يا امهات!! ديرو بالكم من العاب ال ipodوipad

[احساس امومة]

السلام عليكم

ما اتوقع في بيت بالكويت مافي ها الجهزة اي باد او اي بود او اللاب توب حتى السوني!!!

نعطي عيالنا يلعبون بالساعة او الساعتين او اكثر....

بس سؤال:

انتو متاكدين انهم يلعبون بالالعاب اللي بالجهاز!!!!!!!!


ترى في بعض الالعاب فيها شات!!!

ذاك اليوم ولدي و ولد اخوي قاعدين يلعون لعبة اسمها Tap Tap في الاي بود
المهم انا كنت معاهم والا اسمع ولد اخوي يقول يالله خن دش الشات !!!! ولدي التفت عليه , يبي يتاكد سمعت هم والا لأ !!!


قتله : ماما شنو شات!!!
ولد اخوي رد علي يقول: شاااات ... وناسة وناسة حدها... نقعد نحاجي الناس وكله بنااات!!!!!


انا سكتني البوهة !!!!!!! وانا طول الوقت عبالي يلعبون!!!


الزمن يخرع يا امهات ,,, وعيالنا بسرعة يكبرون ,,, ويتعلمون اشياء احنا ما نتوقع انهم يسوونها!!!


الله يحفظ عيالنا وعيالكم

المهم اني قلت حق اخوي و زوجي
وانا وزوجي قررنا ان النت يكون طافي لمن نعطيهم الجهاز يلعبون فيه ووعلمناهم ان طريج الشات غلط

 

[Fashion Falls]

شكرا اختي وفي بعد طريقع تحددين نوعيه الالعاب اللي تنزلينها
لازم تكون ضمن فئتهم العمريه

 

[jawaa]

والله كل شي يخوف والتربيه اهم من اي شي ثاني هالاجهزه لابد منها وهذا تطور بس لازم نحدد البرامج وتحت مراقبه الله يعينا والله كافي المدارس وبلاويها

 

[احساس امومة]

اللعبة هاذي حق يهال اسمها Tap Tap
اصلن انا ما يا على بالي ان فيها شات!!!

 

[jaaanooo]

والله هالزمن يخرع .. بصراحة انا بنتي صغيرة وانا الي امنزلتلها البرامج وكلها تعليمية حق الحروف والعد .. وبعد ما انزلها افتح اللعب واشوف شنو فيها يالله اعطيها اياه .. ساعات ينزلون العاب حق اليهال بس داخلها شغلالات مالت ناس كباار ... الله المستعان .. مشكوره حبوبتي

 

[Omniya]

لاتصكرين النت لأن في العاب لازم نت ..
انتي مسحي اللعبه وأكو طريقه أريح بالإعدادات > عام > قيود
تقدرين اتشيلين سفاري & يوتيوب & تخلينهم مايقدرون يمسحون او ينزلون شي
& تقدرين اتخلينهم ينزلون الالعاب تحت سن معين كله موجود تتحكمين فيه
حتا لو نزلو لعبت كبار ماتنزل عندهم بالايباد

 

[قطوووة]

^^^^^6
خوش فكرة

 

[جذابه بنت ذيابه]

مشكوره غلاي