يامعلمات عطوني رايكم ضروري

[تسوى عيووني]

ادرسين في مدرسه صبيان وقسمج حلو ورئيسه القسم تهبل والاداره حلوه
أو
مدرسه بنات ورئيسه القسم غثيثه والقسم أحزاب شنو تأخذين

 

[برنسيسة2007]

اهم شي الاداره ورئيسة القسم والقسم
الصبيان يحتاجون تدربين على ضبطهم وامرهم سهل

اما الخيار الثاني لااااايحوووووشك


اختي اذا تعانين من ضبط الصف في مدارس البنين اقدر اساعدج

 

[تسوى عيووني]

أخت برنسيسه انا ماني متقبله صبيان درست سنه وحده وتعبت أجي البيت راسي مصدع من الصراخ والعصبية وقدمت نقل وحطوني في مدرسه بنات بس القسم سمعت انه أحزاب ورئيسه القسم غثيثه والناظره تتأثر حيل بالكلام وأنا احترت الصراحه قسمي يهبل بس مشكلتي صبيان وأنا ابي بنات ومتردده

 

[مزآجيه!]

لا والله الاختيار الاول افضل

الجهال بهالمرحله كلهم نفس الشي يمكن البنات اخف

بس ترى الشغل راح يزيد معروفه مدارس البنات خرابيطهم وفناتكهم واجد

ودام رئيسة القسم والقسم كله حبايب ليش اخرب ع عمري

وطول وقتي قاعده في مكان متقبلتهم ومتقبليني

انتي فكري بينج وبين نفسج شوفي تنقلين عشان ازعاج صبيان مقابل انج تقعدين بقسم مشكلجي وناظره سميعه للقيل والقال ؟

 

[برنسيسة2007]

أخت برنسيسه انا ماني متقبله صبيان درست سنه وحده وتعبت أجي البيت راسي مصدع من الصراخ والعصبية وقدمت نقل وحطوني في مدرسه بنات بس القسم سمعت انه أحزاب ورئيسه القسم غثيثه والناظره تتأثر حيل بالكلام وأنا احترت الصراحه قسمي يهبل بس مشكلتي صبيان وأنا ابي بنات ومتردده

شوفي حبوبه دامها تتأثر بتلكلام خليها تتأثر بالكلام الطيب عنج واااايد بنات يحطون الاداره ورئيسة القسم بمخباتهم بذكاء ودهاء...اما القسم طااااااف ولايهمج انظمي لحزب يخاف الله ولايظلم وتعايشي معاهم


واذا تبين مدرستج السابقه ترا والله الصبيان اذا ضبطتي الصف وتعلمتي طرق الضبط ماتتعبين ابداً من اسس ضبط الصف انج ماتصارخين ولا تتكلمين معاهم كثيييراً>>>وهني الراحه لاتوقعين ان ضبط الصف تعب بالعكس وواذا تبين ترجعين للصبيان انا بساعدج بطرق ضبط الصف انا اذا دخلتي صفي تقولين كليه عسكريه لاصوت ولاحركه وعينهم علي وعلى الصبوره وانا مرتاحه ومريحتهم

عموماً اذا مرتاح مع البنات عادي تقدرين تماشين مع الاداره ورئيسة القسم وبما انج ماجربتي ماعليج من التجارب الشخصيه والله انا مدرسه سبوها لي سب لدرجة لما قطوني فيها حاولت انقل ما قدرت وبكييييت وماشاء الله ناسبتني حيييل وقعدت فيها 7سنوات

عموماً صلي صلاة الاستخاره الصحيحه المأثوره عن الرسول اذا نقلج فيه خير ييسره الله واذا لا تتكنسل وبالتوفيييييق

 

[ReD&FoSHia]

صعبة اختياراتج

 

[سدددن]

اول شي صلي استخارة ما تدرين شنو الخيرة لج

بالنسبة لي راح اختار الاختيار الاول اريح لي دامهم كلهمم حلوين


اما الاختيار الثاني يمكن يكون الكلام مو صحيح و كلها اشاعات
و يطلع القسم زين و المدرسة مريحة

 

[تسوى عيووني]

والله اني محتاره
مشكورين اللي ردوا بالموضوع

 

[تسوى عيووني]

اخت برنسيسه علميني طريقة ضبط الصف ﻻنه صج تعبت من الضبط

 

[تسوى عيووني]

Up up up

 

[أأأميرة الورد]

هلااا حبيبتي انا كنت ادرس بمدرسة صبيان

المدرسه حلوه ويديده والناظره تهبل والقسم روعه

بس الصبيان مووووووت تعب وهلاك وتقعدين على اعصااابج طوول الحصه

ونقلت لبنات الاداره مو حلوه والتزام مو طبيعي وكراااف ودروس وحركات وبرامج اذاعيه على مستوى

يعني حتى ريوق ماعندي وقت اتريق

بس الحلو فيها تدخلين على البنات لاصراخ ولا ازعااج بالصف

احس ردت لي انوثتي وصوتي رد ناااعم

قبل صوتي عالي واصرخ ببيتي وكله متنرفزه ومعصبه

راح تروحون للبنات وتشوفين الفرق

والحمدالله ماتحسفت كلش على الرغم من التعب والكراف

لا ونصابي بالصبيان مخفض وبالبنات دبل وضغط بس بالحصه مرتاحه

قبل كنت حصه او حصتين باليوم بس تطلع روحي

وبالبنات ثلاث حصص باليوم بس الحمدالله ماتقارن بالصبيان

وماعليج من الكلام اللي قالوا عن مدرسة البنات انتي سوي شغلج ورئيسة القسم ماراح تتكلم عليج
والناظره عااادي اهم شي رئيسة القسم اذا حبتج والتزمتي معاها صدقيني بتوصل للناظره الفكره الحلوه عنج

والله يوفقج

 

[أأأميرة الورد]

متحسفه على السنوات اللي راحت عند الصبيان

بس صج القسم روووعه والناظره وهذا اكثر شي فقدته
بس ماعليه اشتري راحتي وراحة راسي من العوار والصراخ

 

[تسوى عيووني]

Up up