ياهل الخير.. ساعدوني

[بداية]

hi every body ... how r u ? i hope kilkum fine :eh_s(6):


مساكم الله بالخير جميعا ..

من زمان كنت اتابع منتداكم الرائع .. لكني متفرجه بدون تسجيل ..
ولما حسيت اني ابي بصايح من خواتي وان شاء الله ما راح يقصرون معي .. قلت خل أسجل واشوف البنات اذا عندهم خبره في اي شي حتى لو كان بسيط ..


اتمنى اني اكون ضيفه خفيفه عليكم ...


بسم الله ..

النية اروح مع ريلي دورة خارجيه مدتها 6 شهور .. في امريكا ..
في ولاية تكساس وبعدين فرجينيا ..

تكساس راح نقعد فيها تقريبا شهرين
والباقي في فرجينيا ( واحتمال اني ارد بعد الولايه الأولى لأنه الثانيه على كلام ريلي صعبه .. كولايه وبيئه مو حلوه ودوامه هم صعب راح يكون من 5 الصبح لي 5 العصر .. عرفتوا ) .. ليلحينا ما ندري اذا راح اقعد شهرين و ارد او اقعد ال 6 شهور كامله !!!!



المهم ...
سؤالي ..
ابي معلومات عن ولاية تكساس والسكن اللي فيها شلون ؟
خاصه اني ابي مكان وموقع زين ويفتح النفس .. ويمه كل شي ..
(( مع العلم انه بيكون معاي ولدنا عمره 10 شهور )) الله يعين :eh_s(1):

لو انا بروحي مو مشكله .. بس الوهقه مع وجود البيبي .. !
مادري شلون بيكون الوضع الصراحه..

مادري شنو اللي اخذه معاي ؟ شللي احتاجه ..
واهم شي الجو شلونه ..

(( الدوره بشهر واحد باذن الله ))

وشنو نوع اللبس وشللي اخذه سواء لي او لولدي ؟


اممممم ..
شنو الأماكن اللي ممكن نروح لها بالويك اند .. من تكساس يعني شللي قريب منها ؟


اييييييييييييييييييييييييييي ..
والأهم من هذا كله ..
الطياره
شسوي وولدي معاي ؟ الطريج طويييييييل والبيبي صغير ..
يمااااااااااااا الله يعين لووووووول

شنو اخذ معاي للطياره سواء لي او لولدي ..

لأنه اتوقه انها راح تكون دايركت لي نيويورك !





















عزيزاتي ...
ياليت تساعدوني
يزاكم الله خير

 

[ام الدرر]

hi every body ... how r u ? i hope kilkum fine :eh_s(6):




تكساس راح نقعد فيها تقريبا شهرين
والباقي في فرجينيا ( واحتمال اني ارد بعد الولايه الأولى لأنه الثانيه على كلام ريلي صعبه .. كولايه وبيئه مو حلوه ودوامه هم صعب راح يكون من 5 الصبح لي 5 العصر .. عرفتوا ) .. ليلحينا ما ندري اذا راح اقعد شهرين و ارد او اقعد ال 6 شهور كامله !!!!

حياج الله يالغالية بين خواتج
اول شي ياعمري ريلج لاتخلينه بروحه ترى الغربة صعبة وسالي مجرب
تكساس من ولايات الجنوب جوها بالصيف حار وبالشتاء باردة وترى من الحين بلش الثلج عندهم
فرجينيا مااعرف وين بس كانها على الساحل الشرقي وجوها معتدل نفس تكساس
بالنسبة لدوام ريلج حسبيها بيروح 5 بتكونين نايمه ماراح تقعدين الا الظهر وقتج بيروح بسرعة على تنظيف وغسيل وطبخ ماتخلصين الا ريلج واصل
المهم ...
سؤالي ..
ابي معلومات عن ولاية تكساس والسكن اللي فيها شلون ؟
خاصه اني ابي مكان وموقع زين ويفتح النفس .. ويمه كل شي ..
(( مع العلم انه بيكون معاي ولدنا عمره 10 شهور )) الله يعين :eh_s(1):

تكساس كبيرة ياعمري حسب المدينه اللي زوجج دوامه فيها وراح تحصلون مجمعات سكنية امان وممكن تلقين عوايل عربية وخليجية وايد​

مادري شنو اللي اخذه معاي ؟ شللي احتاجه ..
واهم شي الجو شلونه ..

(( الدوره بشهر واحد باذن الله ))

وشنو نوع اللبس وشللي اخذه سواء لي او لولدي ؟

الجو بارد من الحين يعني تاخذين شتوي واخذي احتياطج الاندور وير الكامل بو كم طويل ماتحصلينه هناك خاصة لليهال
والباقي كله متوفر يعني ملابس لاتكثرين لج ولولدج جينزات وبلايز ​

اممممم ..
شنو الأماكن اللي ممكن نروح لها بالويك اند .. من تكساس يعني شللي قريب منها ؟

كل مكان بامريكا فيه اماكن لعب وانتو قراب يم فلوريدا حق ديزني لاند بس روحو لما يتعدل الجو عندهم ​

اييييييييييييييييييييييييييي ..
والأهم من هذا كله ..
الطياره
شسوي وولدي معاي ؟ الطريج طويييييييل والبيبي صغير ..
يمااااااااااااا الله يعين لووووووول

شنو اخذ معاي للطياره سواء لي او لولدي ..

لأنه اتوقه انها راح تكون دايركت لي نيويورك !

الطيران اذا دايركت 13 ساعة لواشنطن اعتقد
اما اذا لشيكاغو حسبي حسابج يوم كامل 22 ساعة بما فيها التلرانزيت بجنيف او امستردام اذا رايحين عالكويتية
حطي اغراض كامله لولدج
جنطة فيها
1-حليب حطي وجبات ليومين يعني مجهزة المكيال مال رضعه وحده بالكونتينر المقسم (مااعرف شيسمونه)
2- مطارة ماي حار ولاتستعملينه بالطيارة المضيفين يعطونج خلي المطارة حق نزلت الترانزيت بالمطار وحق اول ماتوصلون
3-وجبات ياكل اذا يحب غراش الفواكه والخضار .....بسكوت ..........بطاط ......عصير
4- مميات والفرشة مالت التنظيف
5-حفاظات
6-كلينكس مبلل منظف لليهال واكياس للغيار الوصخ
7- ملابس للطيارةبدلتين وبجامتين ودلاقات وصدرية
8-العاب يحبها
9- ادويه للحرارة .........للمغص .....للترجيع .......واحتياط اخذي دواء زيرتك مال الحساسية انا نصحني بوحيمد حق بنتي اذا ركبت الطيارة اعطيها لانها كانت عسرة ووايد تصيح فالوا يخليها تنام
هذالللي فوق كله معاج داخل الطيارة
ولج ولزوجج اذا مورايحين دايركت حطي بلوزة او جاكيت احتياط ولدج يتلف ملابسكم ...... فرشة ومعجون اسنان ميني وطبعا عطورات وميك اب انتي واستعمالج لانج راح تناميييييييييييييييييييين بالطيارة
وحطي دايما بطل ماي وياج بالهاند باج حق مكرمه الغسيل بحمامات المطار لانه مافيها شطاف ونصيحه لا تفكرين تغسلين ولدج بالحمام ترى مايرضون بدلي الحفاظة بالمكان المخصص ومسحيه بالكلينيكس المبلل وبس
وعسى ربي يسمح دربكم ويردكم بالسلامة واي سؤال انا حاضرة ​

 

[chanel N22]

حبوبه شوفي الموقع هذا يفيد الطلاب والسواح فيه عن السكن وعدد الكويتين
www.mostajed.com
اهو تبع قائمةالمستقبل الطلابي

بس ابي منج دعوتي بالذرية الصالحه السليمة:ggdw:

 

[عروووب99]

صراحه انا ماعندى معلومات كبيره عن تكساس بس مثل ماقالت الاخت حاره وجوها يشابه جونا بالصيف وقريبه من المكسيك واغلب شعبها المكسيكان واما فيرجينيا غلطانه اذا عبالج انها موحلوه بالعكس ولايه اكثرها خليجين وعرب لقربها من السفارات فى واشنطن وهم عدد الطلبه غير قليل فيها ولمن تروحين المول فيها بتلقين اشكثر محجبات واذا تبين عن المولات ان شاءالله اذكرلج وجوها بارد بهالفتره لان الجوبامريكا بشكل عام بارد حاليا ودخل الشتا

 

[AL-MHA]

حبيبتي انا مو عارفه اي منطقه بتكونين فيها بتكساس حتى افيدج حبوبه

 

[مغتربة 2006]

هلا حبوبه انا ما اعرف عن تكساس
بس انا من سكان فرجينيا
اذا تبين تتفضلين عندنا حياج الله
احن منطقتنا هاديه وحلووه وبالويك اند اذا حابه تروحين مناطق قريبه منا فيها اماكن حلوه
وعلى الطياره صج نصيحه لازم دوا الحساسيه عشان البيبي ينام
وانا ترى ماخذته باستشاره الطبيب يعني مو من كيفي
لان قبل ما اسافر لازم اسوي جيك عالبيبي لايكون مريض ولا شي
وكتبتلي على الادويه الي احتاجها بالطريج
وقالت اخذي دوا الحساسيه ما منه مضره ويريح البيبي ينام بالطياره بدال لا يتعسر من الضغط والناس
وصج وايد ارتحت
انا عندي تووم ما شاء الله ناموا طول الرحله
عكس الناس الي معانا بالطياره عيالهم بجي طووووووووول الرحله تخيلي شطول المده

 

[مجنونة حبه]

لا تحاتين كلشي سهاله بس ابي اعرف شنو اسم الدوا الي كنتو تستخدمونه حق عيالكم لان انا خذيت دوا حساسيه بس ما فاد بنتي كلش

 

[مغتربة 2006]

نسيت شسمه راجعي دكتوره بالخاص تكتب لج على دوا زين وتحدد مقدار الجرعه
يعني اذكر ولدي لما كان اقل من سنه كانت تقول 2 ملي ونص
واذا ما فاد 5 مل
بس لازم تجربين فيه قبل الطياره عشان لا يسير مفعول عكسي

وبعد السنه ملعقه طعام وحده كافيه

 

[مجنونة حبه]

مشطورة مغتربه بس اخاف اهني ما يعطون كلش اخاف يقولون جريمه

 

[chanel N22]

حبي دشي موقع مستجد يمكن يفيدج
www.mostajed.com
واذا فادج ابي منج دعواتج بالذرية الصالحة

 

[So0oNa]

الله يسهل أمورج حياتي

انا حاليا بفلوريدا واسمع عن تكساس بس ما اقدر افيدج بشي عنها
اما فيرجينا فانا انصحج تروحين لها
ولاية حلوة .. امان جدا .. اسعارها معقولة .. ويمج دي سي والسفارة وكلشي
انا كنت بفيرجينيا بمنطقة اسمها Blacksburg
الولاية حدها باااااااردة خصوصا شهر 1 ( 10 او اكثر تحت الصفر P
قعدت فيها تحديدا من شهر 1 الى شهر 5

اتمنى اكون افدتج بشي P:

بالتوفيق يارب