يا ابلات الروضـه .. لــيــش كل هالإحباط فيــكم ؟؟ تعالوا شوي

[$ الـسـلـطـانـــــه $]

السلام عليكم


بصراحه يا اخواتي انا ماكتبت هالموضوع الا من عقب ما قريت
الموضوع المثتب عن رايكم بتخصص رياض الاطفال ...

وشفت الكم الهاااااااائل من الاحباط وتكسيـركم في بعـض وخليتوا هالتخصص جهنم الحمرآآ

في البدآيـه ..

تخصص رياض الاطفال .. صح ان لازم الوحده تكون حابه الاطفال أولا

ولا اللي مالها خلق عليهم وماتقدر تمسك اعصابها فليـش تدخل التخصص من البدايه
يعني اسمه رياض اطفال ؟؟ من اسمــه تتعاملين مع اطفال

هذه خالصين منها

طيب الشغله الثانيــّه .. تتحلطمون من الصرف وان المعاش طاير ..
خلونا نكون صريحين شوي .. ترى احنا نبااااااالغ حييل

اذا بتصرفين اصرفي على درس نموذجي على مستوى
ولا حلقه عاديه ليش تقطين عليها ,, وخير ياطير المشرفه بتحضر ولا الموجهه
قدمي شي حلوو وبسيط وأهم شي الأسلوووووووووووووووووووب
والمعلمه لازم عندها طابعه في البيت + تغليف حراري + لاب توبج اللي تشبكين فيه بكويتيات هههههه
واذا كلش كلش بتقطييين .. عندج فيه أسوقـه بخمسين فلس بعد ماعاد هي بـ 100 فلس

وغيري مو دايما وساائل خلي شغلج بالداتا شوو ... مصورااات

ومسوين من الحبه قبـه تفكير وحالتكم حااله

الله يخليكم شنو الخبرات ...؟؟!!

بلدي الكويت ... النفط ... صحتي وسلامتي .. الي اخرها من الاشياء السهله والبسيطه يعني مو انجليزي معقد ولا مسائل فيزياااء صعبه ... ولا معادلات رياضياات

مع الاركان اللي ماعندج شغله غير تفترين على الاطفال بأركانهم

واللاصفي وبسسسسسسسسس
يعني لو تشوفين جدولج باليوم يمكن يصدف معاج لاصفي واااحد
ارحم من المدرسه بالابتدائي اللي 3 حصص باليووم وتركض من صف لي صف وغير التحضير اليومي والامتحانات وتصليحها وغيرررها من الاشياااء

الشغله الآخيـره والمهــمه

خلوني اقولكم انتوا ليش كرهتوا هالوظيفـــه

لو أحلـــف ... انها من التوجيـــه والمشرفااات بسسسسسسس
صج يمكن يلوعون جبدج بالطلبات ... وكل شوي مغيرين شغله ...


ولا ترى الوظيفـه عموما حلــوه وتونس وخلوا عنكم الكسـل مطامر وارقوزات
والله كلام فااظي ... وين تطامرين بالله قوليلي .. بالنشاط ؟؟
تلفين وتغنين وحركات بالاييد بسيطه << ولا بعد ماتبون تتحركوون

بالحلقه اكثر وقتج قاعده وتعرضين ولا واقفه وتشرحيين بطريقه سهله ومبسطه وبـ 20 دقيقه



اخر شي يابنات احمدوووا اللـــه على كل شي

ترى احنا بنعمـه صدقووني وابرك من الابتداائي والمتوسط والثنــوي

بس المشكلــه بالتوجيــه والمشرفات فقـــط



سوري ع الاطالـــه


ابي رااااااااايكم

 

[لحظهــ سكونــ]

الادارة تخليج تكرهين عيشتج

و لا اذا عاليهال هينه

 

[غروك وغيروك]

كلامج عدل 100%

بس اللي يكرهج زياده طلبات الإداره اللي ما تخلص وتفلسف الموجهة

وإلا كوظيفه حيل ممتعه وما فيها روتين واحد مثل التدريس تمشين على نظام

بالعكس فيها كل يوم أفكار كل يوم إبداع يطلع منج ما تتقيدين بطريقة معينة

و عالعموم محد يعجبه العجب

والحمدلله والشكر على كل حال

يعطيج العافيه أختي السلطانه​

 

[راقية باخلاقي]

لو أحلـــف ... انها من التوجيـــه والمشرفااات بسسسسسسس


صح لسانج


انا ودى اروح الروضه بروجى ما اشوف وجه لناظره ولا المشرفه ولا الموجهه


عقد بصراحه

زايد الحفلات والخبه والفعاليات


والتشحذ


والتهديد



يوووووووووووووووووووووووه


خياس بخياس الرياض


وحسد الابلات


والهوشات جنهم يهال لغابوا الاطفال ما نرتاح


اف



والله كرهت الرووووووووووووووووووووووووضه من كل قلبي





طالعى المصيبه الاخيره




مدرسات قمم خبره فوق 15 سنه قمة الابداع


رفسوهم يمال المرض


الموجهات الفنيات والمراقبه والموجهه الاولى



ليش



هذى اخرتها الابداع هذى اخرته



ليش



واااااااااااااااااااااااااااااااااااااااااااسطه لازم عندك ولا تنقبرين بالروضه طول عمرك



بس شوفى الابتدائي عشان رياجيل ماسكينها


الابله 8 سنوات وترقى لرئيسه قسم


منها وكاله



الى نظاره



وابله الروضه تترقى للتقاعد معاها دوالى من مراكض الاطفال


وضغط من غمته ابداعها وكرف سنينها


وسكري من حرة قلبها





يا حلو الاطفال انا وياهم بروحنا



ويمال الدقم الدقم الدقم والحوبه



ياللى طرتم ابلاتنا ودمعتهم على عينهم



من الاشراف



عساكم تشوفونها فى نفسكم وعيالكم مثل ما حريتم قلوبهم

 

[مزيونة الهيلا]

اسمحيلي انا عندي راي ثاني

الحلقة عندنا موبس مصورات واغراض بو 50 فلس لا يبون مجسمات ومسابقات لكل طفل في كل حلقة غير المشاريع في الفنية واثراء الاركان في كل خبرة ,وغيرالمقارنات اذا في ابلة قاطه ع حلقاتها يقولون شوفي ابداع الابلة الفلانية وغير النشاط ما يبون بور بوينت يبون شغل ملموس ولاصفي افكار مبتكرة الشغلة مو بس فلوس شغلنا تعب نفسي تفكير ع طول بشي غيرج ما سواه تفكيرج بالمنبه بالالعاب الي بالحلقة وتعب بدني تقصين وتركبين ورايحه راده ع المكتبات ............المشرفات غثونا كل ساعة يطلطلون واذا حضروا كلمتهم وحده طوري من اسلوبج يا ابله مادري يبون نصنع قنبلة ولا درس !!!!!!تعبنا والله حيل من النقد والابتكارات غير الحنه ع دروس النموذجية ،غير يدشولج اذا عليج نشاط وبعدها حلقتج

وتقولين شغلتنا مريحة بسنا كسل !!!!!!!!!!! لا ياقلبي احنا نتعب من جميع النواحي نفسية ومادية وجسدية

 

[احلى ايامي]

والله انا رايي لازم نسوي مظاهره ونحتج عالظلم والقهراللي يجينا من الموجهات حسني مبارك رحل وترك الكرسي هالموجهات مايفكونا من شرهم

 

[احلى ايامي]

لازم نسوي مظاهرة حنامدرسات الرياض نتعرض للظلم ---لي متى واحنا خايفين

 

[راقية باخلاقي]

جزاك الله خير

 

[lolowawa1234]

هالكلام ماخوذ خيره ومردود عليه
اذا معلمة الروضه أشتكت ترى ماتشتكي من أطفالها لانها لو ماتحب اليهال ماصارت أبلة روضه
إحنا نشتكي من اداره ظالمه
من ناظره عايشه دور انها قارقوش وماكو شي يعجبها
موجهه تعترض ان الكمال لله والمعلمه وأطفالها وفصلها كاملين وبأحلى صوره وحده انتقدتها الموجهه على ورد مجفف بركن الفنيه ووحده انتقدتها على خطها الخ...من انتقادات واهيه وكاذبه وغبيه

هذا غير الحسد والكراهيه بين بعض المعلمات اللي الاداره تحسب لهم الف حساب وانتي يا ابله ياطيبه ياللي تاخذين احتياط و تشيلين الروضه مالج حظ عند الاداره

ترى إحنا ماعندنا اي مانع تدرس والا نشرح بس لييييش سوالف فعاليات ؟؟ليش مانهتم بشي زين ويفيد الطفل

لييييييش لما نتعب ونشقى ونتغربل محد يقول يا أبله شكراً
وليش ان قالوها بالغلط اتبعوها بانتقاد ماينقال

بسنا ظلم

كافي يا اداره كافي ياوزاره حتى الترقيه ما لنا أمل فيها13سنه ؟؟؟؟؟
شلون مايصيبنا احباط

 

[اللوحه الفضيه]

لا واللة كله كوم والموجهه كوم يعني لو الله يفكنا بس من التوجية احنا بالف خير مع عيالنا

 

[Eva-SS]

أنا أحب وظيفتي بس الصج انها متعبه

وتنبط جبدي لما يقولون لي ويييه روضة شنو عندكم بس ترقصون وتناقزون مع الأطفال :rgewrg: اتمنى وحده من هاللي يقولون هالكلام تجرب تدرس مدة اسبوع تكره نفسها

ضغط ضغط خاصة اذا معلمتين بالصف مو ثلاث

غير الضغوط اللي من الادارة والتوجية صج شي يهد الحيل

بس أنا أحب وظيفتي :eh_s(7): لأني اخترتها عن قناعة ولأنه مافيه بديل خلاص تدبست .. لكن لما يسألوني اللي يبون يتخصصون عن رياض الأطفال اقول انحاااااااااشوا :eh_s(9):

 

[lovely jojo]

كلامج عدل بس اللي يزهق الطلبات والمناسبات اللي تضطرين تشتركين فيها لانها تحت بند المبادرات..

 

[حبيبه زوجي 1]

رد : يا ابلات الروضـه .. لــيــش كل هالإحباط فيــكم ؟؟ تعالوا شوي

انا مع المظاهرات و التغيير بسنا قهر يا حسين بسنا قهر