اختي
اولا : مثل ما قلت قبل كل مكان و كل ديرة فيها الزين و الشين حتى مكة شرفها الله هم فيها الناس الزينة و الناس الشينة.. و انا ما قلت كل البنات و لا قلت الاغلبية و لا حتى قلت البعض قلت عن اللي شفتهم
ثانيا : العالم اليوم كله قرية صغيرة .. يعني انا لو قاعدة بالقطب الشمالي بكبسة زر اقدر اشوف جرايد و مجلات و قنوات و مواقع و منتديات و صفحات ال فاس بوك و التويتر و ماي سبايس و البيكزو مالت الكويت و الكويتين و اي ديرة ثانية .. يعني اللي بقرا موضوعي الحين راح تشوه فكرته عن الكويت بس لما يبطل و التلفزيون و المجلات و مواقع الفايس البوك و ال تشات و يشوف اللي انا قعد اقوله Live ما راح تتشوه الصورة عنده ؟؟ و اللي يقرا المواضيع بالمنتدى عن اللي خانها زوجها و اللي زوجها راعي شقق و اللي يشرب و اللي تحاجي واحد و اللي و اللي و اللي هذا ما راح يشوه صورة الكويت ؟؟
المسألة مو مسألة تشويه و الا تحسين صورة لأن مثل ما قلت العالم اليوم كله قرية صغيرة الواحد يقدر يشوف اللي يبي .. هذي قضايا اجتماعية احنا قعد نناقشها .. يعني انا قبل جم يوم قعد اقرا بالجريدة عن الحملة الوطنية ضد البويات في قطر و حاطين صور عبايات البويات و حركاتهم الخ .. هل هذا معناته ان قطر كلها بويات و الحملة شوهت صورة قطر ؟؟ و هم شايفة قبل جم يوم شايفة بالتليفزيون الحملة الوطنية للوقاية من المخدرات هل هذا معناته ان الكويت كلها مخدرات و الحملة شوهت صورة الكويت ؟؟ لما تبطلين التلفزيون و تشوفين البرامج اللي تناقش قضايا المجتمع سواء تو الليل بالكويت و الا سيرة و انفتحت بلبنان و الا القاهرة اليوم بمصر هل معناته ان هذا تشويه لصورة البلد؟؟ هذي قضايا اجتماعية احنا قعد نناقشها انا مو فاتحة الموضوع علشان ادعي على احد و لا انقد على احد و ردي اقري الموضوع مرة ثانية تلقيني كاتبة ان كيفهم هم احرار و انا مابي احكم على احد و اخلي يلبس على كيفي
و انا ما ارضى اي احد مهما كان يبطل حلجة بكلمة عن ديرتي الكويت بس مثل ما قلت هذي قضايا اجتماعية احنا قعد نناقشها
ثالثا:انا قلت بالموضوع ان المرأة بطبعها تحب الزينة و الكشخة و كلنا نحب نلبس و نكشخ و نستانس بشبابنا بس بحدود الشرع و المعقول و و كلنا نلبس ضيق و نحط مكياج و نستانس لكن في بيتنا حق نفسنا و حلالنا و بين اهلنا .. يعني ما يصير استانس الا و انا مكشفة جسمي و صايرة جني بضاعة حق اللي يسوا و اللي ما يسوا يتطمش .. يعني اول بنت انا شفتها لبسها ضيق و قصير لدرجة ان مفصل جسمها جنه لابسه جلد على جلد و الثانية ما بقى احد بالمحل ما شافها و خزها و تفحصها .. ما تفكر ان هي مو بس ذنبها قعد تشيله قعد تشيل ذنبها و ذنب الرياييل اللي شافوها اللي يمكن اثارت عندهم الشهوة و يمكن يلجا للحرام من عقب اللي شافه .. و سؤالي ان الريال بطبعه غيور و الله يحب كل رجل غيور على عرضه و دينه .. يعني انت اذا كان عندج قفص دياي و ديج و يبتي ديج ثاني و حطيتي معاهم بالقفص بيتذابحون .. فالريال لما يشوف عرضه الكل يخزه و يطالعه ما يغار ما يعصب ؟!!! هذا اللي انا مستغربة منه !!!
و مرة ثانية مثل ما قلت اول شي اقول الناس احرار و كيفهم لكن هذا الشي فعلا غريييب !!
و مشكورة على المرور
![[[ عيون جابر ]]](/data/avatars/m/88/88982.jpg?1621060915){kind=avatar}
