حياج الله حبيبتي بالكويت
اول شي جم المدة اللي بتقعدين فيها بالكويت ؟؟
بعدين بالنسبه للسكن اغلبها تكون عالبحر في الرخيص وفي الغالي
في الفنادق المعروفة العالميه بس الرخيصه بصراحة ماقدر افيدج الاسعار والاسامي سامحيني انشالله البنات يفيدونج
الاماكن الترفيهيه :
عندج المركز العلمي ( الاكواريوم ) وايد حلو اهوا عبارة عن احواض كبيرة للاسماك وفيه مطاعم وجبات سريعه وخاصه معاج يهال راح يعجبهم المكان
وفي المدينه الترفيهيه بعيدة شوي بس حلوة حق اليهال وكبيرة وايد
الاكوابارك مدينه مائيه اذا يحبون يتسبحون هناك
تقدرين تحجزين شاليه عالبحر او شاليهات الخيران وايد حلوة ونيسه
او تقدرين تروحين جزيرة فيلجا انا للامانه مارحت لها بس وايد يمدحون فيها وانا اتمنى اني اروح لها
وفي حديقة الشعب هذي اصغر من المدينه الترفيهيه وتعتبر مدينه ملاهي وفيها مطاعم
وعندج السينمات في جميع مجمعات الكويت
ابراج الكويت لازم تزورينها
معلم من معالم الكويت
والمجمعات كلها فيها مطاعم واماكن العاب للاطفال بس افضلهم بالنسبه لي الافنيوز احلى مجمع وفيه ماجيك بلانت وايد حلو حق اليهال
مممم بعد مو متذكرة شي اذا تذكرت اقولج
المطاعم اللي فيها كباين ممممممممممممممممم
عندج فريج صويلح هذا اكله كويتي قديم
وفي مطعم حسني هذا مطعم مصري
وهم مو متذكرة بعد واذا تكرت ي شي راح احطه حقج
وحديقه الحيوان والله حليوة يستانسون اليهال فيها انا ولدي عمرة سنتين يستانس اذا وديته واليهال يحبون الحيوانات عزكم الله
والمجمعات الموجودة عندنا
سوق شرق
المارينا مول
الافنيوز
المهلب
الفنار
مول 360
مجمع الكوت
وفي والله وايد وانشالله البنات يفيدونج اكثر مني
وانا اذا تذكرت اي شي راح اكتبه حقج
