يا ريت تساعدوني اللي متزوجات عن حب

[lonelya-w7danya]

السلام

بنات انا ابي مساعدتكم و لا تبخلوون علي, في واحد يبي يخطبني و امي تدري عنه لاني كلمتها بالموضوع بس انا حاسه الموضوع مو رااكب لان تعرفنا عن طريق الوتس اب و هالبرامج و انا وحده ما أأيد الزواج عن حب بسبب االعواقب الي بسبته بس انا عادي ماحبه مشاعري عاديه و عفويه تجاهه اهو اللي يحبني و متعلق فيني و يبي يتزوجني ... بناات مادري شسوي اهده والا شنو لان مابي آخذ واحد عرفته بهالطريقه والا انتوا شرايكم؟:eh_s(1)::bbbiu:

 

[مذهلة2013]

لو زين وتحسينه خلوق وجذي مافيها شيء

عالاقل تقدملج واااااايد رياييل بس نظام لعب وخرابيط هذا دخل الباب ووايد بنات تزوجو جذي

 

[noha33]

ليش لأ؟
وبعدين خل يجي بيتكم وتعرفوا على بعض يمكن في نصيب مو غلط

 

[مفهيه حدي]

دام ان اهو يحبج ويبيج ليش لا مو مهم انج تحبينه اهم شي اهو يحبج وشاريج خل ابوج واخوانج يقعدون معاه
ويششوفون اذا يناسبج ولا لا


مووووفقه

 

[الأميرة جوري]

الله يكتب لج الللي فيه خير

 

[M!SS.LOBY]

الله يوفقج

 

[حشمه]

انتي خايفه من هالخطوه

خليه ايي بيتكم مع اهله وسالو عنه

بعدين حكمي يمكن يطلع خوش واحد

 

[فيلسوفة قلبي]

إذا يبيج صج خلّ يجيج للبيت ..وبلاها مُرآسلات وخرابيط بدون إرتباط ..

وبعدين أشلون عرف رقمج:eh_s(10):..!!

شوفي حبيبتي خل يجيج البيت أحسن ، وخلي أحد يسأل عنه ..

والله يقدم اللي فيه الخير يآرب..

مو لآزم تحبينه ألحين ..الحب بعد الزوآج ..:eh_s(7):

 

[فيلجاويه كيوت]

دام قالج زواج معناته شي طيب

خل يجي بيتكم وقعدي معاه وبعدين يسالون عنه

الله يكتبلج الي فيه الخير

 

[أم بشبوشة]

اذا ما تبين تتزوجين بهالطريقه ليش كلمتيه بالأساس !؟ خل يتقدملج رسمي و سألي عنه جنه من طرف ناس ياينليج

 

[منال $]

انك تعرفتي علية بهالطريقة غلط
بس الي حاصل
خطوة كويسة منة انة حاب يتقدملك خلية يجي عالبيت واهلك يشوفوة وانتي شوفية
واستخيري

 

[هدوووشه]

استخيررري

 

[طريق السعاده]

استخيري وخليه يجيكم البيت عادي

ترا في ناس يقولك بتزوج واحبك وكذا وبعد فتره يجيب اعذار ويقول امي مارضت وكذا ف انتي خليه يبدا هالخطوه ويجي ويا اهله واستخارتك لربي وبيني وبينك مو فارقه اذا الرجال كويس ترا نفس الخطابات ونفس اذا من الدوام شايفك يعني لاتدققين ع وين عرفتو بعض المهم وشهو من رجال

الله يوفقك ويكتب لك الخير يارب

 

[مدّهره !]

الله يكتب لك اللي فيه الخير ...~

 

[شــــــــــــــوقــــه]

مادري ممكن يعاير بعدين بالطريقة الي عرفج فيها

اذا مو مقتنعه مو غصب

 

[Lédy LoOlà]

الله يكتب لج اللي فيه خير يارب

 

[شطانه طفله]

في مثل او مقوله اركض ورا اللي يحبك لا تركض ورا اللي تحبه او شي جذي احس عفست المثل فوق تحت ههههههههههههههههههههههه


حبيبتي اذا انتي واعيه وفاهمه بتعرفين الريال اذا يحبج وشاريج ومستعد يصونج طول عمره

ودام تقدمللج خطوه حلوه وجريئه
ولاتحطين في بالج ان الزواج عن حب فاشل
ماكو شي يثبت هالشي
الزواج اتفاق ونصيب
سواء عن حب او تقليدي اذا من البدايه ما انحطت النقاط عالحروف ماكو فايده الزواج مو عالطريقه الزواج بالعقل وحسن الاختيار

والله يهنيج ويوفقج يارب بولد الحلال
وانتي شوفي نفسج لازم تتقبلين اليال لان هم مايصير تاخذين ريال وانتي مو مقتنعه فيه
وفي الموضوع من كل جوااانبه

 

[lonelya-w7danya]

بنااات مشكورين كلكم و انا استخرت و الصراحه ما ارتحت كلش فقلت له ما اقدر اكمل معاك و جذي و طلع على حقيقته سب و قلة ادب !!! خلاص مو غصب آخذك يعني شكو السب بس الحمدالله احس اني افتكييت منه, ارد و اقوول مشكورييين ما قصرتوا

 

[طريق السعاده]

الحمد لله الي بين ع حقيقته والله يكتب لك الخير

 

[queen92]

الحمدلله ياربي طلع على حقيقته و الله يوفقج