خواتي .. لاول مرة بشارك بموضوع تقريبا هو اللي منغص علي حياتي,,وابا المشورة منكم و تقولولي انا حياتي فيها شي غلط و الا انا مكبره الامور,,
فالبداية خلوني اقولكم اني انا اساسا من السعودية بس انا و عايلتي مقيمين بالكويت و الحمدلله من عايلة كبيرة و محترمة و تجارتنا كلها بالكويت .. المهم تزوجت شخص لا يقل عننا شانا بل بالعكس يمكن اهم اكثر منصب..
انا اول ما تزوجت كنت عايشة في بيت بروحي و مرتاحة و الحمدلله بس ريلي دخل في مشروع و خسر فيه .. قمت قتله اشرايك نقعد فترة عند اهلك طالما نحن الحين ما عندنا عيال و كلة سيرات و طلعات عشان نسد الخسارة اللي لحقتنا ,, ما عجبته الفكرة وايد بس انا اقنعته و اهو كان مسافر يومين و انا اللي تقلت كا اغراضي و عفشي لبيت ابوه و بعنا البيت..
الحين الريال تعود على عدم المسؤولية و كله يتحجج انه قاعد عشان امة و ابوه محتاجينه.. مع انهم ماشالله للحين بصحتهم,, الله يحفظهم انشالله
وتخيلوا خواتي قاعده في غرفة الاستقبال مال الحريم حولناها غرفة نوم .. على اساس ان وضعنا مؤقت.. بس المدة طالت و الحين عندي ولد و الثاني بيشرف بعد شهر.. غرفة الله لا يرويكم صغيرة و متروسة ملابس و سرير البيبي و العاب عالارض مافي مكان نمشي مثل الاوادم.. الاغراض حتى ما تترتب فيها .. و غرفتي على طول عند مدخل البيت و صالة المعيشة و ماشالله البيت ترس اوادم و التلفزيون 24 ساعة شغال يعني مافي رقاد الا اذا اهم راقدين..والله الوضع متعب
ريلي متضايق بس يكابر و كله يحط الغلط علي انا اني مب مريحتنه,,
طبعا ريلي عنده اعمال حره يعني ما يداوم .. تخيلوا يقوم الساعة 12 الظهر ,, يتغدى مع ابوه لان احراج يتغدى معاي و يهد ابوه لان الصالة وحده .. و نحن نستحي ناكل مع عمي لانه ريال عوود و له هيبته و هم طبعهم جذي.. و انا طبعا اقوم من الساعة 8 او 9 لان عندي بيبي يبا اكل و شرب و مجابل.. و اتريا لين اهل البيت يرقدون من بعد الغدا لين العصر هذا الوقت الوحيد اللي يهدا فيه البيت و ارقد انا وولدي.. طبعا ريلي شبعان رقاد و مرات يقعد معانا بالغرفة و يضايقنا و مرات يطلع برة يخلصله اشغال.. بعدين يرد و انا اقوم من رقادي البس البيبي ومن اطلع من الغرفة القاهم كلهم في الصالة .. اساسا اقوم من الازعاج و نقعد كلنا و ريلي طبعا كلة رسميات لان عندنا شياب قاعدين 24 ساعة في الصالة ..يعني كلامنا بحساب و حتى ما تقدر نتزاعل لان كل البيت بيدري و بيسمعنا....
وعلى هالحال لين الساعة 10 كل حد يروح غرفته و انا عساس بقعد انا و ريلي و الا اشوفة رقد و الا راح غرفة امة و ابوه يسهر معاهم .. طبعا ابوه مستانس ع اساس انه ولده بار فيه و لا يهده لين ما اهو يطرده ..مع انه ريلي ما كان جذيه من زمان قبل لا ياخذني .. بس يمكن يحس انه ابوه ريال عوود و يبا يقعد معاهم اكثر وقت لان اذا صار فيهم شي بيتم طول حياته متندم على كل دقيقة كان فيها بعيد عن امه و ابوه..
بنات والله تعبت .. انا ما تركت بيت ابوي الا عشان اقعد في بيتي انا مع ريلي و عيالي .. مب عشان اعيش قي بيت ناس غرب .. مع ان اهل ريلي محد اطيب منهم و احبهم حييل ..و يعاملوني بما يرضي الله.. انا لي ذوقي لي طبعي لي اكلي الخاص حتى لبس والله 24 ساعة لابسة جلابية و الشيلة ع راسي .. لاعت جبدي من شكلي حتى جسمي تبهدل .. اقول ليش بعد ترى ما يبين ويا هال لبس ..
و اذا تكلمت مع ريلي يقوللي ان هذي فترة مؤقته و ان الحين بنشتري بيت يديد انا و حمولتي .. و انا بيكون لي قسم خاااص
بنات انا تعبت شسوي كل مرة اتضارب مع ريلي على هالسالفة لان الموضوع صارله سنين لين الصبر ملني جربت اقعد في بيت اهلي يقعد مثل المينون يباني عنده .. امهكلمته و امي و ابوي كله يقولهم عطوني فرصة و يحرج اهلي برده يقول انتوا ما ترضون اهد اهلي و هم محتاجيني.. و اذا تناقشت معاه يقوللي انا ما قتلج لا انا واعدنج انتي بس نطري ...... انطر يا حماااار
بنات شوروا علي الله لا يهينكم
فالبداية خلوني اقولكم اني انا اساسا من السعودية بس انا و عايلتي مقيمين بالكويت و الحمدلله من عايلة كبيرة و محترمة و تجارتنا كلها بالكويت .. المهم تزوجت شخص لا يقل عننا شانا بل بالعكس يمكن اهم اكثر منصب..
انا اول ما تزوجت كنت عايشة في بيت بروحي و مرتاحة و الحمدلله بس ريلي دخل في مشروع و خسر فيه .. قمت قتله اشرايك نقعد فترة عند اهلك طالما نحن الحين ما عندنا عيال و كلة سيرات و طلعات عشان نسد الخسارة اللي لحقتنا ,, ما عجبته الفكرة وايد بس انا اقنعته و اهو كان مسافر يومين و انا اللي تقلت كا اغراضي و عفشي لبيت ابوه و بعنا البيت..
الحين الريال تعود على عدم المسؤولية و كله يتحجج انه قاعد عشان امة و ابوه محتاجينه.. مع انهم ماشالله للحين بصحتهم,, الله يحفظهم انشالله
وتخيلوا خواتي قاعده في غرفة الاستقبال مال الحريم حولناها غرفة نوم .. على اساس ان وضعنا مؤقت.. بس المدة طالت و الحين عندي ولد و الثاني بيشرف بعد شهر.. غرفة الله لا يرويكم صغيرة و متروسة ملابس و سرير البيبي و العاب عالارض مافي مكان نمشي مثل الاوادم.. الاغراض حتى ما تترتب فيها .. و غرفتي على طول عند مدخل البيت و صالة المعيشة و ماشالله البيت ترس اوادم و التلفزيون 24 ساعة شغال يعني مافي رقاد الا اذا اهم راقدين..والله الوضع متعب
ريلي متضايق بس يكابر و كله يحط الغلط علي انا اني مب مريحتنه,,
طبعا ريلي عنده اعمال حره يعني ما يداوم .. تخيلوا يقوم الساعة 12 الظهر ,, يتغدى مع ابوه لان احراج يتغدى معاي و يهد ابوه لان الصالة وحده .. و نحن نستحي ناكل مع عمي لانه ريال عوود و له هيبته و هم طبعهم جذي.. و انا طبعا اقوم من الساعة 8 او 9 لان عندي بيبي يبا اكل و شرب و مجابل.. و اتريا لين اهل البيت يرقدون من بعد الغدا لين العصر هذا الوقت الوحيد اللي يهدا فيه البيت و ارقد انا وولدي.. طبعا ريلي شبعان رقاد و مرات يقعد معانا بالغرفة و يضايقنا و مرات يطلع برة يخلصله اشغال.. بعدين يرد و انا اقوم من رقادي البس البيبي ومن اطلع من الغرفة القاهم كلهم في الصالة .. اساسا اقوم من الازعاج و نقعد كلنا و ريلي طبعا كلة رسميات لان عندنا شياب قاعدين 24 ساعة في الصالة ..يعني كلامنا بحساب و حتى ما تقدر نتزاعل لان كل البيت بيدري و بيسمعنا....
وعلى هالحال لين الساعة 10 كل حد يروح غرفته و انا عساس بقعد انا و ريلي و الا اشوفة رقد و الا راح غرفة امة و ابوه يسهر معاهم .. طبعا ابوه مستانس ع اساس انه ولده بار فيه و لا يهده لين ما اهو يطرده ..مع انه ريلي ما كان جذيه من زمان قبل لا ياخذني .. بس يمكن يحس انه ابوه ريال عوود و يبا يقعد معاهم اكثر وقت لان اذا صار فيهم شي بيتم طول حياته متندم على كل دقيقة كان فيها بعيد عن امه و ابوه..
بنات والله تعبت .. انا ما تركت بيت ابوي الا عشان اقعد في بيتي انا مع ريلي و عيالي .. مب عشان اعيش قي بيت ناس غرب .. مع ان اهل ريلي محد اطيب منهم و احبهم حييل ..و يعاملوني بما يرضي الله.. انا لي ذوقي لي طبعي لي اكلي الخاص حتى لبس والله 24 ساعة لابسة جلابية و الشيلة ع راسي .. لاعت جبدي من شكلي حتى جسمي تبهدل .. اقول ليش بعد ترى ما يبين ويا هال لبس ..
و اذا تكلمت مع ريلي يقوللي ان هذي فترة مؤقته و ان الحين بنشتري بيت يديد انا و حمولتي .. و انا بيكون لي قسم خاااص
بنات انا تعبت شسوي كل مرة اتضارب مع ريلي على هالسالفة لان الموضوع صارله سنين لين الصبر ملني جربت اقعد في بيت اهلي يقعد مثل المينون يباني عنده .. امهكلمته و امي و ابوي كله يقولهم عطوني فرصة و يحرج اهلي برده يقول انتوا ما ترضون اهد اهلي و هم محتاجيني.. و اذا تناقشت معاه يقوللي انا ما قتلج لا انا واعدنج انتي بس نطري ...... انطر يا حماااار
بنات شوروا علي الله لا يهينكم
