هـــــــــــــــــــــــااااااي :wqedqw:
شلونكم شخباركم ؟؟؟ انشالله زينييين
انا عيالي بهاذي المدرسه عندي ابتدائى وثنتين روضه اذ بتسالوني شلون المدرسه انا عندي زينه تمشي حالها احسن بواااااايد من الحكومه حق اللي ماعندهم ميزانيه عاليه وعندهم كذا ياهل وانا بصراحه ماجابل نهائيه الياهل لاني كلمه عصبيه شويه علي عندي التدريس جذي :j013: وتبون الصج الياهل ماينفع معاه جذي لازم ضحك غشمره انزلي مستوااه وغيري المكان كذا مره علشان مايمل يعني سالفه عويصه لووول <<الله يهديني ويهدي اللي مثلي >> المهــــم شلونكم شخباركم ؟؟؟ انشالله زينييين
اليووم بقولكم عن مدرسه الاكاديميه الكويتيه ثنائيه اللغه مالت عبدالله مطلق عيد الرشيدي
مكان المدرسه الرقعي قطعه 2 قسيمه 4 بجانب الهيئه العامه للشباب والرياضه ويم مستشفى الامومه
التيلفووون 24801091 / 24801051
الرسووم الدراسيه :
المرحله : الرسوم كامله : رسم التسجيل : القسط الاول (9/1) : القسط الثاني(12/1) : القسط الثالث(2/1) :خصم للابناء لاكثر من طالب 10٪ : الصافي بعد الخصم
الروضه : 908 : 100 : 300 : 300 : 208 : 91 د.ك : 817 د.ك
الابتدائي :1250 : 100 : 400 : 400 : 350 : 125 د.ك : 1125 د.ك
المتوسطه :1533 : 100 : 500 : 500 : 433 : 154 د.ك : 1379د.ك
الثانويه :1850 : 100 : 600 : 600 : 550 : 185د.ك : 1665د.ك
طبعن المنهج امريكي وتدرس باللغه الانجليزيه + منهج وزاره التربيه
كل المواد تدرس بالانجليزي ماعدا العربي والقران والتربيه الاسلاميه والتربيه الوطنيه ومهارات الحياه بسسسس
وماعندهم حظـــــــــانه كلششش
بدايه العام الدراسي :
يوم الاحد 5/9/2010 :بدايه دوام الهيئه الاداريه التدريسيه
يوم الاربعاء 15/9/2010 :بدايه دوام المرحله المتوسطه والثانويه g4 ------->g11بنين وبنات
يوم الخميس 16/9/2010 :بدايه دوام المرحله الابتدائيه من g1----->g3بنيين وبنات
يوم الاحد 19/9/2010 :بدايه دوام مرحله الروضه
وطبعن يبدي التسجيل شهر 2 وشهر 3 حق السنه اليديده والاولويه للاخوااان <<لحظته تفكير>>
والملابس تنباااع مع بدايه السنه القميص ب5 والنفنوف ب5 والكرفته 2ونص الملابس صيفا وشتاء ماتتغير نفس مااهي بالضبط نفس الخامه والشكل ...
الروضه الوان الملابس النفنوف كحلي وعليه الشعار المدرسه والقميص هم عليه شعار المدرسه لون اصفر ومخطط بكحلي <<وبعد يبيعون ملابس الرياضه البنطرون كحلي والبلوزه اصفر بكحلي >>
الابتدائي الوان الملابس النفنوف مبكر احمر وكحلي وابيض والقميص ابيض ساده وطبعن عليهم الشعار <<وبعد يبيعون ملابس الرياضه البنطرون كحلي والبلوزه اصفر بكحلي >>
وماعنـــــــدي علم عن المتوسطه والثانويه لان لهم باب ثاني
والبنات منفصليين عن الصبيان اللهم بس بالروضه
وبعد شقووول وفي عندهم تقويه وراه الدوام بماده العربي والرياضيات والانجليزي والعلوم كل ماده ب50 د.ك لكل ماده دراسيه بمعدل ساعتين اسبوعيا
وفي عندهم بعد انشطه ثانيه غير التقويه حفظ القران 30 د.ك وفي سباحه 40د.ك كره قدم 30د.ك كره سله30د.ك وفي انشطه مختلفه ب30د.ك
في عندهم اياام محدد حق التقويه يعني موكل يووم
مواعيد الدوام المدرسي :
مرحله رياض الاطفال : من الساعه 7:15 صباحا حتي الساعه 12:30 ظهرا ( صيفا وشتاء ) دوام شهر رمضان من (8:00 صباحا الــــــي 1:00 ظهرا)
باقي مراحل : من الساعه 7:15 صباحا الــــــــي 1:30 ظهرا (ايام الاحد والخميس فقط )
من الساعه 7:15 صباحا الــــــي 2:00 ظهرا ( ايام الاثنيين والثلاثاء والاربعاء ) هي مواعيد ثابته صيفا وشتاء دوام شهر رمضاان من الساعه 8:15 الـــي 1:30 اياااام الاحد والخميس
اياام الاثنيين والثلاثاء والاربعاء من الساعه 8:30 الـــــــي 1:40 ظهرا
_03BA:انا عندي اللحين امتحااان kg1 قدرت احصله لكم ..
اول شي بقولكم راح يمتحنونها باللغه العربيه واللغه الانجليييزيه في ابله عربي وبعدين ابله الانجليييزي بس والله وااااااااايد متساهلييين ويغششون :ggdw:
عندهم اهم شي انه ينطق الكلام صح ويمسك القلم صح ويتجااوب معاهم وتقدرين بعد تقعدين معاهم بخصوص الروضه بس الابتدائي وفوق لا ماتقعدين معاه بالامتحان المقابله
الامتحان فيه :العربي اول شي :1 / راح يسالوونه شنو اسمه واسم ابوه واسم اخوانه واسم خواته .
:2 / راح يسالونه عن الحروف الابجديه ..
:3 / راح يطلبون منه يعد من 1 الي 10
:4 / راح يطلبوون منه يبني هرم بالمكعباات
:5 / راح يطلبوون منه انه يجيبلهم كره من عندهم ويرميها نحوى المدرسه
:6 /راح يبوله اشياء ويورنهم ايه وبعدين يخشوون منهم كذا شغله ويسالونه عن اللي موموجود شنو اهو حق الذاكره
وراح يوصل بين الصوره ووين تعيش يعني نفس الانسان والسمك والعصفور وبيوتهم ... والبقره شنو ناخذ منها والدجاجه والخروف
ويلوون الدائره بالاحمر ويلون الربع بالاصفر ..ويآشر مكان الانف والفم والعين والاذن من خلال الصوره ويقص المربع بالمقص ويمشي فوق النقط بالقلم علي شكل دائره ومربع ويحطوله 3 نقط بعاد عن بعض ويوصل بينهم علي شكل مثلث
وراح يسئلونه عن الالوان شنو اساميهم والاشكال المثلث والمربع والدائره والنجمه وراح يطلبوون منه يقول abc وبسسس ...
طبعن الامتحااان كله نفس الاسئله بالعربي والانجليزي وبسس هذا امتحااان kg1 ...
((اتمنـــــي اني افدتكـــــــم ولو بشــــــي بسييييييط))
*** بلييييز انا موطالبه منكم شي غير الدعاء لي وللمسلمييين الجنه من غييير عذاب والتوفيق لنا كلنا بس :yaaaaaarb:
