يا بنات نصحوني شنو اعطي بنتي اكل ؟؟؟؟؟؟؟

[Um Mariam 99]

بنات بليز ساعدوني انا بنتي الحين عمرها سبعة شهور ابي وصفات اكل حلوة وسهلة التحضير :eh_s(10): يلا عطونا من خبرتكم

 

[om deaj]

انتي توكلينها سريلاك؟؟ عطها بسكوت الاطفال بايدها لاتحاتين ترف ويذوب بسرعة
وعن نفسي اوكل عيالي من اكل البيت شوي شوي
روب وعيش
بطاط وخضار مفيوح

 

[Um Mariam 99]

شكرا اختي ام دعيج على الرد بس الروب عادي في هالعمر مو لازم انتظر لين سنه ؟؟؟؟؟

 

[...ليالي...]

هلا والله حبيبتي
الله يخليلج بنيتج.....

سويلها شويه بطاط وجزر مهروسين عالغدا معا شويه عيش بس انتبهي من العيش مو اي طفل يناسبه

وبالليل اكليها تمر معا حليبها حييل زين يقوي عضامها
وترى العصيده زينه للي بعمرها حيل ولها طريقه حلوه تناسبا

 

[mweegah]

عندج البطاطا الحلوه بنتي كانت تحبها و الشوفان هم زين و على الثامن دخليلها نتفة ديايه

 

[طيف الامارات]

من الشهر السادس ل الثامن ​

الحبوب : الرز القمح و الشعير​

الفواكه: التفاح الكمثرى الافوكادو المشمش الموز الخوخ البرقوق اليقطين​

الخضروات: البطاطا البطاطا الحلوه الجزر الكوسا البازلا و اللوبيا​

الحليب و مشتقاته: الروب الكامل الدسم​

البروتين : الدجاج الديك الرومي

العدس وااااايد مفيد .. فوري العدس مع العيش و البطاطا والكوسا والجزر واهرسيه

و الشوفان بعد .. والافوكادو​

 

[Rayoma2]

الروب بعد الشهر التاسع
الحين خضار وفواكه
اخذي جزر وبطاط او كوسا وقرع وفوحيهم وبعدين بالخلاط مع شوي ماي من الجدر نفسه ونوعيلها بالخضار
والتفاح نفس الشي اسلقيه وبالخلاط واي نوع فواكه
وسيريلاك يكون وجبه بروحه ريوق او غدا

 

[ام الحلوااات]

الروب بعد الشهر التاسع
الحين خضار وفواكه
اخذي جزر وبطاط او كوسا وقرع وفوحيهم وبعدين بالخلاط مع شوي ماي من الجدر نفسه ونوعيلها بالخضار
والتفاح نفس الشي اسلقيه وبالخلاط واي نوع فواكه
وسيريلاك يكون وجبه بروحه ريوق او غدا

الاخــــت مــــاقــــصــــرت :eh_s(15): :eh_s(15): :eh_s(15):

 

[om MaRyooM]

سلقي خضار وهرسيها للغدا
والعشا سيريلاك مع شوية عصير برتقال او فواكه سلقيهم وهرسيهم




الخضار المناسبة لهالعمر اهي البروكلي .. البطاطا الحلوة .. القرع ... الجزر ... الكوسا ..
والفواكه .. اناناس ومنجا ... وغالبا انا اسويلها هالخلطة وايد مفيدة وتحبببها اسلق تفاح(اقشره واقصصه) مع جزر واهرسهم مع بعض واظيف موز


وفي وصفة مفيييدة ويحبونها
سلقي التفاح مع حبتين تمر
وهرسيهم مع بعض مع رشة شوووووية دارسين

وسلامتج

 

[Um Mariam 99]

مشكورين خواتي والله ما قصرتو راح اجرب الوصفات