يا بنات شو تتوقعون

[اورانج كاراميل]

يا بنات والله اني خاايفة كثير لا اقدر انام ولا اتحرك ولا ابي اطلع مكان والسبب نفسيتي
انا بديت علاج بالابرة التفجيرية طبعت طلعت بويضة وحدة بس حجمها 20
والحين انا فاليوم التاسع من الابرة التفجيرية
واحس من يومين بوجع قوي فالصدر وحلمات الصدر واحساس مثل الكهرباء فداخل الثدي
ومغص اسفل البطن وزايد هل اليومين من غير صعوبة فالتنفس والضيق والجوع الغريب والمزاج
يا بنات من صار معه كذا وطلعت حامل

 

[أخاف اجرح]

ادعي ربج ليل نهار وقولي ربي لاتذرني فردا وانت خير الوارثين في سجودك وكل وقت واستغفري في اليوم اكثر من ١٠٠٠ مره ولحي في الدعاء صدقيني ربي مايرد يد العبد اذاطلبه صدقيني انامجربه والله واذاربي حقق أمنيتي والله عيني تدمع موعشان تحققت أمنيتي عشان ربي ماردني وعشان ربي مافي احن منه علينا واجتهدي بالدعاء وانامتأكده انج بتحملين بأذن الله وبشريني

 

[لبى عيونه]

الله يرزقج ياارب ما عندي علم مااعرف

 

[اورانج كاراميل]

تسلمو يا اخاف اجرح ولبى عيونة

 

[غرام القمة]

الله يرزقج ياااااااااااااارب

 

[shayto0oNa]

مابي احبطج حبووووبه انا صار فيني جذي سويت تلقيح الشهر اللي طاف بس ماكو حمل

هالشهر سويت تلقيح بعد بس ماكووو عوااار ولا شي !!

بس من بنت لبنت تفرق وان شاء الله حااامل يااارب

 

[اورانج كاراميل]

هلا شايطونا أنا بعد عملت عملية ivm مرتين مرة فشلت والثانيه صار معي حمل ضعيف وطاح بس ماجاتني مثل عل الأعراض أبدا الحين لما أخذت علاج بالأبخرة التفجيرية والجماع العادي حسيت بألم فالصدر كثير وخمول والم فالبطن وحلقي يجف كثير ولا اقدر أنام حتى

 

[&هند&]

يمكن حبيبتي حمل انا بحمالي جذي صار فيني بس ما كنت ماخذه شي ،،،،

 

[اورانج كاراميل]

تسلمي يا هند ريحتي قلبي

 

[ABEER FLOWER]

الله أعلم حبيبتي

إن شاء الله تكونين حامل ​

 

[glby7sas]

ماابي احبطج انا من بديت اخذ كلوميد وابر وصدري قام يعورني وكل مره اقول هذا من الحمل ويطلع مافيني شي
بس ماتدرين ان شاءالله يارب تكونين حامل

 

[ابدا يالغالي مانساك]

ربي يرزقج حبيبتي ​

 

[برنسيسة2007]

اسأل الله العلي العظيم ان يمن عليج بفرحة الحمل السليم الثابت ويسعدج انتي وزوجج وجميعي خواتي المسلمات اللهم امين
يمكن حمل ويمكن لاااا استغلي الوقت قبل النتيجه وادعي الله مثل ما قالتلج الاخت اللي فوق((اخاف اجرح)) كلامها سليم ميه بالميه وحتى لو مكتوبلج انج هالشهر مو حامل الدعاء هو السبيل الوحيد اللي يرد القضاء وتكونين حامل

 

[ماعاد بدري}~]

الله يرزقج بالذريه الصالحه ويرزق كل محروم يارب ، ادعي ربج وقومي الليل وصلي وتهجدي واستغفري ، الاستغفار زين
قال تعالى :- ((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))صدق الله العظيم ،وان شاء الله بتحملين وتاكدي ان ربنا مايلغي امانينا ياجلها وتفائلي ،وان شاء الله الله يفرحج وتشوفين ذريتج باحضانج ياااااااارب



ويااارب ترزق ككككككل محرووووم *

 

[moon ali]

اختي هاذي اعراض الابرة التفجيرية طبيعي
الله يرزقك حبيبتي