يا امهات اتحدوووا ضد المناهج والوزارة

[عهود الحب]

امهات امهات


انا شابت رموووووووشي


تكفوووووووووووون امهاااااااااااات نبي نوقف وقفة واحدة ضد المناهج الجديدة


معقولة سادس يدرسونهم مندل وربعه والخنازير البرية ولا التكيفااااات ياعيني يالتكيفات شاب رمشي والله

حراااااااااااااااااام

اما خامس اخ حدث ولاحرج


ورابعة !!!!!!!!!!!! رابعة ابتدائي جذي قفزة نوعية كاملة بالمنهج

العلوم فضخ قلوبنا




بنات اقروا هالخبر على لسان وكيلة الوزارة

على صعيد آخر كلفت وكيلة وزارة التربية المساعدة للتعليم العام منى اللوغاني مدراء الشؤون التعليمية والمراقبين بالمناطق التعليمية بالاستماع لرأي اهل الميدان وتسجيل ملاحظاتهم بشأن مادتي العلوم والرياضيات للصفوف من الثالث وحتى السابع.

وطالبت اللوغاني المدراء والمراقبين خلال اجتماع عقدته معهم بتسجيل وجهات نظر اهل الميدان سواء كانت سلبية او ايجابية ورفع تقرير لها بذلك .

وقالت مصادر في وزارة التربية ان اللوغاني اتخذت هذا الاجراء نظراً للشكاوى المتكررة من اولياء الامور بصعوبة المادتين.

يا نسوي اعتصام ونهد وظايفنا ونوقف جدام مبنى الوزارة :eh_s(1):

يا نلاقي لنا حل


نبي ايميل نبي نراسل الوزارة


نبي فزعة امانة بنات الي تعرف حل للمصيبة الي ابتلينا فيها تقولنا

عيالنا يا الله يفكون الخط معقولة جذي ندرسهم برابعة منهج لا صار ولا استوى !


حرام حرام الي قاعد يصير احس كبرت عشر سنين واحس عيالي مايمديهم يلعبون يريحون
دراسة دراسة دراسة ! ارحمووووووووونا قولولنا شنو الحل ؟​

 

[عهود الحب]

يعقد أول اجتماعاته نهاية ديسمبر المقبل
«التربية»: تشكيل «مجلس النخبة » لتطوير التعليم

منى اللوغاني





كتب عبدالعزيز الفضلي: اكدت مصادر في وزارة التربية ان وكيلة التعليم العام طلبت من المدراء والمراقبين ترشيح مدير مدرسة ومدير مساعد ورئيس قسم ومعلم من كل مرحلة تعليمية وذلك لتشكيل مجلس جودة النظام التعليمي يطلق عليه مجلس النخبة».

مشيرة الى ان هذا المجلس سيساهم بشكل كبير في تطوير العملية التعليمية حيث سيقدم المقترحات والمشاريع ويشارك بوضع الحلول لاي مشكلة تواجه التعليم خاصة وانه من اهل الميدان ويعرف كل كبيرة وصغيرة ومايدور في الساحة التربوية.

وبينت المصادر انه من المقرر وحسب الخطة الموضوعة ان يعقد المجلس اول اجتماعاته في نهاية شهر ديسمبر المقبل لاطلاعه وتعريفه بمهام عمله والاهداف التي انشئ من اجلها.

من جانب آخر اكدت المصادر ان اللوغاني ابلغت مدراء الشؤون التعليمية والمراقبين ان المواد العلمية في المرحلة الابتدائية أصبحت خارج المعدل مشيرة الى انه تم تغيير ذلك بالوثيقة الاساسية للمرحلة الابتدائية وطالبت اللوغاني بضرورة اقامة دورات تدريبية توعوية لمرشحات الوظائف الاشرافية للابتدائي واطلاعهم على الوثيقة وخطة العمل فيها.

على صعيد آخر كلفت وكيلة وزارة التربية المساعدة للتعليم العام منى اللوغاني مدراء الشؤون التعليمية والمراقبين بالمناطق التعليمية بالاستماع لرأي اهل الميدان وتسجيل ملاحظاتهم بشأن مادتي العلوم والرياضيات للصفوف من الثالث وحتى السابع.

وطالبت اللوغاني المدراء والمراقبين خلال اجتماع عقدته معهم بتسجيل وجهات نظر اهل الميدان سواء كانت سلبية او ايجابية ورفع تقرير لها بذلك .

وقالت مصادر في وزارة التربية ان اللوغاني اتخذت هذا الاجراء نظراً للشكاوى المتكررة من اولياء الامور بصعوبة المادتين.



تاريخ النشر 20/11/2009

 

[*ماي الورد*]

انا معاج قلبا و قالبا
و الله مو ملحقة اتخيلي حتى المدرسات ما عندهم وقت يحلون الكتاب مع الطالب
انا ولدي كل يوم واجبات كل المواد حتى اذا عنده امتحان اسهره مسكين
اما هذا العلوم و الله بلوة التعريفات و ايد و متشابهة و اتخلبط
طاحت ببطون المدرسين الخصوصيين كل بيت ياييبله مدرسين ثلاثة

 

[*ماي الورد*]

انا و الله احس اني رديت ادرس مرة ثانية
شي مو طبيعي
مادري المنهج حق الطالب و لا ولي الامر

 

[عهود الحب]

ملاحظين نقطة


العلووووووووم الخط نتفه نتفه !!!

امانة مو غلط جذي


انه الجاهل يقرا لين تبطط عيونه والخط نتيفة ما ينشاف


اصلن معروف بالتربية والتعليم انه الكتاب للاطفال لازم يكون الخط كبير وواضح


الصفحة ززززززززززحمة شي يعور القلب

الرياضيات تلوع الجبد بس العلوم بالقمة !

 

[ابله نظيرة]

اختي عهود الحب انتي نفسي اعيالي 3 بابتدائي ووحده بسادس
تكفووون بنات نبي نوقف هالمناهج البنات اللي قبل متفوقات السنة هذي يبجون بجي بالامتحانات
وطالبة جتها حالة نفسية بمدرسة بنتي ببداية الامتحانات هذي تخيلوا رابعه ابتدائي تبجي وتصرخ ( انا تعبت والله تعبت ))
بذمتكم ماتكسر الخاطر هذي وينها ووين هالضغط تو الناس
اللي تعرف احد قريب من الوزيرة امانة توصل صوتنا او اتفقوا على يوم نعتصم فيه خليهم يردون مناهجنا نفس ما كانت احسن هذا مو تطور هذا احباط
الغرب ما يركزون على الكلام يركزون ع العملي اكثر مو احنا سياسة الحشو الليلي ساعة الامتحان بس يتذكر المعلومة ولما يطلع كانه دخان وتبخر من راسه بذمتكم وين الفايدة ولا التطور من هالدراسة ؟؟؟؟؟

 

[عهود الحب]

اييييييييييييييي انا مو معور قلبي الا علوم سادس
ماتت البنت الا شعرة
ماتت بالكتاب تقولي يمه تعبت مايخافون ربهم الي خلونا ندرس عن الوراثة ولا التكييفات


بالنسبة لرابعة ابتدائي ادرسها ولما اخليها تريح ارد الاقيها تلزق بالامتحان ستكرز
امانة مو جاهل ؟ حرام ترى للحين عقلها مومكتمل شلون تعتبرونهم كبار ومسؤولين عن نفسهم ويدرسون امتحانات


ملاحظين انه المعلومات تتكررر بهالمرحلتين بالذات رابع وسادس ؟
ليش

الشركة الخاصة الي سوت منهج العلوم بواقين والوزارة ضايعة بالطوشة والمستفيد الاكبر اصحاب الدروس الخصوصية


طيب انا ماعندي فلوس لمدرس خصوصي شسوي بالله ؟؟؟؟؟؟؟؟؟؟؟؟؟؟؟؟؟؟

 

[anona79]

اييي والله انا عندي أولى ابتدائي هذي مو مشكلة واجبات محلولة
وعندي رابع ابتدائي وسادس مو مملحقة بالعلوم
خاصة اللي برابعة حركي وااايد وما يقعد عدل عشان أدرسه بالقصب
وبعدين صاجه أختي الخط جنه خط نمله ما ينقرى والصفحة متروسة معلومات كأنه يدرس من موسوعة علمية مو كتاب مدرسي
خلونا نتحد ونسوي اعتصام عشان يردون المناهج القديمة
الصراحة المعلومات من حق طالب برابع أو سادس ( سراخس صنوبريات مخاريط بلاليط شنو هذا )

 

[لمار اسماعيل]

انا عيالي توأم برابعه ابتدائي ولايعه جبدي من تدريس العلوم والرياضيات والله قمت احفظ ا لدروس معاهم مو باجي بس انى امتحن بدالهم
وحتى كتاب التربيه الاسلاميه الثاني احسه انه في كلام وايد ومساكين عيالي احس انهما تعبوا من الدراسه

 

[حروف من ذهب*]

انا وياكم والي الامام سر

 

[هدوء]

بصراحه مو بس العلوم حتى التربية الاسلامية صاير صعب

يعني معقوله يحطون امتحان التربية الاسلامية والعلوم يوم الثلاثاء والاربعا ورا بعض .. الدين فيه 10 دروس وفيه كمية معلومات كبيييييرة والله ولدي قعد يبجي مو قادر يكمل .. والعربي الامتحان كان وايد صعب تعجيزي يقولي بغيت اخلي الورقة فاضيه !!!!!! تخيلوا بصف سادس وكان بيهد الورقة فاضية !!!

يارب تعينهم .. بصراحة مو مناعهج تربية .. هاذي مناهج اعدام لهم

 

[هدوء]

بضيف شغلة بعد

ليش يعطونهم واجبات وقت الامتحانات !! يعني مو كافي عليهم الامتحانات اللي يعطونهم واجبات

 

[الصابرة المحتسبة]

عهود الحب الله يرحم الحال التربية تخطط وتنفذ واحنا اللي ماكلينها خااااامس خلاص ماقدر استوعب

 

[كويتية صغيرة]

انا بس ابي افهم شغلة وحدة

هل كل أطفال المرحلة الابتدائية عندهم امهات يدرسونهم ؟؟؟؟

اللي أمها مريضة ......
و اللي منفصلة عن زوجها و العيال عند ابوهم

و اللي عايشة عند جدتها

و اللي
و اللي


هذولي ..... منو يدرسهم ؟؟

المنهج دسم دسم جدا و الدرس الواحد فيه كلام كثير و شرح كثير

حتى الأبلات مايلحقون
تناقشت مع بعض المدرسات
يقولون حتى احنا مو ملحقين المنهج كثير و فيه تفاصيل كثيرة..... و فعلا ...... العلوم قاعد ياخذونهم من حصص الألعاب و الموسيقى علشان يخلصون المنهج

ابلة بنتى مسكينة ..... خذتهم من حصة الألعاب مرتين .... علشان تراجع لهم المنهج و تثبت المعلومة لهم ....... بس ماكو فايدة ..... الوضع جدا صعب لان المعلومات كثيرة بالصفحة الوحدة

يعنى مثلا في شغلات مو مستوى ابتدائي ....بصراحة فوق مستواهم:
* ما اسم رضيع الضفدع ...... اسمه شرغوف (ابوذنيبه)
* الطير له نوعين من الريش ريش اسمه زغب ملاصق للجسم وظيفته يمتص الحرارة هذا غير عن الجناحين !!!!!!!!
* دورة حياة حية غارتر ..... من كم يوم حتى تفقس و كم بيضة تضع في اليوم و ماذا تفعل بالبيض و كيف تهتم فيهم ....
* كيف هو شكل عظام او الهيكل العظمي للطائر ......
* لماذا يوجد فراغات داخل عظام جسم حيوان البومة !!!!!!!!!!!!
* كيف نكون موطن طبيعي ؟
* ماهو النظام البيئي ؟؟؟
* ماهي الصنوبريات .... ماهي المخاريط .... ماهي الحزازيات .... ماهي السراخس .......


و غيره
هذا نقطة في بحر

يمكن 30 تعريف لازم تحفظه البنت
و 90 صفحة تقريبا
كل صفحة متروسة
كأنها صفحة موسوعة علمية
و ليس لطالب ابتدائي


ترى حتى الأبلات متأزمين..... بس حرام الاعتماد كله على الأم ...... انا افكر باللي امها مو عندها او عايشة عند جدتها .... منو يدري عنها

عمر الابتدائي ليس عمر الاعتماد على النفس حتى يكون المنهج بهذه الطريقة
اذا في احد يقدر يوصل الكلام للوزيرة لو سمحتو بسرعة لان السقوط راح يزيد لان هذولي ابتدائي مو متوسط
:0bee2e8d89:

و أضيف

حتى منهج الدين وايد مصعبينه
شصاير

طالب بالبتدائي لازم يفرق بين الحشر و البعث و تعريف كل واحد باللغة شنو و بالاعتقاد شنو

 

[هدوء]

ولدي ياب درجة اختبار العلوم والله زفت ومو مستواه من بعد ما كان امتياز الحين ادعي بس ينجح !!

حرام شنو صاير ليش جذي

 

[صباح الخيرفي كل الأوقات]

حرام والله حرام
يعني الحين بيطورين عيالنا بمناهجهم هذي والا يبون يبديدونها ....أشك بالأهداف الحقيقية لهم ..صراحة يبون يعدمون شيئ إسمه طفولة ...ولدي اللي بخامس صار عنده حالة إكتئاب . وصار كأنه عجوز وكله كوابيس بالليل ...وخصوصا لما الأبلات يهاوشونهم على التزفيت بالإمتحانات ويقولولهم ثلاثة أرباع الصف ساقط!!!!!!
موحرام ...كلنا إستانسنا لما الحريم مسكوا الوزارة بس طيحوا حظنا وحظ عيالنا كل يوم خطة يديدة و ..كل يوم منهج ..كل يوم شيئ خرابيط بخرابيط
يعني يبون يثبتون نفسهم براس عيالنا المساكين
حسبي الله ونعم الوكيل فيهم هالديناصورات اللي موراضيين ينشالون ولا يحسون بالناس

 

[AL-BaNDry]

ماقصرو مدرساتنا ورئيسات الاقسام اكتبو تقارير ان المنهج للرياضيات والعلوم صعبه على استيعاب الطالب وان نتايج الامتحانات متدنيه

لكن لاحياة لمن تنادي

اللي حاط المنهج واحد يبي ينتقم منا بعيالنا

 

[عهود الحب]

حتى لو كتبتم يا معلمات
وزارة التربية راح تستجيب لكم ؟؟؟؟
امهات الي يعرفون نواب بالمجلس وصلوا صوتنا لهم
نبي نوقف المناهج الجديدة مثل ماقدرنا نوقف الموسيقى
نبي ايميل نراسل فيه الوزارة
نبي موجهين اوائل نكلمهم


الكتاب باختصار صفقة تجارية بحتة

ومسألة تنفيع لشركة خاصة الفت الكتاب


يعني ينفعونهم على حساب عيالنا


مايصير نسكت


انا صار فيني صداع نصفي من سبب تدريسي لعيالي

نبي وقفة للوزارة لازم نتكلم

 

[عهود الحب]

امهات ترى بالدول الاجنبية قبل يغيرون المناهج يستشيرون الاهالي ويدرسون الكتب دراسة وافية


تخيلوا احنا جك بوم غيروا المنهج


بس عشان ينفعون ربعهم وبس عشان يصير انه والله احنا انجزنا انجاز عظيم وطورنا التعليم بالكويت



حررررررررام عليهم يتجاوزون الاهالي ولايشاورونهم


لازم نعتصم ونوقففففهم مو حالة هذي


قلنا دروس وامتحانات بس مو تعجيييييييييز


منو المسؤول لو عيالنا سقطوا !!!!!!!!!

امانة امهات عيالنا امانة برقبتنا لازم مانسكت


نبي ايميل ولا نائب بالمجلس يتكلم بصوتنا

 

[غنغوش]

الله يسامح اللي كان السبب
المناهج صعععععععبببببة