ياليت تعلموني طريقه تعامل معها .

[زهرة اوركيد]

السلام عليكم ..شخباركم حبايبي

راح اكتب موضوع علي طول

كنت بدوام مع مع موظفه ثانيه كنت اسالها عن موضوع يخص علاج ب الخارج كون امها مسافره

وانا اكلمها تخيولي ولا حطت عيني بعيني منزله راسها وتسوي تلفوون ...


انا وقفت قبالها قدام مكتبها والله ولا رفعت راسها وكلمتني ... انا ماهتمييت بالموضوع

الي ان رحت غرفه مكتبي استغربت من طريقه تعاملها ..


طبعا اهي صديقه موظفه معانا ماتحبني ... ولا انا مااحبها ...


بس هل طريقه انها ماتطالع اعيوني وكانها مقلله من شائني وانا اكلمها دليل


كرهها لي وعدم احترامها لي ..


علي فكره من قعدت مع نفسي لقيييت اتسوويها كذا مره معااي ...



هل اسووي نفس طريقتها ان كلمتني ؟

شنو تعتقدون حركتها سوتها لي ؟



؟؟؟؟؟؟


والله عظيم مستغربه ... شنو بيني وبينج ...

 

[popa]

اي تكرهج وماتشوفج شي بعد
لاتحاجينها ولا توجهين لها شي
وعامليها مو بالمثل اكثر واكثر

 

[قطرية كشخة]

لا لا لا تفهمين غلط يمكن البنت مشغولة عشان كذا ما قدرت ترفع عينها احنا معطينا بالاوفيس اذا كنا مشغولين وجانا واحد يسولف نسوي لغة جسد اذا مكتفين معناته مشغولية اما اا رحبنا معناته مو مشغولين

 

[مدمنة كوفي]

طنشي اذا شفتي هالحركة سوتها اكثر من مرة طنشي انتي في شغل يا ما بتمر عليج تصرفات اذا بتحطين بالج وبال تصرفاتهم راح تتعبين اذا بتقولين ليش هاذي تكرهني وليش هاذي جذي وليش وليش

طنشي مرة كنت اتدرب في شركة شفت وحدة تتصرف معاي تصرفات غريبة عبالي بس معاي انا بعدين اكتشفت ان الكل يشتكي منها ومن تعاملها والكل كانوا ياخذونها على قد عقلها

خلي تعاملج معها بحدود العمل واذا بغيتي مساعدة عن السفر في الخارج منتدى كويتيات ما يقصرون كلهم خير وطيب واصل

 

[M!ss CoLoRz]

وايد ناس لما يستحون من الشخص ما يقدرون يطالعونه في عيونه

ويمكن فعلا مو حابة تحتك وياج

لا تخلين هالشي اكبر همج وخليها تولي وعامليها مثل ما تحبين الناس يعاملونج مو العكس

 

[@mr.nadrh@]

حبيبتي طنشي ، و اذا هالحركه تسويها معاج اكثر من مره مو معناته تكرهج
ممكن نقول تغار منج ، اما تعاملينها باحسان يعني تعاملينها باخلاقج و اهلج شنو ربوج عليه
ولا لا تتعاملين معاها كثثير عشان ماتتضايقين ، المهم اذا ودج تكسرين عينها عامليه احسن اذا اطريتي
تتعاملين معاها ...
انا عندي وحده جذي بدوامي جننتني مو بس تكرهني كانت تسوي بيني وبين المسؤل مشاكل
وكانت تجيب لي شغل وايد و توز المسؤل علي عشان يزيد الشغل علي ليما طققت جبدي وانتقلت
من دوامي لان صج كنت اسكت وماتكلم ،!
بس نصيحه عامليها احسن واذا مافاد لا تتعاملين معاها وططططططنشششششييي

 

[F.Strawberry]

لا تكلمينها ولا شي
وخري عنها احسن
مبين عليها شرية من طريقتها
انا احس اللي ما يطالعني و انا اكلمه ولا لما يكلمني جنه يقلل مني
فمن نفسي اوخر و ما احط نفسي بهالموقف أحسن

 

[انصاريه قمره]

ما اقدر احكم عليها يمكن تستحي مثل ما قالو البنات مو شرط انها تكرهج دائماً احسني الظن بالناس

 

[بيضه كندر]

شدعوه شدعوه تكرهج وتغار منج وشريه ؟؟ شنو استفدتو بكلامك عليها واهيا خذت حسناتكم احسنو الظن

انا اشوف تصرفها عادي يمكن مستحيه او طبيعتها ماتبي تحتك بأحد ,, انا وحده مااحب احط عيني بعين احد لاكلمته احس اضيع

و انتي لاتعطين هم لاحد وتكبرين حجم اي احد وتضايقين نفسج علشان اشياء تافه خلي علاقتج ويا زميلات الدوام السلام ومواضيع عاديه لاتدخليهم بخصوصياتج ولاشي

والله يوفقج :*

 

[غــايــه]

لا تكلمينها وإذا شي ضروري كلميها عااادي ولا تهتمين
وحقريها بس إذا يت وكلمتج لا تسوين مثل ما تسويلج لأنها راح تتفشل وبتحترم نفسها