رد : يا حلوين ممكن تشرفون موضوعي وتساعدوني لو بفكره وحده وترى اللي ترفع الموضوع ساعدت
لأنه باختصار الهدف الي تكتبينه مرات يكون غلط
يا مركب [ يعني هدفين في واحد وهذا غلط
او معقد وصعب التطبيق
او غير قابل للقياس
وبكل هالحالات الهدف خطأ
و يعرضج للنقد السلبي
وحرام
انا اشوف انج مجتهدة وتحاولين تتعلمين
فليش تعرضين روحج للنقد
انا بنصحج بشغله
انج اكتبي اهدافج بنفسج افضل وابتعدي عن الي هي كاتبتهم
ومعروف انه طالبات التربية العملي
لها تحضير مستقل بروحها مالها شغل ببقية المعلمات عرفتي
والاهداف انتي اختاري الي يناسبج وسهل عليج لاتختارين الصعب ش الله حادج
يلا غيري اهدافج حسب ما انا اقولج
1- يتعرف على بعض اعضاء الجسم
2-يحرص على نظافة اعضاء جسمه
3- يقوم بعمل مسابقة جماعية
اذا ماتبين مسابقة اكتبي الهدف الثالث
يقلد حركة تنظيف بعض اعضاء الجسم
عرفتي
المثير عبارة عن اشكال هندسية وكوني منها شكل جسم
او شكل ايد
او رأس وملامحه [ يعني الخشم والعيون والفم
ودشي على اعضاء الجسم
اسم كل عضو وخلي كل طفل يرفع مثلا ايدينه ويعدون ايدينهم
وبعدين خل ينطون على اقدامهم ويعدونها
دشي على الجانب الديني بسؤال من خلقنا
خل يسمعون الآية القرانية بانصات وخشوع حرصي عليهم انه يقعدون عدل ويكتفون ايدينهم يعني ويستمعون
انه الله سبحانه خلفنا بأحسن صورة
خلق لنا يدان حتى نمسك بها الاشياء
وخلق لنا قدمان حتى نمشي عليهما
وخلق لنا رأس جميل وبه عينان جميلتان وفم وأنف
اعرضي لهم صور وخل يعبرون عنها
مثلا طفل يركض طفلة تمشط طفل يشرب حليب وهكذا وناقشيهم عن العضو المستخدم بكل صورة
بعدها روحوا لمسرح العرايس وخل يسمعون قصة أو يشاهدون منظر لطفل يهتم بنظافة جسمه
وناقشيهم بالصورة ماذا يفعل الطفل قاعد يستحم مثلا
هيا نقلد حركة الاستحمام هيا نمشط شعرنا هيا نغسل ايدينا بالماء والصابون
رددوا اغنية النشاط
المسابقة حطي صور أعضاء الجسم وخل مثلا يوصلون الصورة عند شبيهتها
او متاهة يوصلون العضو لأداة تنظيفها
او دومينو الاعضاء
او تركيب الشكل وظله
وسلامتج
