يا آنا يا وزني

[Ghreba eb derty]

مع زيادة عدد الزغاديد والشحوم والزوائد الدهنيه اللي شكلهم اييب المرض قررت انا شخصيا ان التزم واعقد وعد على نفسي بالتزام بحميه غذائيه ووالالتزام بالتمارين الرياضيه اليوميه وعلى فكره هذي المره المليون اللي اقول فيها هالحجي والله ملييييت من وزني مليييييييييت ودي اييب جبريت واولع بهالشحم الزايد عوووووع وزني معجعج ببدايه الستينات ودي اكسرها واكسر الخمسينات واوصل الى جسم جميل ممشوق رشيق ابي جسم اوووونثى والله مليت ماكو اراده بس هالمره ان شاء الله اسكر حلجي عن البلعه والخرابيط والتزم لمده شهر واشوف النتايج آخرتهااااا يااارب ما ندخل 2013 الا وانا ضاااعفه 10 كيلوات واكثر وان شاء الله بتكون بدايتي من يوم الاحد تاريخ 18/11 ساعه 12 من بدايه اليوم اي شي يطب معدتي بسدحه هني عشان هالموضوع يكون مرجع لي واكون مراقبه روحي واي وحده بتشارك حياااها

 

[مرتبة]

نصيحه صومي
وخلي نيتج عباده
وصدقيني تضعفين اذا فطرتي وتسحرتي على شيء صحي ولا لخبطتي

 

[MayOumii~]

أنآ ويآج

دخولي رآح يكون غالبا بليل ﻵن انا عندي جامعة العصر والصبح أكون اهنآك مبجر
يآختج كل رفيجآتي ضعآف ما شاء الله الله يتمم عليهم الا انا ):

طولي ؛ 162
وزني ؛ 66
هدفي لي نهآية السنة ان شاء الله 10 كيلوآت

نظآمي بيكون تخفيف ﻵ أكثر وﻵ أقل ﻵن ورآي امتحآنآت وبرزنتيشنآت مآقدر عالرجيم القآسي
أحلى شي إن غدأي وعشآي يصيرون بوجبة وحدة ﻵن دوآمي يخلص تقريبا عال4 وارجع البيت 5 اتغدى واتعشى بنفس الوقت

الله يقدرنآ ونشيل الزغاديد على قولتج

 

[زنوبة الحلوة]

موفقين

 

[بريق أنثى]

موفقة بس شوفي لازم تمسكين نفسك ترى انا مثلك
وقولي الحمدلله ع كل حال
الصوووم حلو يصغر المعدة وتقل الشهية
حتى النووم
حاولي تبعدين ع كل شي مغري
حتى اذا حسيتي بالجوع اكلي شي صحي وقليل السعرارت ​

 

[Ghreba eb derty]

مرتبه انا مابي اصوم بهدف النزول وشاكرتلج مرورج

ميوومي انتي تقريبا نفس وزني وطولي وصج صجججج ملوووع جبدي وصج احتر على نفسي لمن اشوف بنات ضعاف واجسامهم شحلاتها واقول ليش ما اصير نفسهم رشيقه وخفيفه والله يوفقج

زنوبه مشكوره اجمعين ان شاء الله

 

[Ghreba eb derty]

بريييق هذا اللي قاعدده اسوييه

 

[Ghreba eb derty]

اليوم الاول 18/11تريقت سبيشل كي مع حليب وبعدها دبل اسبريسو وبعدها ماك آند جيس مالت الجمعيه وشربت 300 مل ماي وماكو رياضه

صج احس شهيتي مسدوده لاني ملانه من جسمي

 

[الكيكه دندن]

موفقين ان شاء الله

 

[فرزاشيهـ]

ويااآآآآآآآآآكم

وزني السااابق الجميل 59
طولي 158


وزني الحالي بعد بهذلت الحمال 75 نزلت بس ٩ كيلوووو و ثابت عل ٧٥


وياااكم خل نشجع بعضض

اليوم تريقت جااي حليب + زيتون و جبن .،،

غداي و عشاي واحد لان ارد متاخر من الجامعه نفس ^^

 

[ايمان الغساني]

الله يوفقنا ونضعف بصحه وعافيه

 

[LiL LiLeY]

انشالله تضعفون بصحه و عافية

 

[عويتقة]

اااا اوزانكم بالستينات ووفيكم شحووم سبحان الله انا وزني 66 وأعتبر رشيقة ولازم لي ازيد كم كيلو بصراحة اكره شي اسنو ضعععععععععف احس الوحدة يابسة شوي وتنكسر على العموم الله يضعفكم