يا سيدات أعمال الإنترنت .. حياكن الله هنا وجميع من يريد الإفادة والاستفادة ..

[أُنثى .]

السلام عليكم ورحمة الله وبركـاته

يا حيّ الله سيدات الأعمال ..

~

بنات .. وضاح جدًا أن كثير من الأخوات اتجهن للتجارة عبر الإنترنت ..

وأنا أعرف بنات افتحوا محلات واغلقوها واتجهوا للمعارض والإنترنت فقط ..

فياليت تفيدونا بتجربتكم ..

~

- كيف بالبداية كانت تجربتكم بالتجارة عبر الإنترنت؟

- كم تكلفة التجارة عبر الإنترنت .. يعني تصميم الموقع والاستضافة وكل شيء؟

- هل يحتاج ترخيص؟؟

- وكيف تضيفون خدمة الكي نت له إذا ما عندكم محل بأرض الواقع؟

- ممم وبعد شنو؟ .. كيغ كان التسويق لموقعكم؟

- زكيف إقبال الناس علي الشراء من المواقع ؟

~

وإلي عندها أسئلة بعد تضيفها

يلا بنات نبي أكبر قدر من الفائدة؟

 

[hend6363]

اييييه والله فيدونا
وشكراا انتثي علي الموضوع

 

[Smile Queen Bee]

حلوة اسألتج ...
راح أرد عليج بس مو ألحين لأني بالدوام ..

 

[أُنثى .]

حياكم الله ..

يلا بنات .. ما في سيدات أعمال؟؟

 

[أُنثى .]

وينكم!

 

[ابـــ بنت ـــوهاا]

وانا بعد ودي استفيد ابي افتح موقع قريب

 

[um_yoyo]

انا اتكلم عن نفسي

تدرجت براس المال ( عن طريق الارباح )

بدايه التسويق كانت فقط بالمنتديات

بعدها فتحت موقع في بيكزو ( موقعي استضافه مجاني )

حاليا بعد سنه تقريبا افتتحت موقعي الرسمي كلفني 300 دينار

ما يحتاج ترخيص

تسويق عن طريق المنتديات و المعارض

نصيحه فصلي الربح عن راس المال

الي تبي تدش هالمجال لازم تعرف ان ارضاء الناس غايه لا تدرك و صعب التعامل معاااهم و تحوشج مواقف تنرفززززززززززز و ناس ما تستوعب و مليووووون اتصال نفس الاسئله

لازم تكونين بارده و بالج طوييييييييييييييييييل علشان تكسبينهم

و طبعا المنافسه موجوده حييييييل و ساعات بنات ينزول نفس اشياءج بسعر اقل من تكلفه بس علشان يكسرون سوقج بس انا مؤمنه بان كل شي ارزاق

و لاتنسون الصدقه و الدعاء و الاستغفار

 

[أُنثى .]

جزاج الله خير يا أم يويو ..

عسى الله يبارك لج في رزقج وذريتك وعمرك ..

طيب ما عندك فكرة عن الكي نت في المواقع لازم لها ترخيص؟

~

يلا وين سيدات الأعمال؟

شكلهم خايفين لا ناخذ حلالهم

 

[um_yoyo]

لا مو لازم رخصه تقدرين اتضيفينها بس انا ما حبيت اضيفها لان وايد من الناس بعد توصيل تقول مابي صغير كبير هالسوالف و المندوب مسكين من ويله يرجعلهم الفلوس