وائليه
New member
ياوسيع البـــــــــال ضيقت الصدور..
رحت ماعلمــــــتني وين انت ساري!
في غيابك ما لخلق الله حضـــــــور..
وفي حضورك مالهم بالبال طـــاري!!
ليه ماتختـــــال يابــدر الـــــــــبدور؟
والقصــــايد لك وصيفـــات وجواري!
لك بنات الفكر ربــــــــات الخـــدور..
يكشفن الثــامهن والجــرح عــــاري
جعل قلب مامــــــــــلاه الصدق نور..
عن وجه الريح مايلـــقى مــــــذاري
التغــــاضي عجز لا طـــال القصور..
ليه أداري؟؟؟ وانت عني منت داري!
الزمـــــان قصير والدنـــــيا تــــدور..
كل يوم يضيـــــق في عـــيني مداري
صاحبي محتـــاج لك شعر وشعــــور..
وإحتــــــياجي شي ماكان اختيـــاري
من متى والغصــن يختـــــار الطيور..
من متى والبال يختـــار الـــــطواري
لاتسمي صمتي البــــــارح غــــــرور..
إنكســـــاري خلف هالصمت امتواري
في غيـــاب الشمس وش ذنب الزهور...
والمطر لاشح وش ذنب الصحــــاري
اللـــــقا لحظـــــات والغيبـــه شهـــور..
تقصر الخطــــوات ويطـــول انتظاري
لــــو قريـــت المنكتب بين السطـــــور..
ماكتبت لغلطـــة العمـــــر اعــــــتذاري
صمت هالميــــــنا مــثل صمت القبــور..
مارسى مركب!! ولا لاحت صــــواري!!
ـــــرووووووعــــــــــــ
