يا متكممين احترت

[بس بس بس]

السلام
يا متكممين تعبت واحترت بين سمنتي وخوفي من العمليه ،ونصحتوني بالتحزيم وطعتكم وسويتها وندمت مع الاسف وتلعوزت وتمرمطت ،،والحين شاورتكم وقلتوا تكميم وانا خايفه من العمليه والغيبوبة وخايفه ما انزل الوزن المطلوب مثل التحزيم الي نصحتوني فيه 0
والله انا بحيره وحدي خايفه
يعني معقوله محد فشل بالتكميم ،،ليش ما تذكرون التجارب الفاشله
ساعدوني الله يعافيكم ونصير واضحين مع بعض

 

[شيهانه الشعلان]

مساء الخير ... لان ماسمعنا التكميم فشل ابدا مع اي شخص ةمضار العمليه تختلف من شخص لشخص حسب وزنه ... التكميم هي العمليه الاشهر ولو تابعتي برنامج الوطن قبل فتره خطوات العمليه كلها عند الجار الله وعندج وايد يمدحونهم احمد العنزي والشرهان وعندج بالسعوديه عبدالحميد المومن وماادري منوو التمياط ... روحي استشيري الدكتور شنوو العمليه الانسب لك ... انا دكتوري قال لي ماتسوى لج ولا وحده منهم وركبت البالون لان قال توج صغيره تعيشين حياتج على الفيتامينات ووزنج 110 يمديج تنزلين وهذا انا الحين من مقاس 40 البس مقاس 34 ووزني حول ال 80 ... احنا ننصح بالافضل واللي جربناه لكن دكتورج هو اللي يقرر لج الانسب

 

[بس بس بس]

يعطيج العافيه شيهانه وزنج مؤ شويه يعني تنصحيني بالبالون ماشاالله يعني نزلتي 30كيلو شي طيب يعني لو انزل 30 تمام
شرايج شيهانه اركب بالون

 

[ii DareeN ii]

في تجارب لتكميم فاشلة فيه وفاة في تسريب في فشل في انقاص الوزن بكل عملية في تجارب ناجحة وفاشلة انتي مو مقتنعه بالعملية لاتسوينها واتجهي لطرق البديلة البنات ينصحونج حسب تجاربهم يبقى اختيارج واختيار الطبيب المناسب والاستخارة

 

[شيهانه الشعلان]

البالون تعبني وطريقه قديمه تعتبر ... عندك التكميم او التدكيك اللي هو طي المعده ... الدكتور هو اللي يقرر انسب شي لج ...

روحي للدكتور وقرري والافضل شركه ريجيم ونادي صحي وطلعي حرتج

 

[donat]

انا بعد مثل صاحبة الموضوع
محتارة و خاايفة بس اختلف عنها اني ما جربت ولا عملية سمنه
و اذا قريت بالمنتدى اشوف التجارب تشجع و ناجحه و اذا سالت برة اسمع وايد حالات وفاة و غيبوبة
و عقب جم شهر يطيحون و يموتون هبوط حاد
مادري شسوي .... و المصيبة ان انا مقتنعه ان الحل الامثل اهوا الرياضة و الرجيم بس وين الاراده ؟؟؟؟

 

[شيهانه الشعلان]

انا بعد مثل صاحبة الموضوع
محتارة و خاايفة بس اختلف عنها اني ما جربت ولا عملية سمنه
و اذا قريت بالمنتدى اشوف التجارب تشجع و ناجحه و اذا سالت برة اسمع وايد حالات وفاة و غيبوبة
و عقب جم شهر يطيحون و يموتون هبوط حاد
مادري شسوي .... و المصيبة ان انا مقتنعه ان الحل الامثل اهوا الرياضة و الرجيم بس وين الاراده ؟؟؟؟

عندج وايد اللي سووها والمخاطر تزيد كل مازاد الوزن بسبب التحدير لكن الى اليوم ماسمعنا عن حالات خطيره اذا العمر صغير والدكتور شاطر مثل العنزي وبستكي والجار الله وحتى لقاءه بتلفزيون الوطن كان عجيب ولكن انا صحيح عملت البالون وشلته والحين رجعت اكل على خفيف بس محافظه على جسمي وافكر اعمل التكميم ولكن بلبنان لان اسعار الكويت مبالغ فيها وااايد ... اختاري دكتور شاطر وتوكلي على الله .. ولا تسمعين كلام الناس لان لو بتقولين لهم بسوي عمليه زايده قالوا لج بتموتين وماادري وش بيصير فيج كل عمليه ولها مخاطرها هالشي لازم نفهمه

 

[عاشقه الحلى]

بجم سويتي بالون ؟؟

 

[** رش رش **]

كل عملية لها أخطارها و سلبياتها و ايجابياتها
انتي اهم شي تستشيرين اكثر من دكتور و اذا عزمتي استخيري
و في كثير من حالات يقولون الدكاترة أن أخطار السمنه اكبر من أخطار العملية نفسها

 

[omal7lo]

التكميم وبس لابالون ولا تحزيم
صدقيني فيه بنات يبالغون ويخافون من العين الي تتعب وايد هذي فيها مرض من قبل توكلي علي الله وسويها ترى سهااالاااااااااات والوزن توصلينه الي تبينه

 

[شيهانه الشعلان]

بجم سويتي بالون ؟؟

ب تقريبا 900 دينار ... لان الدكتور قال لي توج صغيره على التكميم وتقعدين ظول عمرج على حبوب الفيتامينات وجذي والحمدلله نحفت واكلي صاير بسيط من بعد ماشلته لكن مشكلتي اخربط بين فتره والثانيه وهالسبب صاير لي وسواس ارد امتن خصوصا اني مو مستمره على الرياضه

 

[Mohra]

حبيبتي اول شي توكلي علي الله واستخيري
اثنين انا مسويه تكميمم لي سنتين كان وزني ١٣٨
والحين ٧٢ بس طبعا مع نظام غذايي وحتي اخوي له ست شهور منوسواها ونزل ماشالله اسرع من نزولي

 

[ام حربي]

استخيري الله في الي تبين تسوينه والعملية الذهبية والي محاسنها اكثر من مساؤها هي التكميم

 

[طير الحب]

كل عمليه لها مخاطر انت شوفي الدكتور واهو اكثر واحد راح يبين لج كل شي

والله يسهل امورج