- إنضم
- 21 يوليو 2011
- المشاركات
- 73
- مستوى التفاعل
- 0
- النقاط
- 0
السلام عليكم و رحمة الله و بركاته
بنات أنا وايد ترددت قبل ما أحط موضوعي
يمكن لأن أول مرة أحط مشكلة شخصية لي
بس بنات الله يرحم والديكم ساعدوني .. و لكم دعوة مني بظهر الغيب :eh_s(2)::eh_s(2):
أنا عندي في البي بي قروب يطرش أشياء عادية و صاحبه شخص طيب و محترم :eh_s(7):
بديت شوي شوي أسولف وياه و من أسلوبه يبين عليه انسان راقي و متفتح
و من أول مرة كلمته حسيته دخل قلبي بسرعة و ما اشبع من سوالفه
بديت أتعلق فيه و صار بينا اعجاب :eh_s(22):
لين يات مرة و طلب مني اكلمه في التلفون :eh_s(2):
في البداية رفضت و عاندت .. لأن ما عمري كلمت صبي و ألزم ما علي سمعتي
قعد يقولي كلام حلو و أشياء أول مرة أحد يقولها لي لين ما ابليس تمكن مني و عطيته رقمي :eh_s(2):
اتصل و قعد يسولف و أنا ساكتة و منصدمة :eh_s(1):
أخلاق و ذوق و أسلوب يهبببل و ياخذ القلب :eh_s(17):
بصراحة حبيته .. و حبيت كل شي فيه .. و صار أيامي مو حلوة اللي ما أسمع فيها صوته :eh_s(2):
و كنت ثقيلة اهوه يقولي أحبج و أنا ما اعطيه ويهه على الرغم من إني أحبه
صدقوني يا بنات إني حبيته لدرجة إن ما صرت أطالع و لا ريال
لأن إذا جفت ريال غيره أحس روحي ما أصونه حتى لو بنظرة :eh_s(2):
و قعدت أكتب فيه خواطر في دفتري الخاص .. بعطيكم مثال
(( أشعر باشتياق شديد إليك ..
على الرغم من أنه لا يفصل بيننا إلا سماعة الهاتف
و علاقتنا قد تكتمل أو تنقطع ..
إلا إنني صرت أخاف من فكرة انفصالنا ..
أنت تعيش في داخلي كالروح ..
الروح التي تحتاج إلى قوة عظيمة كي تُنتزع ..
لو لا حجابي الذي ألبسه ..
و لو لا تلك القيود التي تُسمى أعرافاً و تقاليد ..
و لو لا حيائي الشديد الذي لا يجعلني أخبرك حجم حبي لك ..
لأتيتُ إليك حيثما أنت ..
و احتضنتك بشدة .. و صرختُ بالعالم أجمع أنني أحبك .. ))
يمكن هذي أهدأ وحدة في المشاعر :eh_s(16):
و تمينا على هالحال لين ما صارحته إني أحبه
و عقب فترة قال إنه يبي يتقدم لي .. و صار يجهز روحه للزواج على حسب كلامه
و انا هني ارتحت أكثر لأن دايماً أتمنى إن أول شخص أحبه يكون زوجي
تدرون إنه وعدني إن يتزوجني من شهر 4 و كان دايماً يتكلم عن هالموضوع
و خططنا مع بعض لكل شي و قال لوالدته و كمل تجهيز المكان اللي بنعيش فيه على حسب كلامه
و ليومكم هذي دايماً يتعذر بحجة الشغل اللي عليه
لحد هني كل شي تمام و بيرفكت لين ما تغيرت الأحوال
صار على أقل شي يزعل .. و صار يقول حجي مثل السم
هذاك اليوم قال لي في الويهه
( إنتي يبين عليج ما كلمتي من قبل .. لو واحد مكاني من زمان خذ اللي يبي و خلاج تولين ) :eh_s(2):
لأن احنا ما جفنا بعض و لا التقينا في مكان
و طلع الكلام اللي قاله لي عن نفسه كله جذب .. منطقته أسامي اخوانه سوالفه حتى تاريخ عيد ميلاده
لأن أنا حافظة كل شي قاله أول ما كلمني .. بعدين شوي شوي بدأت الأشياء تطلع
حتى يوم سألته ( ليش جذبت علي ؟ ) قال ( كيفي أبي أيننج )
لا و مطرش لي صورة ريال وسيم يقول إنها صورته .. و موصيني ألف وصية أحفظيها و لا يجوفها أحد و هذي أمانة :eh_s(2):
شوي إلا أجوف هالصورة موجودة في كل مكان .. و يوم قلت له .. قال ( هذي الصورة منتشرة ما ادري من نشرها )
و بدأ يقول لي كلام ما يعجبني .. يعني يتغزل في جسمي و أهاوشه و يزعل و بعدين اروح اراضيه ..
على الرغم من ذلك أنا غفرت له هالأمور لأني صج أحبه و لأنه يشتغل في مكان حساس و ما يصير يقول كل شي عنه
على الأحداث اللي صارت في البحرين .. و صارت أزمة ثقة بين الناس
في هالفترة الأخيرة صار ما يعطيني ويهه .. إذا اتصل له يا يصكه يا يكون ماله بارض يتكلم
أو إذا كلمني نسولف دقيقة و يقول بصكه و بتصل بعدين و لا يتصل
بصراحة حركاته مالت واحد قاعد يتهرب و شكله نفسه طابت مني :eh_s(2):
بنات أنا حاسة بتأنيب الضمير لأن أعرف الشي اللي اسويه غلط
أطالع أبوي و أخواني على الفطور أقول حرام ما يستاهلون مو مقصرين عني
أروح أصلي التراويح أحس الله ما بيتقبل مني لأن في شي غلط
اللحين ما ادري أكمل معاه لو أخليه يولي ؟؟ :eh_s(2):
شورو علي محتاجة لنصيحتكم :eh_s(2):
مشكورين و آسفة على الإطالة
