يبوني احبه بعد!

[SanFoRaa-88]

بسم الله الرحمن الرحيم

حابه اتكلم عن اللي فيني انا هل ايام نفسيتي تعبانه

بقولكم بدايه سالفتي

ابوي تزوج امي ويابوني ويابو اختي لصغيره

وانفصلو

ابوي تزوج وياب 3 يهال والحين كبرو بالابتدائي والمتوسط وعايشين مع ابوي وامهم

المشكله ف أبوي

واااااااااااايد يفرق! شنو سبب مادري يعني احنا مو عياله؟

بقولكم اشلون..........

عمره وحياته شوفو عمري 23 سنه مايبلي تلفون او كمبيوتر او لابتوب او اي جهاز!

عمره ماعطانا مبلغ بأيدنا وقال اشترو اللي بخاطركم!

كان يعطينا حق العيد 50 وبس ماكو غيرها مادري شتكفي بهل زمن .. قبل سنتين وثلاث واكثر

اما عياله هذيلاك..

الايفونات والسامسونق اليديد والبي بي وترا يهال اعمارهم 12 اكبر وحده

وكل واحد منهم ايباد وغير تلفزيوناتهم ايدد شي والسوني 3 والايبود

تخيلو ايباد وايبود!

مادري شلفرق بس فسق

ولبسهم ماركات ويهال! والله مره كنت معاهم بسوق شرت نفنوف عادي حق العيد حق بنتها ب60
من غير الشوز تكرمون والجنطه وغيره

واحنا ب50 يبينا نتشرا

وغير النظارات الشمسيه على 90 وطالع ترا يهال حرام مايهتمون بالشي بس عادي ايده راهيه عليهم

واحنا والله العظيم لما كنت اطلب منه 20 لما كنت بالثانويه يسألني ليش تكون بخاطري تنوره ولا نفنوف يقولي نطري لي اخر الشهر وغير التحقيق ونفسيته تنقلب!

كبرت وسقت ابي سياره

قالي مالج غير 3 الاف وخذالي قرمبع من المكاتب وطاحت سنتين وتسخربت خلاص بعتها على خرابها

ومرته اول ماخذها طلعت ليسن

كانت حتى ليسن ماعندها لان ماعندهم سيارات

وفتح لها سياره ب10 او 8 تالاف وهل حجي قبل ماتييب عيالها يعني فوق ال10 سنين كان هل مبلغ شي عود

وبعدين خذت جيب ب10 اذا مو اكثر

وتالي افتحت سياره ب23 الف

وقبل سنتين خذت سياره ب10

والحين قبل شهر افتحت سياره ب12

وكلهم من وكاله ماتستنزل تاخذ من المكاتب

بتقولون من معاشها ..

ماكانت متوظفه توها توظفت من بعد ماخذالها الجيب هني توظفت

والسياره ام 10 للحين تدفع اقساطها

بس الاخيره ام 12 حطتها على ظهره اكيد

وغير هذا تعالو شوفو سفراتها والتفسفس واللعب بلفلوس شوفو بيتها

والله ان كل سنه او سنتين بالكثير

تقط كل اثاث غرف عيالها

وتصبغ وتتشرا اثاث من يد ويديييد تحب التغير الاخت

ولوتشوفون حالتها قبل لا ياخذها ابوي

طبعا وانا صغيره رحت مره بيت اهلها مكان خايس وبعيد و مو بيت استغفرالله ما اتشمت بس اقول حالتها اهيا مو كويتيه

بس الحين شوفو حالها لعانه

فاره مخ ابوي فر

اختي اللي اصغر مني كبرت وتوها ساقت وتبي سياره

قامت وفتحت السياره الاخيره واهيا مو بحاجتها بس عشان تضايقه بالاقساط وماياخذ حق اختي سياره!

وفعلا ابوي قالها موقادر

زين ليش هل تفرقه؟؟

ويبينا نحبه!

يبيني اسأل عنه

انا اسأل عنه وادق عليه واروحله بيته وعادي

بس يبيني بزود بزوود

الصراحه ماقدر

انا اجاامله لان لما اشوفه جذي يفرق بينا سوري بنات على الكلمه بس قاعده اكرهه والله

لان عمري ماشفت منه شي

يقط عليها بالالاف وانا بيش بغيت 20 دينار كان يذلني ويقولب بويهه!

ويبينا نحبه!

اختي قبل جم يوم تبي تأجر خيرنا و والله لفلوس ميمعتهم من معاشها ينزلها معاش لانها قاصر 170

المهم وتبي تأجر نقصها 20 دقت عليه والله انه ماعطاها قالي ماعندي قالتله ان تبي تستانس من زمان ما أجرو يقولها مولازم حتى احنا ماعندنا ولا ودنا نأجر

وبعدها بجم يوم نسمع انه رايح البر

وبعدها بشهر سافرو سبوع

والحين مرته رايحه فندق لانها تبي تغير جو اهيا وبتها!

خوش ماعنده 20

ومافكر يعطي اختي شي وقعدت تبجي ولا راحت

امي ماعندها قاعده بشقه والاجارات نار ومعاشها 700 وشي

وحزتها ماكان عندها

ولا لا والله امي ماكانت تقصر معانا بشي

بس انا متزوجه صارلي سنه

وابوي كله يقولي ليش ماتمريني تعالي

يبيني كل يوم عنده

وانا امره بس كل سبوع او سبوعين

الصراحه ماقمت احب اروحله

ولا اكلمه ولا اشوفه

ولا فوق هذا مرته لاعبه لعب من وراه جان زين فوق كل هذا حاطه بعينها

والله ان طباخ ماتطبخ عمره ما اكل عيش فبيتهم كله مطاااعم والله ماجذب طاعو جم سنه صارله واهيا مره شكبرها

وساكت حابها ولاتجيس ولا تنظف

وخدامتها فلبينيه بس حق تنظيف والاكل كله مطاعم

وفوق هذا حتى عياله هذيك المره وانا عندهم وابوي طالع

قاعدين يسولفون اليهال

ولا واحد يقول لثاني

تحب ماما ولا بابا اكثر

ولا كلهم يقولون ماما مانحب بابا

هذول اللي قاعد يتشرا لهم مثل امهم مايبين بعيونهم

 

[Tom ♥ Jerry]

,


لا حول و لا قوة الا بالله العلي العظيمـ !
الله رآح يحاسبه على هالـ شي
لآنه آلله عزوجل آوصى بالعدل و آلله يهديه يً رب

 

[لمعة سراب]

شنو فيها لو تروحين كل يوم عند ابوج خيرر؟؟؟

ابوج يفرق بينكم غلطان صح

لكن انج تتكلمين عنه بهالطريقه الغلط راكبج!

ابوج هذا لو شنو يسوي ماتكلمين عنه جذي

وتحبينه وتبوسين ريوله بعد ،، هذا وانتي متزوجه عيب عليج!!

واحب اقولج ياللي ناويه تكره ابوها عشان سياره

قال صلى الله عليه وسلم ( كما تدين تدان )

 

[تُخْفِي غَلَاها]

.,
لا اله الا الله ​

 

[عاشقة الأبيات]

حسبي الله ونعم الوكيل ، الله يسامحه صج اهوا غلطان بس اذا ماحبيتي ابوج تحبين منو؟ مهما كان ومهما سوى مجبووووورة تحبينه هذا أبوووووووووج تعرفين شنو ابوج ! يمكن مرته فارة مخه بس لو بتقنعيني من اليوم لين باجر انه اهوا مايحبج ماا رااح اصـــدق ،، لازم تزورينه أكثر هاذي صلة رحم ، اذا صلتج بالرحم مقطوعه يعني صلتج بالله مقطوعه !! الله يعينكم ويصبركم .. يمكن أسلوبي مو شي بس اسفه لأني انفعلت .. تقبلي مروري​

 

[بنت الأجوااد]

حبيبتى محد فار مخه اهو جذى يعاند امهم ويبي يحرها بس

وخائف يتمشكل مع زوجته ويطلق مره ثانيه هذى القصه

خليه يتمادى براحته راح يتحمل ذنبه محد بشيل عنه

انتى متزوجه اهتمى بنفسج وحياتج وامج وزوجج ولاتقولين لزوجج عن مشاكلج انتى وابوج عشان مايستغل هالموضوع عدل

تصرفي مع ابوج رسمى وماعليج منه خلاص انتى صار لج بيت وحيات واختج بكره هم تزوج وتصير لها حيات وبيت

وامج الله يعينها على حياتها الجديده بدونكم ولاتقصرون بامكم لانها ضحت عشانكم وبالاخير بتكون وحيده

اما ابوج لا تزوج وجاب عيال يعنى ماهو بروحه

تواصلوا مع امكم اكثر لانها بحاجتكم اكثر من ابوكم

حسبي الله ونعم الوكيل على كل ظالم مايخاف الله

 

[r0007]

اممم والله حاسه فيج
بس مدري ليه احس انو زوجته مسويه فابوج شي

انتي الحكم
هل كان ابوج لما كنتوا صغار ج>ي ولالا

يمكن هو مو اعي على تصرفاته
احرجيه شوي
يعني مثلا خلي اختج تطلب من ابوج مبلغ
وا>ا ما عطاها خلها تطلبه منج واعطيها

وبعدين لين كنتي بروحج مع ابوج خبريه انو غلط الي يسويه ووو
فضفضيله

 

[fulla 7elwa]

الله يعينج و ماشاءالله عليج مستحمله انا لو مكانج انتحر

 

[دلوعة صلوح]

لا حول ولا قوة الا بالله الله يعينكم ويهدى ابوكم لكم يارب العالمين

 

[Vdieta]

الله يعينج

 

[ya al3rosa]

امممممممم مادرى شقولج واللة بس همن اهو الغلطان لا ماسواكم بالعدل انتى واهما كلكم بناتة حاولى كثر ما تقدرين تكلمينة او خلى بنتة تطلبة واذ عطاها قوليلة كاهو انت عطيتها وما عطيتنا شنو الفرق بينا

 

[mi corazon]

شنو فيها لو تروحين كل يوم عند ابوج خيرر؟؟؟

ابوج يفرق بينكم غلطان صح

لكن انج تتكلمين عنه بهالطريقه الغلط راكبج!

ابوج هذا لو شنو يسوي ماتكلمين عنه جذي

وتحبينه وتبوسين ريوله بعد ،، هذا وانتي متزوجه عيب عليج!!

واحب اقولج ياللي ناويه تكره ابوها عشان سياره

قال صلى الله عليه وسلم ( كما تدين تدان )

????

شوي شوي اختي

====

اختي صاحبة الموضوع .. صحيح ان الرسول صلى الله عليه وسلم امر ببر الوالدين

لكن هم امر الواد بالعدل بين ابناءه وشدد عله هالشي

لكن انتي مبين انج قلبج ابيض وطيبه

ومهما سوى فيج قاعده تزورينه مع انج شايله بقلبج عليه

بس ما تفكرين لو باجر طاح وكبر ومرض وتخلوا عنه عياله اللي مدلعهم وزوجته اللي مسيطره عليه

منو بيبقه له بالنيه؟

صدقيني بيحس بقيمتكم .. اهو الحين لاهيته الدنيا

والواحد يدور له اهل .. وانتي الحمدلله عندج

بريه وخلي هالشي لوجه الله مو بمقابل من ابوج

وشوفي التوفيق بدنيتج شلون بيكون

الله يحنن قلوبكم يارب

 

[tmnaitah ~]

الله يعيينج ويحنن قلبه عليج
تحملي بعد شتسوين هذا ابوج مهما كان
مصيره يكبر ويحتاجكم لنه انتو الكبار وراح يحس بالندم
وادعيله بالهدايه

 

[granted]

اوك ابوج غلطان انه مايوازن بينكم وحسابة عند ربه باجر

بس انتي الله يهداج قاضبة قلم وورقة وقاعدة تحسبين عليه شنو صرف وشنو حط وهذا وايد وهذا شحقة
يشتري ليش وشحقة يسافر @@
حبيبتي منو مايسافر الحين حتى الي ماعنده ياخذ قرض ويسافر

اهو غلطان ان مايصرف عليكم صح انا معاج ويحز بنفسج ان ماقاعد يعدل
بس مو من حقج اتحسبين وتنبشين وراه
اهي فلوسة ووحلاله لو يبي يحرقهم بكيفه محد بيقوله شقاعدتسوي!
والله حالة انتي بتورثينة واهو الله يطول بعمر عايش

موضوعج كله شرا سيياير شرا فون شرى لابتوب لا سافروا :eh_s(14):


انتي اتحجين عن الفلوس فلوس فلوس انزين علاقته العاطفية وياكم اهم شي يسال يشتاق لكم
كاتقولين يقولج ليش ماتدقين علي؟؟ معناته يبيكم ويشتاق لكم ولكم مكان ابقلبه حرام عليكم والله:eh_s(1):



لو لاسمح الله صارت مشكلة بينج وبين ريلج ترى محد بيوقف بويهه الا اهو
ماراح تتخيلين الشعور لمن اتقومين الصبح على خبر انه توفى الله يطولكم بعمرة والصدمة
بتحسين بطعنة وانج ضايعه وضعيفة وكل من يستقوي عليج ومحد بيحسب لكم حساب والي كنتم متسندين عليه ومو حاسسين بين ايدين ربه....
ترى الابو عزوة وسند ومحد يحس بهالشعور الا لمن يجرب




طبعاً ردي ماراح يعجبج متاكدة من هالشي بس الرسول صلى الله عليه وسلم يقول (المستشار مؤتمن)
باجر تروح السنين من ايدينج واتحسفين على كل كلمة قلتيها بحقة وبالنهايه محد بيدوم لحد *

 

[bitter-sweetness]

حبيبتي انا معاج اهوا غلطان
بس ما يجوز تقطعينه
روحيله لو بالويك اند بس
و حاولي تدقين عليه كل يوم
او يومين
هذا ابوج مهما كان

 

[لحظآتَ]

ياربي بفهم شيء واحد !
مايخاف باجر من ربي لا تحاسب عليكم ؟!
انتوا في ذمته وكلكم راعٍ وكلكم مسؤول عن رعيته ؟!
يعني معقولة يجيبكم .. وبمجرد انفصاله عن امج خلاص طلّقكم انتوا بعد ؟
ياربي بعد ما يُعقل هالشيء والله !!!!!​

لا حول ولا قوة الا بالله
ادري ان شعور التفرقة شعور مُر وخايس محد يبلعه
هذا غير القهر والحرّة .. لكن شنو بيدكم تسوون ؟
مالكم الا انكم تعاملونه بالاحسان .. ربج قال :- [ وعاشرهما في الدنيا معروفاً ]
يعني عامليه بالمعروف وكل اسبوع طلي عليه مره .. اسمه ابوج بعد مهما صار ..
والله يهديه يارب .. ويصلح باله ..​

,​

 

[أحلى البشر]

الله يغنيكم عنه ولايعوزكم لفلوسه انتو واصلوه باللتي هي احسن وطوفوا وربي بيحاسبه على تفرقته

 

[Patcholli]

حبيه عشان اسمه ابوج وطلب الاجر ورضى رب العالمين وخلي سالفة الفلوس والماديات لا تلتفتين لها

 

[صادقة بكلمتي]

حبيبتي اهو غلطان انه ماعدل بس لا تقولين اكرهه الا ادعيله الله يسامحه ويهديه هذاابوج اوسط ابوب الجنه رضا الاب تحملي الحمدلله كبرتي ودرستي ومتوظفه وتزوجتي لا تقاطعينه كوني الاحسن وديه واوصليه مهما سوالج الا في يوم من الايام الله يهديه بدعاج وكل انسان اثمه عليه وبياخذ جزاه من الله لكن مايجوز من الله تكرهينه ولا تكرهين اخوانج منه لان مالهم شغل اهم طلعوا على الدنيا وخذوا من خير ابوج ادعيله لليل ونهار ادري شي يحز بالخاطر بس صدقي بالله وضخ دنيا الفلوس والسياير والله لا قدر الله باجر لو طاح ولا مات اتحسفين انج ما كنتي بارة فيه مع تفرقته ارضي ربج وتوكلي على الله والله يعوضكم من حيث لا تحتسبون وما تحتاجون لاحد ادعوله الله يهديه

 

[كويتيه سمره]

وي وي بنات شوي شوي رحم الله والديكم الواحد جذي يكش ويتحسف انه فظفظ
انا اقول روحي كلميه مافيها شي واشكيله جود الله يسخره لكم ويهديه
اللهم اني اسالك ان ترزقها بر والديها