تعبت من نفسي جدا انا طالبة ثانويه احب العلم والتعليم والثقافه
يعني في الفصل احب اكون دافوره واتنافس مع زميلاتي
بسس والله اقعد احفظ احفظ وابدل جههد ولما اروح الفصل مااتدكر شيء كأنه داكرتي
انمسحت والله احس اني باصيح من القهر اقعد اداكر خمس او ست ساعات ويروح صوتي
واروحح المدرسه اتدكر بعض الأشياء بسس انا ابغى اتدكر التعريف علشان المعلمه تقول عني شاطره
وانا شاطره في الفهم يعني في الرياضيات جدا شاطره بسس انا ابغى اصير متكامله احفض وافهم
واليووم الي زاد قهري نسمع ايه قران حفضتها يوم الأربعاء وامس عقدت عليها واليوم لما رحت
والله كله ملخبطة بالسوره ولاحفضتها وش اسووي
وطبعا غير المواقف الحياتيه داااااااائما انسى اسماء زميلاتي والقابهم احراااج وانسى جوالي في البيت
واروح المطبخ بجيب شيء وبعدين انسى ليش رايحه وانسى هدا وانسى هدا حتى صرت اكرره دي الكلمه
:bbbiu:

 

[سويت فانيلا]

ممممم

 

[شاي ونعناع]

هدي انتي تضغطين علي نفسج وايد ريحي وكل شي بيصير تمام بيييه ذكرتيني ايام الثانويه كنت لمن ادرس حق الامتحان اذا راجعت الصبح انسي كل شي حفظته ولمن اسإل البنات ليش يقولون اذا ضغطي علي روحج زياده وراجعتي وايد تنسين وصح ونفسيتج اهم شي شلي الخوق والتوتر وامورج بتصير تمام

 

[~.ąvȍƈaȚ.~]

وي الله يعينج

حبيبتي في تمارين للذاكرة منهم اسمها تمارين المرونة سوي search بالنت و اعتقد بتلقينهم

كل يوم تدرجي بالتمارين من المستوى السهل لي الصعب

و حرصي على الأكل اللي يقوي الذاكرة دوريهم بعد و في اكل يساعد عالنسيان مثل الجبن و الملح وايد يضعف الذاكرة

و لما تبين تدرسين أو تحفظين حاولي تربطين الشي اللي تدرسينه بشغله معينه بحياتج

و الله يسهل عليج يارب

 

[tbola]

ان شاء الله مافيج الا العافيا يمكن هذا من ضغط الدراسه لا تضغطيين حييل علا عمرج

 

[الحللللوه]

الله يوفقك ويسرلك
مادري انا امر بالشغله من السنتين الاخيره بالذات احسها نفسيا يعني مضغووطه ومااقدر اجمع وانسسسسى كثيييييييير الله يعيييين ويسااعد
والله يوفقك قلبووو

 

[الحللللوه]

ولاتشيلين همم ياقممر فتره وتعددي ياااآأأآآرب

 

[كويتية222]

استخدمي الرسم علشان تتذكرين واذا تعرفين للخريطة المعرفية استخدميها اقري عن الخريطة المعرفية
وان ما عرفتي راسليني وبفيدج فيها لان اهي شغلي ​

 

[كويتيه واقعيه]

اهلين حبيبتي حاولي تشيلي فكره النسيان من راسج اممم يمكن تعب او ارهاق حاولي ترتاحي شوي واذا استمر النسيان راجعي دكتور بس انا احس انه شي طبيعي حتى انا جذي حيل انسى واقري في قوقل حلول للنسيان مثلا قراءه ايات وجذي وبالتوفيق

 

[عويتقة]

وانا بعد انسى صارت فيني عادة في بعض الاحياة انسى اسماء اخواني بس جربت العسل والزبيب والتمر صرت اكلهم وشي نشطت ذاكرتي

 

[ورد مكة]

ماافيك الا العااافية اهم انك ماتضغطين ع عمرك

 

[long time]

مشكورين بنات استفتدت من كلامكم واجد
وبحاول مع نفسي اني احفظ والله انا من قبل ماكنت كدا ابدا كنت احفظ عدل ومااطول كثير وانا احفظ
بس يمكن ضغط الدراسه اهو الي خلاني انسى واجد

 

[Heaven Light]

اكلي حبوب زيت كبد الحوت من ماركة seven seas وايد زينين للذاكرة ..
​

 

[بنت ديرتها]

حبيبتي انا مثلج بس عرفت حق نفسي بأخر سنه لوول
ركزي ركزي ركزي
و التكرار التكرار التكرار !!
وشيلي من بالج انج تنسين قولي انا ما انسى !! و الله ترا يفيد
انا كنت كله اقول مستحيل افهم معادلات الكيميا و فعلا ما افهما بس مرا قلت سهلين انا افهم راح افهم سهل والله قمت افهم

والله يوفقج حبيبتي

 

[q8dvd2000]

استخدمي الرسم علشان تتذكرين واذا تعرفين للخريطة المعرفية استخدميها اقري عن الخريطة المعرفية
وان ما عرفتي راسليني وبفيدج فيها لان اهي شغلي ​

اختي ياريت معلومات اكثر عن الخريطه المعرفيه
اول مره اسمع فيها

 

[سفيره الكويت]

شي طبيعي النسيان ولكن ان زاد عن حده يمكن يرجع لعده اسباب اهمها التغذيه حاولي تاكلين زعتر وزيت زيتون الصبح <وصيه الوالده قبل

لول وشوفي نفسج

وحاولي تبعدين عنج القلق ودائما رددي الاشياء بداخلج وبتلقين نفسج تعالجين مشكلتج والله يوفقج