يبلها النمسا

[يبيلك قلب مايتعب]

شلونكم بنات





أنا خاطري اروح لنمسا ..





بس أبي خبرت اللي راحوا



جم يوم تنصحيني اقعد ..



وطبعي مااحب الحوسه من ديره لديره ابي احلى الاماكن عندهم وأهم



شي عندي التسوق أبي اعرف اسعارهم شلونها غاليه ولا رخيصه وجم اخذ ميزانيه



وشنو طيرانكم وجم مدة الرحله اذا دايرك جم ساعه







وشكرا​

 

[حـلا و ذوق]

انا رحت لها عقب ماقعدت بالمانيا 3 ليالي .. حلوووة وايد

رحتها بالصيف العام ..

رحت زل ام سي .. وسالزبورغ ..

بس بصراحة الاسواق مثل الي عندنا ..

تبين وناسة واستجمام وبرامج زل ام سي تروحين الثلج وتركبين تلفريك والزحلاقة الصيفيه
جوها حلو واغلب فنادقها اذا مب كلهم مافيها مكيفات بليل يصير برااااد

وعندج تسوق سالزبورغ مدينة اوربية فضيعه ونظيفها يقسمها النهر قسمين وقمة الرومانسية .. لفيها محلات مثل زارا ومانجو و هالطخة
وعندج لويز فيتون وباقي الماركات كلهم بنفس الشارع ..

هي المسافة كانت بين المانيا لين النمسا تقريبا ساعتين بالقطار .. ومن سالزبورغ لين المانيا تقريبا ساعه


برب

 

[البرنسيسه سوزي]

هلا حبي انا تو راده منها وااااااااااااااااااااااااااااااااااااي للحين متحطمه على زل ام سي شئ خيييييييييال والله لو اعرف انزل الصور نزلتها لج
فينا عاديه ما عجبتني كلها هوم لس وحرررررررررررررررر موووووووووووووت سوقها عادي نفس الكويت... زل ام سي خييييييييييييييييييييال صج صج نقاهه واستجمام طبيعه وبراد واسعارهم حيل معقوله مو مثل فينا ارخص بلمطاعم والاوتيلات وكابرن حيل ارخص بس حييييييييييل هاديه مافيه صوت بس فيها امارتين وكويتين والشقه ب 20 دينار اليوم ورحنا الثلج الي بكابرن واااااااااااااو صج بدعنا ولما نزلنا من الثلج لقينا البقر الله يعزج قاعد عند النهر الله لايوريج شسووا الكويتين بدعوا احس حتى البقر انصدم......وااي لو انزل لج الصور تحطميييييييييييييين والمطر العجيب الي بس رشرشه خفيفه تقريبا يوميا ينزل علينا......رحنا سالس بورق مغارة الملح الي هناك عاديه مو واااو.. عقب رحنا القلعه والسوق الي هناك حلو بس مو واااو نفس الكويت يمكن بس الاحذيه الطبيه عندهم حلوة ورخيصه...رحنا فلاخو حيييييييييييييييل حلوة وهاديه صج نقااهه...وقارمش بالمانيه نفس كابرن وزل ام سي حيييييييييل حلوة....وختمناها بميونخ حييل حلوة وسوقها حيييييييل حلو واسعاااااااااااارهم حييييييييييييييييل ارخص من الكويت...صج اوت لت مال فينااااااااااااااا حييييييييييييييييل حللللللللللو ورخييييييييييييييييييييص بشكل ماتخيلينه السفرة كلفت علي انا وزوجي وعيالي 2 الاقامه والتذكرة والمطاعم مع التسوق 4000 دينار 18يوم
اتمني اني فدتج ....

__________________________________________________________________________
حسبي الله لااله الا هو عليه توكلت وهو رب العرش العظيم

 

[يبيلك قلب مايتعب]

مشكورين حبايبي ماقصرتوااااا


طيب بعرف المسافه من الكويت لنمسا دايرك جم ساعه لاني اكره الطيران

 

[Samurai]

ما في طيران دايركت ازل ام سي .. اقرب مطار دولي اهو ميونخ .. ومافي دايركت لميونخ من الكويت .. حتى الطيران الالماني اللوفتهنزا ترانزيت فرانكفورت ..

 

[~ غـــيـــر البِشـــر }}]

مادري والله

بس ادعولي اروحلها شهر عسل

الصراحه خاطري فيها

 

[يبيلك قلب مايتعب]

طيب ردوا على سؤالي من الكويت لنمسا جم ساعه

 

[مناوى 99]

رد : يبلها النمسا

لا تاخذين اللوفتهانزا ..............

اذا بتشيلين وزن لانهم يحسبونج على العشرين كيلو بس
والزايد من مخباتج
ووايد صارمين بس الطياره والمواعيد مضبوووطه

 

[Samurai]

طيب ردوا على سؤالي من الكويت لنمسا جم ساعه

الطيران الوحيد.. الوطنيه وتوديج فيننا .. يمكن 5 ساعات ونص .. وفيينا تبعد عن زلامسي 4 ساعات و نص بسياره او قطار

 

[منهاتن]

اب اب

 

[دانة البحيرة]

بما اني من محبي الشوبنج راح اتكلم لج عن السوق

طبعا الات ليت عجييييب وكبييييير

وعندج شارع ماريا هلفر اسعارهم خياليه محل c&A رووعه واسعاره روووعه على 4 يورو و5 و6
وااايد محلات حلوه واسعاره رخيييصه ومب موجوده عندنا

واغلب المحلات عندهم تخفيضات 70% هذا في ماريا هلفر

وبعد عندج مجمع ستي سود سنتر كبيير واسعاره خياليه ..

خذت هدايا للكل

وبالنسبة للمناطق فيينا للتسوق وزيلامسي لا تفوتينها ومنها روحي قمة كابرون والزحليقة اللي في السلفدين
ويكفي التمشي في زيلامسي خيااااااال

على قد ماسمعت عنها ومع ذلك انبهرت بطيعتها وازقتها >>>> حلوة ازقتها خخخ

في زيلامسي احنا سكنا في فندق لاتيني سعره حلو وفي حديقة الفندق الفرع الثاني لمطعم على بابا
ومايبعد وااايد عن البحيرة ..

هاي اللي اذكره ..اي سؤال انا حاضره لان توني واصله

 

[White Musk]

النمسا بلا منازع شوفي تقريري كاميرتي بانمسا 2008