يامعلمات 4 اشياء لازم تحطينها في بالج لين تتقاعدين لوظيفة ممتعة ومأجورة عليها (شاركو)

[طموحه بزياده]

بسم الله الرحمن الرحيم​

السلام عليكم ورحمة الله وبركاته​

( موضوع للمشاركة وابداء رأيك بأحد او جميع النقاط الاربعة)​

اما بعد ​

اسأل الله بأسمه الفتاح ان يفتح عليكم ابواب رحمته وتوفيقه لجميع المعلمات..​

وان يلهمكم الصبر والمتعة في وظيفتكم ​

ويرزقكم من حيث لا تحتسبون :ggdw:​

===========​

لجميع المعلمات اللي لاعت جبدهم من التدريس .. >​

عشان تخلين هالمهنة ممتعة عليج اربع اشياء حطيهم في بالج لين تقررين تتقاعدين بصحه وعافيه بـأذن الله ...!​

اولا : احتساب الاجر​

ما معنى الإحتساب ؟​

​

يجيبك ابن الأثير قائلاً:​

"الاحتساب في الأعمال الصالحة وعند المكروهات هو البدار إلى طلب الأجر وتحصيله بالتسليم والصبر، أو باستعمال أنواع البر والقيام بها على الوجه المرسوم فيها طلباً للثواب المرجو منها"​

ولا تنسين انج بهذه المهنة تسعين لشيء ارقى ما يمكن للانسان ان يسعى له .. الا وهو الاخرة والجنة...​

احتسبي الاجر وحطي ابالج انج مرح تشتكين لأحد ولا راح تلعنين خلق الله ( الطلبة- المعلمات- الناظرة ) ومسعاج كله للجنة والاجر بأذن الله​

وكل من لا يقوم بعمله على اكمل وجه مالج شغل فيه هذيل الله يحاسبهم ويجزيهم ...!​

قال تعالى:{وَمَنْ أَرَادَ الْآخِرَةَ وَسَعَى لَهَا سَعْيَهَا وَهُوَ مُؤْمِنٌ فَأُولَئِكَ كَانَ سَعْيُهُمْ مَشْكُوراً}
(الاسراء:19).​

ثانيا وثالثا : الحلم والاناة ​

الحلم: أن يملك الإنسان نفسه عند الغضب، إذا حصل غضب وهو قادر فإنه يحلم ، ولا يعاقب، ولا يعاجل بالعقوبة.​

الاناة: فهو التأني في الأمور، وعدم العجلة، وألا يأخذ الإنسان الأمور بظاهرها فيتعجل، ويحكم على الشيء قبل أن يتأنى فيه وينظر.​

وهذي الصفة يحبها الله سبحانه .. صيري حليمه ويا الطالبات وامسكي نفسج وعلى طول تذكري ان الله يحب صفتين هما الحلم والاناة..ولا تستعجلين ابدا بالعقاب لان العصبية والتنرفز اخرتها انتي اللي بتاكلينها تدرين شلون؟ بتاخذ من صحتج ونفسيتج .. وتتغير شخصيتج الى الاسوأ .. خليج كما انتي ..​

قال تعالى : ( وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِينَ)(آل عمران:134).
وقال تعالى: (خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ) (الأعراف:199).
وقال تعالى: (وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ)(وَمَا يُلَقَّاهَا إِلَّا الَّذِينَ صَبَرُوا وَمَا يُلَقَّاهَا إِلَّا ذُو حَظٍّ عَظِيمٍ) (فصلت:35) .
وقال تعالى: (وَلَمَنْ صَبَرَ وَغَفَرَ إِنَّ ذَلِكَ لَمِنْ عَزْمِ الْأُمُورِ) (الشورى:43).

دااااااااااااااااااائما احب اتخيل الطالب او الطالبة اللي جدامي انها بنتي او اختي الصغيره او بنت اختي واقول بقلبي هل التصرف اللي راح اسويه ( عقاب – عصبيه- كلمة قاسيه ) ارضاها لمن احب..؟!​

طبعا اجاوب نفسي بكلمة لا ... واطووووووووووووف​

رابعا: التغاااااااااااااافل​

وهي اهم شغله راح تعينج بمهنة ​

تغافلين سوي نفسج ماشفتي الطالبة اللي تسولف ويا رفيجتها​

سوي نفسي ما شفت الصبي اللي شات القلم على رفيجه​

تدرين ليش؟​

لانج منتي خالصه وبتظلين تتعبين طول عمرج وانتي تحاولين تسكتيهم وتنهينهم​

ملااااااااااااحظه مهمه جدا جدا​

التغافل تستخدمينه لما تشوفين الطالب حارص كل الحرص انج ماتشوفينه او الطالبة اللي تسولف ويا رفيجتها وتحرص انج ماتنتبهين لها وتكونين منبهتها اكثر من مرات وهالشي مانفع خلاص تغافلي​

اما اللي متجرأه ومسويتها علني .. اهني لازم تتصرفين وتحرجينها وتخلينها تكره هذا التصرف اللي سوته .. مو تحرجينها احراج يحطم نفسيتها .. لانج معلمة ولج كيان وشخصية لازم تحترمها الطالبة..​

ومثل ما يقول المثل طنش تعش تنتعش​

ولا تنسين ان الكلمة الطيبه للطالبة او الطالب تطيره فوق للسما .. والكلمة الطيبه صدقه​

والله يوفقكم جميعا​

وكل عااااااااااام وانتم بخير :ggdw:​

ارجوا ابداء رأيكم في النقاط الاربعة ..

فلربما هناك كلمة من واحده منكم ترمم قلب معلمة قد اكلت هذه المهنة قلبها ... :eh_s(1):




+++

 

[بـنــت الــنـور]

جزاااج الله خير
فعلا أمور مهمه واهم شي التغاااااافل فعلا. يجب استخدامه
والله بنات بسادس كنت ادرسهم العام الماضي على نهاية الكورس قاموا يتعمدووون الحجي لا وبعد الاخت توقف وتحرض رفيجاتها وللأسف لو كنت اعطيها طاااف وماابين اني مهتمه من البدايه كان ماتطورت.. بس وريتج فيها كل مادخلت الصف قلت قوومي اوقفي انتي مو تبين الوقفه لما استحت ..


وياكثر قرقتي ^__^. بس عجبني موضوعج

 

[عجينه]

مشكووووره ع الموضوع
بس ياليت السالفة وقفت ع الطالبات تهووون
المشكله لا صارت من القسم والا الادارة والا رئيسه القسم أهني الوحدة ماراح تستحمل الوضع وكلامي بناء على تجربه
واتمنى التوفيق للكل

 

[طموحه بزياده]

الاحتساب والتغافل حتى مع الاداره والناظرة حبيبتي

 

[طالبة1990]

مو مشكلة نتغافل

بس خليهم هم يصدون عنا

ياليت الادارات يقرون هالموضوع


يعطيج العافية ع النصائح

مع اني اشوف ان بعضها ماتلامس الواقع



وماتنفع كللش

ونهايتها امراض نفسية وحسرة أبدية

 

[ملامح بريئة]

جزاك الله خير اصعب مكان المدرسة لانك مطالبة بوظيفة مهمة وراك طالباتواذا ابتليتي بغيرة الحريم ونفسياتهم ومشيتي وراهم كرهتي الدوام هذا انا ابلع مرات الانتقادات اللي تغث ولا كان في شي صار لان الادارة اوالرئيسة بيقعدولك قعدة يا يغثونك بشغل او احتياط او غيرة فياكثر ما عطيت طاف وارتحت لان االلي تحط دوبها دوب رؤساءها يقعدولهاقعدة ويعتمد حسب الشخصية والمصالح فالتغافلصعب بس غصبن علينا ولا وبعد نطبقة مع الطالبات لان اذا الطالبة صارت مو زينة صرتي انتي راعية المشاكل واشمنى انتي ياابلة جذي عندك بالصف فحتى المشاكل مع الطالبات كا اطلعها براوامشي الاموووووور

 

[المـــــها]

يعطيج العاااااافيه حبيبتي
موضووووع مميز
أب

 

[طموحه بزياده]

بالنسبه للحلم .. لما كنت ادرس صبيان بالتربية العملية عرفت العصبيه تاخذ من نفسيتي وصحتي وثاني شي الصبيان يضحكون لما يشوفونس معصبه واصرخ عليهم هههههه مصخروني فعشان جذب قررت مستحيل،اعصب واصرخ عليهم بالطقاق اهم شي اسوي اقصى ماعندي لوجه الله .. فقمت اخذ ورقة واسجل اسماء المشاغبين ( ملاحظه ثلاث ارباع الصف مشاغبين) صراحه كنت اتعب وما القى معاهم حل .. بس اهم شي اكون حليمه وحاطه اباالي الصبيان جذي اللي خالقهم حركيين ويحبون يتطاققون طول الوقت :/

 

[اشلون يعني &]

موضوع مفيد بس لازم
ندرب نفسنا على نقاطه

 

[هنـــا]

,
​

ثانيا وثالثا : الحلم والاناة


الحلم: أن يملك الإنسان نفسه عند الغضب، إذا حصل غضب وهو قادر فإنه يحلم ، ولا يعاقب، ولا يعاجل بالعقوبة.


^^

يعطيج العـآآفيه ​

​

 

[دوبه مزيونه]

كلامج جداااا رائع جزززاك ربي كل خيررر

باذن الله بطبق هالشي

 

[طموحه بزياده]

على فكرة كل شي بالتدريب راح تحققونه خاصة طلبات هالاداره .. الاعصاب الباردة دائما مطلوبة

اعصابج حاره؟؟ خلاص دربي نفسج وتذكري احتساب الاجر وان العصبيه مردها بتضرج انتي

 

[اللـه يجبرخاطري]

جزاك الله خير