يا ابلات فزعتكم .. شرايكم بتخصص المكتبات

[c00L G!RL]

السلام عليكم و رحمة الله و بركاته


بغيت اعرف عن شغلة امينه المكتبه . . .
كاوظيفه و دراسه ..

اولا كدراسه .. سهله ولا صعبه ؟ و صج يقولون ان دراستها بس انقلش و اصعب تخصص بكلية التربيه ؟؟

و ثانيا كوظيفه ؟
يقولون راحه بس المعاش ولا شي بس 600 و شهادتي باكلريوس و تعادل دبلوم بالمعاش << مادري شسالفه بالضبظ
و يقولون تعب ( كنترول و فرز كتب )


بليز انا مستجده بكلية التربيه اكمل بهالتخصص ولا لاء ؟؟

 

[jen2n]

والله بنت عمتي تخصصها مكتبه بس توها مستجده خذت مقررين بالعربي :/ ،،،وصح معاش امينه المكتبه حالها حال الاداريات مع انها بكالريوس!،، عاد ايام المقررات كانت في ماده اسمها مكتبات وبعد ما انشال هالنظام انشالت معاه هالماده ،،،الله يوفقج يارب

 

[Miss Korea :)]

حبيبتي انا اشتغل اخصائيه ( أمينه) مكتبه بمدرسه متوسطه و خبرتي سنه , يعني مازلت فرش و توني مخلصه من الكليّه


اول ما تتوضفين معاشج 740

الدراسه فعلاً صعبه و دقيقه بس ممتعه كانت حيييل بالنسبه لي و دكاترتنا يهبلووون , تخصصنا فيه شكثر انجليزي و تقريباً كل شغلنا ع الكمبيوتر و طبعاً بالورشه و بين الكتب .



و بالنسبه للوظيفه الحمدلله راااااااااحه ع الآخر و دلع و الله , و تقدرين تتوظفين بأي مكان و بأي وزارة تبينها لأنه تخصصنا مطلوب و حلوو و كل الوزارات تحتاج تخصصنا لأنه في مجال المعلومات و التقنيه و المكتبات .




بالنسبه للكنترول و الإحتياطات و هالسوالف ما آآآآخذ ابداً , لأنه مو من ضمن التزاماتنا و واصله نشرات شكثر من إدارة المكتبات لإدارات المدارس تمنعهم من تكليف أمينات المكتبه بأعمال خارج نطاق عملهم الأساسي .





و لااازم في فرز للكتب و تصنيف و استقبال كتب و تسجيلها بالسجل و عندنا مسؤوليات طبعاً حالنا حال كل الموظفين بس الحمدلله مرييييح شغلنا حييييل و اسويه أول بأول و خلااااص و حتى شكثر شغلات اخلّي صديقات المكتبه يسوونه و يهبلون شحلاتهم اسم الله عليهم .


لما اشوف حال رفيجاتي المدرّسات أحمد ربي على قراري إني تخصصت تخصص مكتبات .
و انا ناطرة بس اكمّل سنتين او 3 بالوظيفه و بعدها آخذ اجازة دراسيه و اكمّل ماستر إن يسّر الله .


تحياتي لج .
​

 

[كيم هيون جونغ]

تخصص المكتبات الدراسه صعبه والوظيفه سهله وموفقه يارب

 

[هجووورة]

السلام عليكم
شوفي حبيبتي بهديج تجربه السنين اللي اشتغلتها كلها فووق15سنه
ترا بهالقسم ناس ما يطيقون شي اسمه هجووورة ويغلطون عليها بألفاظ ماتدل على مربيه ليه لاني اقول الصج واللي كل يوم اشوفه جدامي مو نقل من الناس ولا تقولين مدرسه وحده غيرت فوووق خمس مدارس بمختلف المراحل (صبه احقنه لبن)
نصيحة لا تروحين امينه مكتبه ليه
1- تحميل بكالوريوس ويعاملونج معامله الدبلوم
2- تظلين طول عمرج امينه مكتبه يعني لا ترقي ولا تدرج وظيفي واذا رقوج خلوج موجهة تدورين على45-50 مدرسه
3 الناظرات ما سكين علينا بند التعاون علشان جذي يذبحونج بالاحتياطات والمراقبه والمناوبه والاذاعة وزيارات الفصول ماعليج من الاخت اللي تقول نشرات ما نشرات الناظرات يخشون النشرات وبعضهم يطعن فيها فجدامج خيارين اما تداحرين الادارات وتمشكلين معاهم ويحطون عليج دائرة حمرة او تشترين راحتج وتسمعين الكلام
4 رواتبنا جداجدا ضعيفة المدرسه او ما تعين تاخذ حوالي الف وانت اول ما تعينين 700
5- لا يضحكون عليج ويقولون ما عند امينه المكتبه شغل شغلها فني وباليد وجدا دقيق الا صاحبات الضماير الميته هذا شي ثاني
6-دراسه المكتبات جدا صعبه فالافضلج تخصصي تخصص مريح مثل فنيه -موسيقى- اجتماعيات -اقتصاد -العاب اشوف جداولهم
مخففة وكااااااادر ومركز
7-اليوم الكل يبي يصير مدرسه لان معاد فيه حب للمهنه الا صاحب الضمير الحي وانا ما اطعن في كل المعلمات فيه معلمات قمه وداخلين المجال عن حب ويعطون من كل قلب ويطلعو ن ناااس فاهمة بس الاكثريه حتى الكتابه ما يعرفون يكتبون
هذا رأيي وانت حرة اليوم الاداريات شايلين 70 من شغل المعلمات واجرهم على الله

 

[ملامح بريئة]

السلام عليكم حبيت ادش عشان ارد علي موضوعك. لاني مدرسة قديمة وكان طموحي امينة مكتبة تخيلي كانت امنية لي بس لانها مو بالجامعة موجود التخصص اذا المعاش ٧٠٠ ممتاز وووالله لويحصلي هالتخصص احول من باكر اذا حابه التخصص لا تشاورين استخيري ربك والله يكتب لك الراحة. ما ضيعني الا الاستشارات كل واحد ينام عالجنب اللي يريحه وصج الراتب حلو للابلة بس لا تروحين الا ابتدائي لانه خفيف اما المتوسط والثانوي هم المناهج والطالبات

 

[ملامح بريئة]

من ناحية الوظيفة انا دايم احب اقعد عند امينات المكتبة لان المكان يونس وشرح والمكتبه حسب صاحبتها ممكن تخليها جنه وتبدع فيها وصراحة مامر علي امينة مكتبة مو مرتاحة الارالثانوي حسب الادارات ممكن يغثونها كنترول وتصوير وامتحانات ومرات يعطونه الابلات. يعني روحي مكتبة ابتدائي او متةسط متعة لان الثانوي كله هلاك وكراف لو قلت الحصص متعب والسبة النظام نفسه فاشل. ولا زلت احن لطموحي الاول هالوظيفة برغم الواقع اللي انا فيه وراي حصة وتحضير

 

[c00L G!RL]

يعطيكم العافيه


اب اب

 

[زينانه]

قووو هيد
وانحاشي من التدريس

 

[ترف بابا]

للماجستيرتدريسنه كتخصص رووووووووعة

بس للوظيفه لأ .

 

[kuwaitya_zoGaa]

شوفى يا قلبي
التخصص دراسته صعبه على الفاضي
واللى يحر اتداومين حالج من حال المدرسه وتشيلين احتياطات ومناوبه نفس المدرسه
لكن المعاش معاش دبلوم
انا اقول لج حرام دام نفس فتره الدراسه اللى اهيا 4 سنوات دوري لج تخصص سهل وحلو
وصيري مدرسه

 

[c00L G!RL]

مشكوراات