يا أنا يامرت أبوه :((

[دلوعة m]

السلام عليكم :eh_s(7):
اخباركم خواتي ؟
هذا اول موضوع لي بالمنتدى ككل ...
ومشكلتي بخطيبي (مملكين وبإذن الله الشهر الجاي نكمل سنه )
كنا نسولف وبالسوالف قلت له ابي اسمي ولدنا هالاسم
كان يقول انتي هالاسم وامي ( مرت ابوه بس مربيته ورضع منها) حاطه ببالها اسم
قلت له لا اولادنا ماحد يتدخل باسمهم وماحد يسميهم الا انت وانا
قام عصب
قال لا هي تسميهم يعني هي
قلت له افهمني اول خلني اوضح قصدي
عصب قال انا قلت هي يعني هي
قلت ولين هي سمته امي بتزعل وامك بتزعل ( اقصد امه الي ولدته )
قال لا انا قلت هي
وماشوف الا قال
خلاص
سميهم انتي وانا بتزوج وحده ثانيه تجيب لي 10 وهي تسميهم بكيفها
عصبت منه قلت له تزوج خلاص
وشاف اني عصبت وتضايقت
قال خلاص مابي اولاد قلت له اوكي
وسكرنا ..
وظليت يومين ساحبه عليه كان يحس ويعتذر ولا شي من هالقبيل :eh_s(2):​

وكلمته اليوم وقلت ببالي نحل السالفه افضل ...
ومن فتحتها قال خلاص انتي سميهم وانا مالي شغل
قلت حلوووه خلاص روح تزوج ثانيه < رديت بعصبيه
وسكتنا فتره
وبعدين يقول لي سكري الموضوع ومارضيت قلت ليش قال مابي يكبر ...
وقلت له حسستني اني الاخيره بحياتك ومايهمك زعلي ابدا ...
قال ماقلت هالشي ...
قلت له ليش ماحاولت تراضيني ..
قال لان ماله داعي الزعل ...
وعصبت حدي وقال خلاص سكري الموضوع
قلت له اوكي ...
طبعا بقلبي متوعده فيه وبسحب عليه فتره طويله وبتغير عليه بكل شي :eh_s(2):​

ومادري وش اسوي ...
طبعا مرت ابوه .. من اول خطوبتنا وهي تقول انها سمت كل اولاد اولادها وبتسمي ولدي
انا اسكت وابتسم واغاور عنها ​

.....
انا غلطانه بشي ؟؟؟​

ردوا علي ووجهوني وعطوني حل ....:eh_s(2):​

وربي تعبت ​

 

[ZOHOR]

كلامج غلط اخذي بالمسايس مخيلف حبيبتي خلي تسمي هي وثاني انتي ماتسوى تزعلين عشان الأسم اهم شي ريلج زين واولادج بخير موالأسم..
عشان اسم تقولين لها تزوج هذا حسبت امة هدي بالج ريال فرحان في حملج ..
شنو تبي تسمي مثل!!!
اعتذري من ريلج وقولي لها حقك علي جذي تكسبينه صوبج الله يوفقج..

 

[دلوعة m]

رد : رد: يا أنا يامرت أبوه (

:eh_s(2):

كلامج غلط اخذي بالمسايس مخيلف حبيبتي خلي تسمي هي وثاني انتي ماتسوى تزعلين عشان الأسم اهم شي ريلج زين واولادج بخير موالأسم..
عشان اسم تقولين لها تزوج هذا حسبت امة هدي بالج ريال فرحان في حملج ..
شنو تبي تسمي مثل!!!
اعتذري من ريلج وقولي لها حقك علي جذي تكسبينه صوبج الله يوفقج..

هههه تسلم خيتوو ع الرد بس انا مخطوبه مو متزوجه
انا الي خلاني اعاند اني كنت اكلمه عادي وهو عصب وغصب عني هي تسمي
ومو انا الي قلت له تزوج هو الي قال اول شي بتزوج .. ومن عصبيتي قلت له تزوج
وهو ببداية خطوبتنا قال ( مانبي احد يتدخل بحياتنا بأي شي والحين قاعد يناقض نفسه )
ليش ماقال امه وقال مرت ابوه ؟؟!!
سايسته واااايد والله تعبت :eh_s(2):

 

[pusy cat]

الله يهديج راسج يابس

كبري عقلج خلج اكبر منه

انتو ليلحين بالملجه يعني كل واحد بيتعرف على الثاني

على شغله تافهه حكم انج ماتناسبينه

حبيبتي الرجال رجال له احترامه لا تقولين ماكو فرق بيني وبينه

وسالفة الاسامي ماراح تخلص ترى كل الزوجات يعانون منها

يبا خليه يسمي على كيفه خصوصا الاول عشان يصير ابو فلان

ولي صار بينكم عشره وعمر ذيج الساع سمي على كيفج ماراح يقولج بصراحه احنا ما نتناسب والا بتزوج وحده ثانيه عشان تسميها الاسامي اللي امي تبيها

انا رايي تاخذينه على قد عقله وتجارينه بالكلام ووقت الصجيه لكل حادث حديث

خليج لينه وسهله معاه هذي فترة تعارف اهو يبي يعرف طبعج هل يقدر يعيش معاج والا لأ هل تعاندينه والا لأ

لا تقولين يا انا يا مرت ابوه دام ان زوجج يحبها حبيها وحاولي تكسبينها اهم شي اهل الزوج حطيهم على راسج

 

[دلوعة m]

رد : رد: يا أنا يامرت أبوه (

الله يهديج راسج يابس

كبري عقلج خلج اكبر منه

انتو ليلحين بالملجه يعني كل واحد بيتعرف على الثاني

على شغله تافهه حكم انج ماتناسبينه

حبيبتي الرجال رجال له احترامه لا تقولين ماكو فرق بيني وبينه

وسالفة الاسامي ماراح تخلص ترى كل الزوجات يعانون منها

يبا خليه يسمي على كيفه خصوصا الاول عشان يصير ابو فلان

ولي صار بينكم عشره وعمر ذيج الساع سمي على كيفج ماراح يقولج بصراحه احنا ما نتناسب والا بتزوج وحده ثانيه عشان تسميها الاسامي اللي امي تبيها

انا رايي تاخذينه على قد عقله وتجارينه بالكلام ووقت الصجيه لكل حادث حديث

خليج لينه وسهله معاه هذي فترة تعارف اهو يبي يعرف طبعج هل يقدر يعيش معاج والا لأ هل تعاندينه والا لأ

لا تقولين يا انا يا مرت ابوه دام ان زوجج يحبها حبيها وحاولي تكسبينها اهم شي اهل الزوج حطيهم على راسج

عارفه اني يبست راسي بس مو قادره بجد قهرني :eh_s(14):

بالنسبه لي احبها واحاول اكسب قلبها وحاطه اهله ع راسي والله
مو مقصره بشي حتى لما تطلقت اخته بهالفتره وقفت وياها ولما نطلع لازم اطلعها ويانا كان ترتاح نفسيا ...

والصراحه انا سمعتها كذا مره تنادي خطيبي يابو فلان ويابو فلان وكل مره اسم غير
وكل اسم مو حلو مايعجبني ويكون ثقيل بقوووه
حتى حماتي تكلمت لها قالت لا الاسم ثقيل مره

:eh_s(2):

 

[سارووه الاموره]

شكو يقول بتزوج ثانيه تجيب 10 وتسميهم !! لايكون الريال ناوي ع شي !!


المهم لا تتهاوشون ع سالفه الاسامي الاسم الي الله كاتبه للبيبي راح يصير يعني سواء تهاوشتو او تناقشتو او حددتو اسم


وعسى الله يخليكم لبعض ولا يفرقكم يارب .,

 

[دلوعة m]

رد : رد: يا أنا يامرت أبوه (

شكو يقولون بتزوج ثانيه تجيب 10 وتسميهم !! لايكون الريال ناوي ع شي !!


المهم لا تتهاوشون ع سالفه الاسامي الاسم الي الله كاتبه للبيبي راح يصير يعني سواء تهاوشتو او تناقشتو او حددتو اسم


وعسى الله يخليكم لبعض ولا يفرقكم يارب .,

هذا الي قهرني منه بقووووه :eh_s(14):
قلت له تزوج بس قبلها لاتنسى تطلقني :eh_s(2):
وسكت ..< عارفه انه مايقدر ع فراقي بس نحاسه منه

بسكت عن الموضوع خلاص بس راح يشوفني متغيره عليه بكل شي
كلام واهتمام
عشان يوزن كلامه مره ثانيه :eh_s(2):

ولايقعد يهدد بالزواج :eh_s(14):
وكلامك صح حبيبتي
ويخليكم لبعض ولايفرقكم ويخلي لكم اولادكم ياااااااااااااااارب

 

[ورده الكرستال]

رد : يا أنا يامرت أبوه (

الله يهداج انتي بفترة خطوبه سايسيه تدللي عليه

ثمن مجهزين الدوا قبل الفلعه


حبيبتي سايسيه واذا جا وقت الجد سوي الي تبين حبوبه


الله يوفقج

 

[ابدا يالغالي مانساك]

رد : يا أنا يامرت أبوه (

من صجج تسولفين لووووووول
فترة الخطوبه يعيشونه الازواج بفترة كلها حب
مو تناوشات وعشان بيسمي العيال

انتي وزجج ينطبق عليكم مثل جيب الدواءقبل الفلعه اتوقع صح ولا
المهم المفروض سكتي ولا تناقشتي بهالموضوع الاحزت الحزه
وليه تبينين هالعداوه بينج وبين مرت ابوه اللي هي بمكانة امه


وخليته وانتم متزوجتوا انه يفكر يتزوج غيرج

كبري عقللج كبري عقللج
جداام الرياااااال

 

[دلوعة m]

رد : يا أنا يامرت أبوه (

الله يهداج انتي بفترة خطوبه سايسيه تدللي عليه

ثمن مجهزين الدوا قبل الفلعه


حبيبتي سايسيه واذا جا وقت الجد سوي الي تبين حبوبه


الله يوفقج

ان شاء الله من عيوني بس قهرني وهذا الي خلاني اتصرف هالتصرف
ويوفقج يااااااااااااارب

 

[دلوعة m]

رد : يا أنا يامرت أبوه (

من صجج تسولفين لووووووول
فترة الخطوبه يعيشونه الازواج بفترة كلها حب
مو تناوشات وعشان بيسمي العيال

انتي وزجج ينطبق عليكم مثل جيب الدواءقبل الفلعه اتوقع صح ولا
المهم المفروض سكتي ولا تناقشتي بهالموضوع الاحزت الحزه
وليه تبينين هالعداوه بينج وبين مرت ابوه اللي هي بمكانة امه


وخليته وانتم متزوجتوا انه يفكر يتزوج غيرج

كبري عقللج كبري عقللج
جداام الرياااااال

لا حبيبتي وش دعوه ؟؟
بس عادي مافيها شي واتوقع ناس وااااايد تتناقش بهالشي ويتكلمون لو تزوجنا ورزقنا ربنا في بيبي شنو بنسميه وكذا صح ولا غلطانه؟؟؟
ومن قال ابي عداوه بيني وبينها ؟؟؟
سبق وقلت اعزها وحاسبتها من اهلي ...

الله يهداج اختي نيتج طيبه بس اسلوبج مايساعد:d

الحمد لله مكبرين عقلنا والله يديم

تسلمين حبيبتي
والله يوفقكم كلكم ياااااااارب

 

[نفسًا توآقه]

ههههههههههههه

يا الله ياطول الامل ...

وانا اختج الواحد مايدري متى بيجيه الاجل ...؟ السلف الصالح يقولون اذا اصبحت فلا تنتظر المسـاء....


وانتي وصل فيج الامل لي ( اسم الورع ) .. وانتي اصلن ماتزوجتي بعد ...؟


يبه الله يعطيج طول العمر وتسمين ( ورعانج ) كلهم ههههههههههه



لكل حادثٍ حديث ولا تشيلين هم شي ماصار للحين

 

[كويتية نايس]

رد : يا أنا يامرت أبوه (

هههههههه توكم مخطوبين وتتهاوشون علىى هالسالفه ترى ماتسوى

 

[Queenleo]

رد : يا أنا يامرت أبوه (

اتوووقع ريلج متعلق فيهااا
يعني يعتبرها بحسبة امه
وولانها سمت اعيال عيالها يمكن اهوا بيحس من دااخله انه واحد من عيالها بعد وويبي يكون قريب منهم
لما تكلمج مرت ابوووه ساليها شنو يعني بتسمينهم
وقووليلها يعتمد هذا بيكون اسم ولدي ولي الحق اقبل فيه او لا اذا ماعجبني
وخلاااص
لاتخسرين ريلج مبين عليه عقله كبير ماشاء الله لووو واحد ثاااني جان سمعج جم كلمه ووقالج ماتشووفين شر
اخذيه بالمسااايس

 

[حبيبه بدر]

الله يهديج راسج يابس

كبري عقلج خلج اكبر منه

انتو ليلحين بالملجه يعني كل واحد بيتعرف على الثاني

على شغله تافهه حكم انج ماتناسبينه

وبعدين زعلج مو وقته الحين عيشي احلى ايام عمرج ولا تزوجتو وحملتي ان شاء الله وقبل لا تولدين تناقشي على الموضوع اذا بخاطرج زعله

 

[دلوعة m]

رد : رد: يا أنا يامرت أبوه (

ههههههههههههه

يا الله ياطول الامل ...

وانا اختج الواحد مايدري متى بيجيه الاجل ...؟ السلف الصالح يقولون اذا اصبحت فلا تنتظر المسـاء....


وانتي وصل فيج الامل لي ( اسم الورع ) .. وانتي اصلن ماتزوجتي بعد ...؟


يبه الله يعطيج طول العمر وتسمين ( ورعانج ) كلهم ههههههههههه



لكل حادثٍ حديث ولا تشيلين هم شي ماصار للحين

صح كلامج العمر مو بايدنا بأمر سبحانه
اي والله ههههه حتى قمت اتخيل أشكالهم ههههه

تسلمين خيه ع المرور والرد

 

[دلوعة m]

رد : يا أنا يامرت أبوه (

هههههههه توكم مخطوبين وتتهاوشون علىى هالسالفه ترى ماتسوى

هههه وش أسوي مو بيديبس من نحاسته:bbbiu:
ويسلموا خيتو ع المرور

 

[دلوعة m]

رد : يا أنا يامرت أبوه (

اتوووقع ريلج متعلق فيهااا
يعني يعتبرها بحسبة امه
وولانها سمت اعيال عيالها يمكن اهوا بيحس من دااخله انه واحد من عيالها بعد وويبي يكون قريب منهم
لما تكلمج مرت ابوووه ساليها شنو يعني بتسمينهم
وقووليلها يعتمد هذا بيكون اسم ولدي ولي الحق اقبل فيه او لا اذا ماعجبني
وخلاااص
لاتخسرين ريلج مبين عليه عقله كبير ماشاء الله لووو واحد ثاااني جان سمعج جم كلمه ووقالج ماتشووفين شر
اخذيه بالمسااايس

اي معتبرها امه
مايحتاج اسألها اسمعها بنفسي تقول كذا اسم
وماحب ارد عشان ما تزعل بس الحمد لله حماتي ترد عليها وتقول لها ثقيل ولا مو حلو
ان شاء الله من عيوني خيتوو
خالص الود لكـِ :eh_s(7):

 

[دلوعة m]

رد : رد: يا أنا يامرت أبوه (

الله يهديج راسج يابس

كبري عقلج خلج اكبر منه

انتو ليلحين بالملجه يعني كل واحد بيتعرف على الثاني

على شغله تافهه حكم انج ماتناسبينه

وبعدين زعلج مو وقته الحين عيشي احلى ايام عمرج ولا تزوجتو وحملتي ان شاء الله وقبل لا تولدين تناقشي على الموضوع اذا بخاطرج زعله

ان شاء الله اختي كلامج بعيوني
وبخلي الزعله لبعدين هههه

فديتكم كلكم :eh_s(7):

 

[نكهةالبرتقال]

انا على بالي سالفة خطيرة - حبيبتي الهون ابرك ما يكون - انت اذا حملتي وولدتي يحلها الف حلال - الحين اهتمي بحياتكم و جذبيه صوبك - بصراحة ماكو فايدة تذكر - تتخانقون منو يسمي اليهال و انتو عرس ما عرستوا !



مثلا اذا اهي سمت الأول انت سمي الثاني - بس نصيحة لا تفتحين مواضيع النزاع


و مادام مرضعته و مربيته اكيد راح يكون متعلق فيها مثل امه الصجية