ياليت الكل يدخل ، مسأله متعلقه بمستقبلي ~

[هـمس الغ ـلآ ]~]

-


السلام عليكم ورحمه الله وبركاته
شلونكم بنات شخباركم ؟
انا كنت بصير مهندسه بس للاسف انا ميولي ادبي
يعني اكره الفيزيا والرياضيات وهذيل
ف كنت ابي اصير شي قوي نفس الهندسه او طب وجذي
ودخلت ادبي احس الادبي مافيه شي قوي نفس الهندسه والطب
يعني تقريبا ماقدر اصلا الا محاميه وماحب هالمجال
ف ياليت احد يساعدني

 

[أم_فلان_الفلاني]

دشي اي مجال ادبي وبعدين اخذي الدكتوراه وبعدين صيري دكتوره بالجامعه

 

[روز بآريس]

يوو وهقه صججج
خلـآًص صيري مححآميه
والله مجـآل حلو
او صصيري كاتبه روآيآت
فكري وشوفي شنو ممكن تشتغلين بمجـآل الادبي
طوري نفسج

 

[Miss Basma ..}]

صيري دكتورة بالجامعة

 

[koky alnassar]

صيري مدرسه .. باجر تصيرين رئيسه قسم بعدين وكيله بعدين ناظره مدرسه وبعدها عاد شوفي منو اعلى من الناظره

المدرسه تخصص قوي بس ان شلون ستيب باي ستيب مو نفس الدكتور و المهندس و المحامي على طول ما شاء الله من بدايه دراسته و شغله يكون مسماه قوي
بس ما عليه هذا نصيبج شتسوين عندج محاماة و مدرسه التدريس ما فيه شي و تقدرين تدرسين علم نفس تصيرين اخصائيه نفسيه بعد و انتي براحتج وكيفج او تروحين تدرسين برا هندسه

 

[MnoOoLy]

بما اني مب كويتية يعني مب عارفة شو التخصصات الموجودة ف جامعتكم

بس اللي اعرفه ان الادبي عنده كذا مجال غير المحاماة ..

انا بقول ع حسب تخصصاتنا و كلياتنا و انتي شوفي يمكن تلاقين تشابه بين اللي عندنا و اللي عندكم :
*شي عندنا كلية الاتصال .. و فيها ( الصحافة / الاعلام المرئي / العلاقات العامة / تصميم جرافيكي / اعلام الكتروني/ تصوير )

*شي كلية الآداب.. (شغلات علم نفس و علم اجتماع/ تاريخ/ اللغة العربية )

هالتخصصات اللي برايي تصلح لطالبات الادبي .. انتي شوفي شو المتوفر عندكم من التخصصات و شوفي ميولج و الله يوفقج

و سوري اذا دشيت عرررض بس حبيت افيدج و ما تحصرين نفسج بالمحاماة
و الاخوات جزاهم الله خير ما قصرروا
و ربي يوفقج ف اي تخصص تختارينه <3
​

 

[#شيطونه#]

اخصائيه حلو وااايد

 

[D.noora]

الادبي حلو واايد اذا انتي من النوع تحبين تحلين مشاكل الناس وهل اشياء صيري خصائيه اجتماعية او اذا تحبين تشرحين صيري ابله في مجالات وااايد حلوه

 

[عواشه =)]

اغلب بنات الادبي يدخلون علوم اجتماعيه
وفيها تخصصات نادره وقويه

 

[هـمس الغ ـلآ ]~]

مشكورين كلكم يعطيكم العافيه :*
افدتوني حيل <3

 

[البارونـه]

انا عندي قاعده بالدراسه
اما انج تتخصصين شي كبير مثل الطب والهندسه والمحاماه
او انج تدرسين اي تخصص عادي بس توصلين فيه لاعلى الشهادات "الدكتوراه"
او انج تخصصين تخصص عادي بس تبدعين بمشروع خاص فيج او شي موهوبه فيه مثل رسم الكركتير والتصوير الاحترافي باعلى مستوياته او اي موهبه عندج تقدرين تبدعين فيها وتركزين عليها

ابتعدي عن التخصصات العاديه الي مابتشتغلين فيها الا كـ موظفه عاديه
فهمتي الي اقصده؟

 

[عادت ذكرياتي]

دخلي كلية علوم اجتماعية ودرسي علم نفس وصيري دكتورة نفسية



او دخلي كلية الآداب لغة انجليزية

 

[*سكر*سكاكير*]

انتي قلتي ميولج ادبيه
شلون بتصيرين مهندسه ؟؟؟؟
وبعدين مايهم اذا مجالج (قوي) او لا
اهم شي انج تحبين هالمجال ومرتاحه فيه
واهم من كل شي انج تستمتعين فيه