ياليت تساعدوني

[thahb_q8]

السلام عليكم

انا عضوة جديدة معاكم عمري 26 سنه ام لبنتين وحامل بتوأم بنات بالشهر السادس.. من الشهر الثالث اجمع الاطباء اني احمل طفله داون وطفله طبيعيه ومن يومها وانا يوم ادعي رب العالمين ويوم افرح وعشرة ايام ابكي ولله الحمد على كل حال.. طبعا طلب مني الاطباء التحليل للجنين وهي في بطني ولكني رفضت خفت عليهم من المخاطر.
العلامات اللي ظهرت بالسونار سمك الرقبه وثقب بالقلب واعطوني نسبه 60% انها داون ولكن عند المراجعه الاخيرة لي قال لي الطبيب ان نسبته للشهر السادس 30% انها داون على حسب قياسات جسم الطفله وانا حاليا اراجع عن الدكتور ماجد الشمري والله المستعان حبيت اشكي لكم وافضفض عشان ارتاح.
ادعولي ان الله يشفيها ويصبرني خاصة ان معاها توأم والأثنين يحتاجون رعاية غير بناتي الكبار وحده 5 سنوات ووحده 3 سنوات هم يحتاجون رعايه والله اني طول فترة حمالي مافرحت يوم بس افكر وأحاتي حتى لما اجهز يضيق خلقي بدال لا افرح :0bee2e8d89:

 

[خزامى]

أول شي يالغالية الله يهون عليج
ثاني شي الداون أهون من غيرهم وتقريبا انا اعتبرهم من اخف الحالات اللي تمر علينا بالمستشفى
ما تتخيلين اشكثر حبوبين والأهل اللي يراجعون عندنا كلهم اجمعوا ان الداون من اعز عيالهم لأنهم سبحان الله يدخلون الفرحة في البيت وصج اهم ابركة
وترى اهم يستقلون بذاتهم ونسب ذاكئهم مختلفة
تخيلي كانت في وحدة متخرجة من الجامعة محد شك انها داون
تصبري واحتسبي وتذكري كلامي عدل وبلشي تمارين علاج طبيعي من اول الأشهر لأن اللي يأخر نموهم اهو رخاوة مفاصلهم وعندج مركز الفهد في مستشفى الطب الطبيعي معلروف على مستوى العالم انه من افضل المراكز العالمية

ترى سهالات.........سهالات وراح تذكريني عدل

ولاتنسين انها نسبة عطوج اياها........الله يجعلهم من الذرية الصالحة ويقر عيونكم بشوفتهم اصحاء

 

[ام نوونه]

لو شنو يقولونلج الدكاترة خليهم على كتر
وادعي ربج انه تطلع البنت سليمه ومافيها
اي شي الله قادر على كل شي يحي العظام
وهي رميم
يارب تشفي عيالنا ياااااااااارب

 

[HearT ChocolaTe]

يا بعد عمري ذكري الله .. والله سبحانه رحمته وسعت كل شي .. وترى الضيقه مو زينه لا عليج ولا على
اللي في بطنج وحده العالم بكل شيء .. والطب تطور وإختلف الحين وما شاء الله صار لكل داء دواء
سبحانه اللي أمره بين الكاف والنون .. ما تدرين شنو ربج كاتبج (( وإن شكرتم لأزيدنكم ))
ما شفتي أميرة الشمري البارحه في تلفزيون الكويت ببرنامج هي وأخواتها .. ما شاء الله تبارك الرحمن
إنسانه تنحط على الجرح يبرى .. مرت عليها الإعاقه ثلاث مرااات في حياتها وكاهي لا إله إلا الله
أسست مجموعة الفرحه والأمل وقالت مثل عجبني يا ريت تخلينه جدام عيونج ولد معاق ولا ولد عاق

 

[مشاعل الشمري]

السلام عليكم
اولا الله يهون عليج ويرزقج الصحه والعافيه ثانيا الي الله كاتبه يبي يصير تصبري بالله
ثانيا النفسيه التعبانه مو زينه عليج لا انتي ولا الجنين
ثالثا الله سبحانه اذا احب عبدا ابتلاه وهذي لي بركه
كوني على ثقه كل ما رضيتي باللي الله اقسمه لج راح تنفرج عليج
الداون بطبيعته طفل حنون كالملاك تحبه وعلى فكره هم اذكياء ويحملون عافه جياشه تخلي كل من يشوفهم يحبهم
الله يصبرج ويزرع فيج العزيمه والثقه

 

[مرمر]

لا تفكرين وايد وتحاتين

انا بنتي داون عمرها 3سنوات
طبعا محد يعاف العافية بس والله شمعة البيت وتفتح وياها باب رزق وتجمع الاهل وتربطهم

زووووووووووووووووووووووووغة شوية عليها

 

[مشاعل الشمري]

هلا والله بالغايب الحاضر بقلوبنا مرمر الغاليه وامها

 

[thahb_q8]

ياحلوكم والله وياحلو حجيكم طمنتوني شوي وريحتو بالي الله يريح بالكم اجمعين وعلى فكرة انا من زمان متابعه كلامكم عن عيالكم الله يشافيهم ويخليهم واعرف تقريبا كل سوالفكم بس توني اشتركت عدل عشان اقدر اكلمكم ونعم الاخوات والله يخليكم لي :eh_s(6):

 

[فجرالعيد]

وأنا أقولج من تجربه أحسني الظن بالله يكون عند حسن ظنج ولاتتعبين ولاتملين من الدعاء لأن الدعاء يرد القضاء إختي اللي الله كاتبه بصير بصير فخلج مؤمنه محتسبه وإكسبي أجر حتي في محاتاتج ألحين وخوفج كله في الميزان وصدقيني هالأطفال علمونا شي ماتعلمناه في المدارس ولافي الجامعات الناس اللي يشوفونا بره يقولون الله يعينهم الله إبتلاهم مايدرون إنهم منحه من الله قاعدين نشوف بركاتهم في حياتنا وغير هذا عداد عندالله شغال يسجل حسناتنا ويرفع درجاتنا والله يشرح صدرج ويتمم عليج ويسهل ولادتج ويرزقج بنات قمرات سليمات معافيهم الله إنه هو السميع القادريارب بين الأذان والإقامه تقبل دعانا وإشفي مرضاناوإغفرلنا ذنوبنا وخطايانا

 

[ازدهار]

اسأل الله العظيم رب العرش العظيم ان يشفيها ادعي يااخيتي بهذا الدعاء والتمسي اوقات الاجابة وهي في الثلث الاخيرمن الليل وبين الأذآن والاقامة واكثري من الدعاءفي سجودك

 

[thahb_q8]

اللهم آمين الله يسمع منكم يارب :yaaaaaarb:

 

[الصابرة المحتسبة]

هلا وغلا بذهب ونور القسم
اذكري الله ياقلبي وترى ربي سبحانه مغير الأحوال وعليج بالدعاء(اللهم لاتذرني فردا وانت خير الوارثين) وعلى طول امسحي على بطنج وتقري المعوذات وسورة البقرة وخواتيم سورة البقرة (واللهم إني أسألك هون الطلق وحسن الخلق) وإن شاءالله تولدين بالسلامة وتجيبين ذيج اللي تقول للقمر: وخر وانا أقعد مكانك.

 

[thahb_q8]

اختي الصابرة مشكورة ماقصرتي انشالله على قولتج تطلع بالسلامه حتى لو جيكرة راضية حتى لو اتطيح بجبدي بس بصحتها :dddds:

 

[HearT ChocolaTe]

لا تفكرين وايد وتحاتين

انا بنتي داون عمرها 3سنوات
طبعا محد يعاف العافية بس والله شمعة البيت وتفتح وياها باب رزق وتجمع الاهل وتربطهم

زووووووووووووووووووووووووغة شوية عليها

يا فديت مرمر وأمها حيا الله الغاليه شمعة المنتدى مرمر وأمها
الله لا يفرقنا من هالصورة ولا من حجياتها

ياحلوكم والله وياحلو حجيكم طمنتوني شوي وريحتو بالي الله يريح بالكم اجمعين وعلى فكرة انا من زمان متابعه كلامكم عن عيالكم الله يشافيهم ويخليهم واعرف تقريبا كل سوالفكم بس توني اشتركت عدل عشان اقدر اكلمكم ونعم الاخوات والله يخليكم لي :eh_s(6):

والنعم فيج فديتج .. وحاظرين للطيبين ..

 

[HearT ChocolaTe]

وأنا أقولج من تجربه أحسني الظن بالله يكون عند حسن ظنج ولاتتعبين ولاتملين من الدعاء لأن الدعاء يرد القضاء إختي اللي الله كاتبه بصير بصير فخلج مؤمنه محتسبه وإكسبي أجر حتي في محاتاتج ألحين وخوفج كله في الميزان وصدقيني هالأطفال علمونا شي ماتعلمناه في المدارس ولافي الجامعات الناس اللي يشوفونا بره يقولون الله يعينهم الله إبتلاهم مايدرون إنهم منحه من الله قاعدين نشوف بركاتهم في حياتنا وغير هذا عداد عندالله شغال يسجل حسناتنا ويرفع درجاتنا والله يشرح صدرج ويتمم عليج ويسهل ولادتج ويرزقج بنات قمرات سليمات معافيهم الله إنه هو السميع القادريارب بين الأذان والإقامه تقبل دعانا وإشفي مرضاناوإغفرلنا ذنوبنا وخطايانا

اللهم آمين يا فجر ..صدقتي فديتج

 

[HearT ChocolaTe]

وأنا أقولج من تجربه أحسني الظن بالله يكون عند حسن ظنج ولاتتعبين ولاتملين من الدعاء لأن الدعاء يرد القضاء إختي اللي الله كاتبه بصير بصير فخلج مؤمنه محتسبه وإكسبي أجر حتي في محاتاتج ألحين وخوفج كله في الميزان وصدقيني هالأطفال علمونا شي ماتعلمناه في المدارس ولافي الجامعات الناس اللي يشوفونا بره يقولون الله يعينهم الله إبتلاهم مايدرون إنهم منحه من الله قاعدين نشوف بركاتهم في حياتنا وغير هذا عداد عندالله شغال يسجل حسناتنا ويرفع درجاتنا والله يشرح صدرج ويتمم عليج ويسهل ولادتج ويرزقج بنات قمرات سليمات معافيهم الله إنه هو السميع القادريارب بين الأذان والإقامه تقبل دعانا وإشفي مرضاناوإغفرلنا ذنوبنا وخطايانا

اللهم آمين يا فجر ..صدقتي فديتج

 

[نونا العتيبى]

بعد قلبي والله ,,بس تري مو زين البجي وضيقة الخلق وأنتي حامل ,,صدقيني الداون أهون من أعاقات ثانيه أذا أهتميتي فيها من الصغر,,,
وما لج ألا الدعاء أن يهون عليج ولادتج ويطلعون بصحتهم ,,ومثل ما قالت مشرفتنا أقري البقره ومسحي علي بطنج ,,,
الله يسهل عليج ويرزقج الذريه الصالحه ,,,
اللهم آميييييييييييييييين

 

[thahb_q8]

آمين يارب العالمين

 

[الصابرة المحتسبة]

بشرينا

 

[الصابرة المحتسبة]

رد : ياليت تساعدوني

يلا ناطرين البشارة ياقلبي