يتحرش قبال ريلي

[استبرق أم علاوي]

السلام عليكم


شلونكم يا حلوات

صارلي ذاك اليوم موقف بااايخ مع واحد قليييل حيا قليييل ادب

كنت مع ريلي بالسياره وريلي قاعد يصفط ويطالع المنظره وانا اطالع جهة دريشتي عشان اذا مرت سياره اقوله لايرجع عليها
ويمرون شباب وواحد منهم قام يغمزلي

امبي بنات انصدمت يعني ياغبي ريلي معاي ماخاف اقوله وينزل يعطي كف

بس

















انا سكت وماقلت حق ريلي بس لفيت ويههي ماابي تصير هوشه وطقني واطقك واحنا طالعين بنستانس وريلي من النوع اللي كله بيمد ايده


لو انتي مكاني شتسوين تقولين حق ريلج ولاتطوفين
وشنو تتوقعين ردت فعل ريلج؟

 

[~LiBrA~]

رد : يتحرش قبال ريلي

اكيد ماااقول ناقصه هواش وبلاوي احنا طالعين نستانس مو نتهاوش

بس هالشباب صايرين لا حيا ولا مستحى حتى لما تكونين مع ريلج مو خالصه منهم

 

[ام شووووق]

رد : يتحرش قبال ريلي

زين سويتي ووانا بعد جم مرة اسوي نفسج ولاكني شفت شي

عاد ريلي يموووووت بالطق والهواش حده غيووووووور

 

[sweet dashttya]

رد : يتحرش قبال ريلي

لا زين سويتي تخربين طلعتج من صجج

 

[a7la MUM]

رد : يتحرش قبال ريلي

وااااااااايد تصير بس ما يلاحظ وانا ماقول الا مرة وحده قتله وليتني ماقتله كنا بنسوي جيك اوت بفندق النخيل واهو راح يسوي الاوراق وانا قعدت عاد في ريال عود طاااااااااايح خز ويتبوسم كبير موصغير عمره30وفوق شكله
والمصيبه يدري ريلي معاي عاد يوم ركبت السيارة قتله ومااااااااااتوقعت رد الفندق ويدوره مالقاه اشووووه على حظه
بس العيب فيني انا كنت حيل اوفر حييييل شكلي ملفت بس لان ان مسويلي مفاجئه من حفله استقبال ولادتي وداني الفندق فاللبس كان اوفر جني عروس مااصبحت على قوله امي<<وايد قرقت

 

[Al-RoRo77]

رد : يتحرش قبال ريلي

وعليكم السلام ورحمة الله وبركاته
زين سويتي
وانا لو مكانج اكيد مااقول حق ريلي لأن ريلي عصبي وايد واذا استلم احد او نرفزه مايهده
بس فديته حنون وطيب بس اذا عصب يصير انسان ثاني

 

[afesa]

لا ما فيه داعي تقولين حق ريلك من صجك؟؟حق الهوشه والنجره الاحسن بلعيها وسكتي

 

[دلــــع البنــــات]

رد : يتحرش قبال ريلي

شااااااااااااااااااااااطرة وما له دااااااااااااااااااعي تعلمين

هذا شباب وجهال وخبول ما يفهمون .... الله يهديهم يا رب ويخليهم من الشباب اللي نفتخر فيهم

الحمدلله ... انج ما قلتي ... بعدين يحاسب ع كل شي

ويمكن يركب فيج الغلط

والله شااااطرة ويااااااااااا رب يبعد عنكم كل مشكله يا رب

 

[أم@الحلوين]

لا طبعاً ما أقوله أحنا طالعين نستانس ونغير جو مو نتهاوش
أنا أعطيهم طااااااااف ولا أنزل مستواي لمستواهم الواطي بس ديري بالج تقولين حق ريلج تعرفين الرياييل
بسرعه يعصبون ويطقون وعشان واحد تافه يدخلون المخافر الله يبعد عنه وعنكم هالبلاوي يارب

 

[بـاسي قــوي]

رد : يتحرش قبال ريلي

لااا موصااحين انا حتى و انا شايله ولدي يتحرشووون المشكله بعضهم مو يهال نقول عنهم مخهم صغير لا كباار مالت عليهم .. وااي يحروون :23_asmilies-com:​

 

[اخلاص1]

رد : يتحرش قبال ريلي

عيدج مبارك حبوبه من تجربتي الي وصلت فيها لطلاق اني كنت اقول كل شي لزوجي حتي معاكسات الدوام وقام يجي ويتجسس -ولبسني النقاب ومانفع اخرتها شنو كرهني بحياتي اخذ سيارتي ولما اروح بيت اهلي يدق علي اخواني وامي يعني راح تفتحين علي نفسج باب صعب يتسكر

 

[اخلاص1]

رد : يتحرش قبال ريلي

حسبي الله ونعم الوكيل بعض الشباب فيهم قلت ادب

 

[Lemon Juice]

مو اهما ما سووا جذي الا لأنهم عارفين أكثر الحريم ماراح يتكلمون وبيمشون الموقف ما يبون مشاكل

يدرون لي قالوا حق رياييلهم بتصير سالفة وهواش وطق

ما ادري نوعية هالشباب ما عندهم حريم؟ خوات؟ أمهات؟ محارم؟!

جان زين يحطون أهاليهم جدام عيونهم قبل لا يسوون أي تصرف سيء

الله يهديهم وينور بصيرتهم

 

[M!sS_D!oR]

وييييييييييه حسبي الله ونعم الوكيل
لا والله مااقول دام ماشاف مو عشان عاجبني الوضع لا والله بس مالي بالمشاكل وورا هالسالفه يمكن تصير ذبحه بالشارع
موقف بايخه حده

 

[amna_83]

زين سويتي ماقلتي حق ريلج
جان الطلعه كلها اختربت على شي ما يسوى
والله يهدي شباب هالوقت
بعضهم طايش ولا يتحكم بتصرفاته

 

[فـرفـر]

ديررررررربالج تقولين له
اصلاا حتي لو قلتي له راح تاكلينها انتى
بقول ليش لفيتي وجهج وطالعتي
وراح يدقق علي كل حركه تسوينها وتفتحين علي نفسج باب
سكتي وسوي روحج ماشفتي شي

 

[miss_solitaire]

رد : يتحرش قبال ريلي

لا لا لا

لا تقوووووووووووووووووووووولين

ابداااااااااااااااااااااااااااااااااااااااااااااااااا

 

[شيخه الحلى]

لو أنا أكيد ما أقوله عشان لا أقثه
اهوا مطلعني وأقثه ليش عاد
طز قمز ولا قعد عاد

 

[صباح الليل]

زين سويتي انج ماقلتي
ولا جان صارت بلاوي ويمكن توصل مخافر
اذا اهو سفيه وقليل ادب خل يولي لااتدخلين ريلج معاه

 

[BiiShOoO]

الرياييل ما ينقالهم هالشي و لا بيعفسون الدنيا