يا متزوجات قولوا لنا تجاربكم با الزواج

[حضرية وافتخر]

السلام عليكم ورحمه الله وبركته
شخباركم حبايب قلبي يا متزوجات نبي خبرتكم :d
عندي رفيجتي بتزوج وتبي تعرف شلون الحياه الزوجيه لان ما عندها الخبره تدرون حياه جديده عليها
يعني شنوو اللي لازم تسويه لزوجها وشنو الاشياء اللي لازم تعوده عليها
وشنوو تنصحونها فيه :d

 

[فلنتينو]

اب:d

 

[عاشقة هواك]

اب اب

 

[كويتيه شماليه]

هلا حبيبتي الزواج بدايته شوي الوحده تحس بكتمه لان هالحياة جديده عليها وتحس بالمسؤوليه من ناحية البيت والطباخ والغسيل غير لمن كانت في بيت ابوها مدلعه وزوج يبي اهتمام ٢٤ ساعه من مكياج ولبس ونظافه وغير هذر تحس انها اكبرت من ناحية المواجيب فلانه ولدت فلانه تزوجت قبل البنت مع امها بعد الزواج تكون مستغله باسمها .. غير هذا كله الصدمات هذي حطي تحتها الف خط

يعني انتي متعوده تلبسي لبس معين او تحطين مكياج اذا طلعتي يقولج انا ما ابي جذي يعني يعكر مزاجج اذا مااعجبتج السالفه

او بيت فلان ماتروحيله انا مااحب عيالهم اذا قرابه

او مابيج تسوقين سياره وانتي متعوده عليها

يعني يا مالج من هالسوالف والوحده لازم تتحمل هذي بس اول سنه تقريباً فيها حكره شوي




باختصااااااار الزواج مسؤوليه ولازم الوحده تتحمل وتتأقلم مع هالحياة ..

يعني الوحده تبعد فكرة ان الزواج وناسه وحب وغراميات اصلاً اول سنتين موحلوه فيها تحكم فيها حكره فيها ظلم بس الصبر وبعدين لي تعودت على حياتها وطريقة زوجها تبي تتكيف وتعيش مع عيالها وتكون متعوده عالمسؤوليه



والله يوفقج ويوفقها يارب

 

[انا لحبيبي .]

حبيبتي الحياة الزوجيه من بيت لبيت بتختلف ، من رجال لرجال بختلف

هي بس تدخل بيتها وتعرف طبع زوجها تمشي عليه

بس اجمالا الزوج ما بحب المرأه يلي لسانها سليط وطويل وبترادده ، الله يتتملها على خير يارب العالمين

 

[كويتيه شماليه]

ونصيحة اخت لا تنام في بيت اهلها نصيحه لو تروح يومياً لاهلها بس لاتنام لاتعوده على فراقها وكلمه ضروري تقولها له ان اللي يزعلها ويكرها فيه ان يمد ايده عليها ضروري علشان يحط في باله مايمد ايده هذي احقر شي يسويه الزوج ولا ترادده بالكلام اذا كان زعلان تبعد عنه واذا غلط عليها بالسب لاتسكت تزعل في بيتها لا ادخل احد بينهم وخصوصياتها لاتطلع بينها وبين زوجها

ولا تسولف لزوجها عن خصوصيات اهلها

 

[last-moon]

يسلموووووووووووووو​

 

[حضرية وافتخر]

مشكورين انا لحبيبي وكويتيه شماليه واللي ارفعوا الموضوع
نبي تفاعل اكبر من المتزوجات

 

[Tom ♥ Jerry]

،

اففففففففففف كتبت رد شطوله شعرضه و علق معاي ؛@
نسيت اسوي كووووبي وااااي يا ملقي هالحركه )=

المهم بقولج بآختصار :

1/ تهتم بشكلها على طول !
2/ تحترم ريلها و تقدره و تقوم بكل وآجباتهآ الشرعيه والزوجيه
3/ تحترم رغبه ريلها ليه قالها لا تطلعين اليوم و لا تحطين الحمره الفلانيه !
4/ تسال عن زوجهآ بس مآ تصير لزقه !
5/ تطبخ على الاقل تسوي عشا خفيف " الريال يحب ياكل من ايد مرته "
6/ مآ تتدخل بـ مشاكل و أمور عايله زوجهآ ( اذا قالولها أوكي مآ قالولها تسكت ) عليها بريلها بس
7/ تهتم بـ منظرها و تسوي تجديد باللوك عشان مآ يمل الزوج
8/ تحافظ على نظاافه البيت و على طول تخليه مبخر و معطر

 

[ام ميميتو]

حسب طبع الزوج يعني انا من تزوجت ولا مره نمت بعيد عن زوجي حتى لما ولدت ما نمت عند اهلي لما زوجي قام ما يستغنى عني ابدا حتى ملابسه انا اغسلهم و اكويهم كل يوم و اجهزله الاكل و فبل ما يطلع الصبح احطله ورقه على الباب اكتب فيها احبك او دير بالك على نفسك عشان هو يتعود يقولي هالكلام و عودته اني ماطلع بروحي او مع رفيجاتي لما هو صار نفس الشي ما يطلع الا معاي انا حتى ربعه ما يدري عنهم ما يطلع بروحه الا اذا عنده شغل بس حتى الجمعيه مع بعض وهم ارجع و اقولج حسب طبع الزوج و حسب طبع الزوجه بعد الله يسعدها و يتمم عليها ان شاءالله

 

[ام ميميتو]

والاهم من هذا كله الاحترام

 

[فروح]

،

اففففففففففف كتبت رد شطوله شعرضه و علق معاي ؛@
نسيت اسوي كووووبي وااااي يا ملقي هالحركه )=

المهم بقولج بآختصار :

1/ تهتم بشكلها على طول !
2/ تحترم ريلها و تقدره و تقوم بكل وآجباتهآ الشرعيه والزوجيه
3/ تحترم رغبه ريلها ليه قالها لا تطلعين اليوم و لا تحطين الحمره الفلانيه !
4/ تسال عن زوجهآ بس مآ تصير لزقه !
5/ تطبخ على الاقل تسوي عشا خفيف " الريال يحب ياكل من ايد مرته "
6/ مآ تتدخل بـ مشاكل و أمور عايله زوجهآ ( اذا قالولها أوكي مآ قالولها تسكت ) عليها بريلها بس
7/ تهتم بـ منظرها و تسوي تجديد باللوك عشان مآ يمل الزوج
8/ تحافظ على نظاافه البيت و على طول تخليه مبخر و معطر

نفس كلا شمحوطه ... والاهم انها تحترمه قدام اهلها والناس عشان اهم بعد يحترمونه ... واسرار زوجها وخصوصياته ماتطلع برى .. وتبعد عن الحنه ليل ونهار .. وتكون صريحه معاه بكل الاحوال ... وتفهم طبعه وتعايش معاه الخ الخ ... لو اكتب لين باجر مااخلص

 

[pusy cat]

الوصايا العشر
أن سيدة من سيدات ألأسلام عندما زفت آبنتها الي بيت الزوجية , أوصتها وصية غالية
فقالت لها : يا آبنتي أن الوصية تذكرة للغافل ومعونة للعاقل واعلمي بأن النساء خلقن للرجال ولهن خلق الرجال يا آبنتي أذا أردت أن تدوم المعاشرة بينك وبين زوجك فكوني له أمة يكن لك عبدآ وكوني له أرضآ
يكن لك سماء واحفظي له خصالآ عشرة يكن له بها ذخرآ 0
أما الوصية ألأولي والثانية : فعليك الخشوع له بقناعة وحسن السمع له والطاعة 0
وأما الوصية الثالثة والرابعة : فتفقدي مواضع عينه وأنفه فلا تقع عينه منك علي قبيح ولا يشم منك إلا أطيب ريح 0
وأما الوصية الخامسة والسادسة : فتفقدي أوقات طعامه ومنامه فأن شدة الجوع ملهبة وتنغيض المنام مغضبة 0
وأما الوصية السابعة والثامنة : فالاحتراس لماله وحسن الارعاء لحشمه وعياله وملاك الأمر في المال حسن التدبير وفي العيال حسن التقدير 0
وأما الوصية التاسعة والعاشرة : فلا تفشي له سرآ ولا تعصي له أمرآ أنك أن أفشيت سره أو غلت صدره وأن، خالفت أمره لم تأمني غدره ثم ختمت وصيتها الغالية : قائلة : أياك والفرح بين يديه إن كان حزينآ وأياك والحزن بين يديه أن كان فرحآ

 

[حضرية وافتخر]

اب اب للافاده