يا امهات المستقبل اشرايكم باللي تحمل بعد الزواج مباشره ؟؟؟؟

[ShoSho.]

مسسسااااااااااااااء الخيراات يا احلى امهااات​

:eh_s(17):



اشرايكم بالحمل بعد شهر العسل ؟؟ في ناس يقولون ما تعيش البنت حياتها مع زوجها اذا حملت بسرعة ... و في ناس ينصحون الحمل بعد فترة من الزواج لما تعرف الريال زين و تضمن اخلاقه و تعيش معاه و اتسافر و جذيه ؟؟


و كل شي قسمة و نصيب من الله :wqedqw:،،،

 

[متيمه بهواه]

رد : يا امهات المستقبل اشرايكم باللي تحمل بعد الزواج مباشره ؟؟؟؟

هو صح كل شي قسمه ونصيب
بس الصراحه الوحده ماتعرف الزوج مضبوط الى لما تعيش معاه تحت سقف واحد
تشوف شنو يحب وشنو يكره

لحد يقول انا عارفته بالخطوبه ومن هالقبيل

لا والله انتي غلطانه الواحد ماتعرفين معدنه الى لما تعيشين وياه تحت سقف واحد ويجمع بينكم

يعني اقل شي أقل شي 6 شهور الوحده تنبسط وتشوف حالها وتطلع وتستانس كثير من دون وحام ولوعه وخمول

يعني صح كل شي مكتوب بس الواحد يفكر شوي

وانا أقول لج الكلام عن جربه
لاني حملت بعد 3 شهور من زواجي والحمد لله ماتم الحمل
وماحملت الى بعد ماطوفت سنه من زواجنا وكم شهر

أقول الحمد لله ع الاقل ارتحت شوي وماجاتني المسئوليه من بداية الزواج


وانصح كل وحده ما تستعجل بسالفة الحمل
عيشي حياتك ولاحقه على العيال
ولا تقولين بربطه بالعيال ومدري شنو

الي بيطير بيطير حتى لو عنده دسته عيال

والي ربي ماتبه بيصير

طبعا كلامي من تجربه ومو كلام والسلام

وكلن له رأيه

 

[ShoSho.]

حلو البنااااات يسلمووووووو علي الرد و نصييييحتج واااصلة

 

[MiiMoo]

رد : يا امهات المستقبل اشرايكم باللي تحمل بعد الزواج مباشره ؟؟؟؟

والله اهووو على حسب عادي الريال يتغير بعد سنه او سنتين ... يعني شتسوين بالله كل شي قسمه ونصيب انا حملت بعد ثلاث شهور من زواجي والحمدالله عايشه حايتي بس وعع سافرت مرتين وانا حامل يعني شهر العسل خخخخخ بس اشوه ما تعبت

 

[احلى ـآ وحده]

انا عن نفسي حملت بعد 8 شهور من عرسي وتعذبت بالوحام وكرهت ريلي وشقتي واللبس صار وسيع والحركه ممنوعه وكله تعبانه ومالي خلق

يعني اشوه اخذت فتره تدلعت فيها وانا عروس ..

 

[ام فوااز]

انا انصح ان الوحده نستانس وتطلع وتسافر مع ريلها اول سنة بعدين لاحقه ان شالله على العيال
انا حملت بعد زواجي ب ٥ اشهر الحمدالله سافرت وسهرت وشبعت لان لاحقين على المسؤوليات وكل شي الله كاتبه الله سبحانه

 

[Winter Q8]

و اذا أجلت الموضوع و لا تأخر حتى لو 4 شهور شنو يفكها من الحجي الحنه و تصير النفسيه اكس و تبدا المقارنات مع الغير ..
خلوها على الله و الله يكتب اللي فيه الخير ..

 

[أوكسجين]

خليها على الله وشوفي مته تحملين

 

[انجبر قلبي]

آنا أأيد الحمل بعد الزواج مباشره طبعا بحالة انتي ارتحتي لريلح واهو ارتاحلج وتبون تعيشون باجي العمر مع بعض بيكون خبر الحمل وااااااااااايد حلوووو حتى لو اول شهر زواج و حتى الاهل بيستانسون بعدين ماله شغل انا وايد قالولي اول ما تزوجت استانسي وشبعي بعدين حملي بس مالها شغل الوناسه بالحمل أصلااااا الحمل اهووو احلى شي بالزواج و ياحلاتها من مسئولية والله فديت اليهال اهما اللي يحلون الحياه ويمكن يسوون حركة وحس بالبيت وتقرب الزوج من مرته اكثر فآنا مع هالشي والحمدلله طبقته

 

[CheeSeCaKe]

مساء النور

تبين الصج آنا اول ما تزوجت كنت اقول حق ريلي بس نخلص شهر العسل ابي بيبي على طول كنت حابه اكون حامل حلوو الواحد يربي عياله واهو صغير خصوصا اني احب الياهال ..

ولكن شائت الأقدار إن الله ما كتبلي الحمل الا بعد سنتين من زواجي ... قعدت أفكر وايد ..

كانت السنتين من اروع ايامي قربتنا من بعض علمتنا التعاون الصبر الحب والرومانسية .. حتى ذاك اليوم أقول حق زوجي عشنا حياتنا مع بعض واستمتعنا عدل وان شاء الله على طول ... وقلتله اتصدق الحين حسيت فيها ..

وعرفت ليش الناس تقول لا تحملين بسرعة .. ما كان عندي شك بزوجي من ناحية اخلاقه واطباعه اخذته عن حب .. وكلا كان مقدر لنا ..

ولكن فعلا هالشي ممكن يقيد وايد ازواج مستقبلا .. علشان يفهمون بعض اكثر ..

وهم بالنهاية نصيب ومو مقياس تلقين ربج رسملج حياتي لهدف معين وانتي عليج الاختيار

تحياتي ،،،

 

[أبله كويتيه]

الحمدالله انا احس استانسنا انا وريلي

حتى بدينا انحس بملل بصراحه

والحين 9 شهور على ما ايي الياهل يعني صج ملل

ماكنا ندري شنسوي طلعنا سهرنا سافرنا كل مكان

البيبي مهم مادري احسه يملي حياتنا بيغيرهااا فوق حدر