يحبني ولا لا ؟

[ana 7elwa]

السلام عليكم بنات

شلونكم

ابي ردود سنعه اللي عندها رد مو حلو مالاداعي تكتبه الموضوع يتعذرها

بناااات فيه واحد يحبني

انا ما ادري اذا صج ولا لا

بس حيييييييل يذل عمره لي حييييييل بشكل ما تتصورونه

انا احقره ما ارد عليه ولا اطنشه ولا ادقره بس حيييييييل متمسك فيني

اقوله يالله تبيني اخطبني من اهلي بس اهو يقولي ابييييج بس والله ظروفي ما تسمح

ابوي مسافر علاج واهلي معاه

قلتله اي اعرف جذوبكم انتو الشباب من اقول اخطبني تطلعلي مليون عذروب قالي والله والله والله العظيم

كله يتصل ويقولي ابيج لي انا ابييييج انتي ماكو احساس انتي ما تحسين

وبعدها يتكلم بكلاااام مادري شلون كلام قوي مثل اللي بين المره وريلها

بنااااات شسوي مااابي اتمادا بالموضوع ومو عارفه شسوي

انا احبه بس مو وااايد ويكسر خاااطري احسه يتعذب عشاني وانا مادري صح اللي اسويه ولا غلط

هل انا قاعده اذله لانه ما اعطيه ويه شسوي

للعلم تعرفت عليه في مؤتمر وكان يطلب رايي بشغلات والديكورات لانه مسؤول هناك

ويقولي البنات يتمنوني وكله يتلزقون وانتي جذي تسوين فيني ترا نخسر بعض

رديت عليه انت اللي تخسرني مو انا اللي اخسرك

وتهاوشنا

شراااايكم بنات مابي اطيح بالغلط

 

[>>beauty<<]

بصفته شنو تكلمينه؟؟؟!!!! !!!!
وشلون تسمحين له يتمادى بالكلام معاج ويقولج كلام ينقال بين الزوج وزوجته؟؟!!

 

[اللعبه]

اهم شئ يتعذب علشاني

اقول مادرى عنج​

 

[اللعبه]

مادرى عنج .. بس احسن شئ يتعدب علشاني

 

[Model Look]

الله يستر عليج

مادري شقول

بس نصيحه لا تخلينه يتمادا حافظي على نفسج

 

[ترانيم القصيم]

شوفي يا قلبي .. ^_^

خوذيها قاعدة :

الرجال آللي يحترم البنت .. ( يحترم عفافها ) مستحيل يغازلها ,إحترامًا لعفافها ,,

شاب يكلمك و يغازل = ما يحترمك ..

و شي بالحرام مستحيل يمشي ,, و إذا مشى بالدنيـا ,, ما يمشي بالآخرة ,,

حلو إنك لجأتِ و استشرتِ يا عسل ^_^ و هذا يدل على إنك إنسانة خلوقة و متربية و ما ترضين بالغلط

العلاقة المحرمة أقبح و أشنع غلط ,, يوم إنك تشوفين بنت طايحة بعلاقة محرّمة ( قولي اللهم لك الحمد و الشكر أن هديتني لسبيل العفة )

و جنّبتني سلوك الدروب الزلقة ,, اللهم اهدِ بناتنا و لا تُخزيـنا بهن .. البنت بلا أخلاق ,, كالشّجر بلا أوراق ,

و ترى أكثر شي يغيض الكفار و الفسّاق و بني علمان و ليبرال ( عفاف الفتاة المسلمة ) , التزامها بأدبها و دينها

و حجابها الشرعي .. البنت حيية الخلوقة المتمسّكة بدينها و بمبادئها و حياءها ,, هذي تنحط تاج على الرآس

و لها أجر عظيـم و ثواب جزيل من رب العباد ..

هذا آللي تكلمينه لعّاب و كذاب و راضع من أقرب ( قمامة ) الله يعزك .. و حتى لو ناويها زواج ما يسلك هالطريق الحقير الوضيع

شرع ربك دليلك ,, و ربك بقول :

( غير مسافحات و لا متخذات أخدان ) .. و الخدن هو الخليل و العشق .. << يعني هالآية تغنيك عن ألف رد و نصيحة

يكفي إن الله حرم هالعلاقة و ذكر ذلك في محكم آياته ,, العلاقة المحرمة طريق مباشر للزنـا ,,

يقول الله سبحانه و تعالى : ( و لا تقربوا الزّنـا .. إنه كان فاحشةً و ساء سبيلاً ) ,, و إلا اللقطاء آللي كثروا هاليومين من أيش ؟

منـا و الطريق ؟ و إلا لأن السبب كانت علاقة محرّمة ابتدأت بمكالمات و أكاذيب و ضحك على عقول البنات ؟

انتيهي لنفسك يا عسل ^_^ ,, و لو ما أحب لك الخير ما قلت هذا الكلام ,,

السعيد من اتعظ بغيرهـ ,, لا من وعظ الناس به ,,

انتبهي تخلين نفسك في موضع ( تتعظ الناس منه ) , و إنما اتعضي بغيرك و احمدي الله على نعمة العفاف و الستر

و تذكري ( من ترك شيء لله عوضه خير منه ) ^_^

فكري بكلامي حبيبة قلبي فديتك ..

إحترامي و تقديري

ترانيم القصيم

 

[زين الوصايا]

رد : يحبني ولا لا ؟

اقوول خليه يولي عاااادي انا مطنشة واحد قالي نفس الكلام قلتله تبيني اخطبني من اهلي
الشباب يجذبون هل الايام الله يستر علينا وعليهم وعلى جميع المسلمين

اقولج مني نصيحه لوجه الله
لاتكلمينه لان اذا كلمتيه تخسرين الف مره والف ريال وسمعتج تطيح صدقيني وايد عوائل طاحوا سمعتهم لا تطيحين سمعتج والله تفيدج باجر لاقالوا بنت فلان قالوا ونعم محترمه ومو راعية سوالف ولا اذا قالوا بنت فلان لا والله هذي تكلم اكثر من واحد وتواعده وخربانه وكلامها بس عن الرياجيل
للبيع ايبود تش 32 قيقا بايت بسعر مغري للاستفسار بالخاص

 

[ترانيم القصيم]

كوني أجمل من الحورية :

http://www.abdelmohsen.com/play-933.html

أنصح جميع الأخوات بمشاهدته ,, فلاش رائــــــــــع جدًا ..

 

[نور العاشره]

رد : يحبني ولا لا ؟

السلام عليكم اختي الغاليه صدقيني لو انها اخته مايرضى عليها حتى تطالع احد نفس طريقتج رفيجتي واحد كان يكلمها الكلام الي بين الزوجين وكان يقولها انا احبج بس ابي شئ ملمووس مابي شئ محسوس ابيج تثبتيلي انج تحبيني ... حطي ابوج واهلج بين عيونج واحفظي نفسج من هالذئب لايقص عليج الكلام يبي يخطب الحين ترى والله والله مافيه حب فيه طلعه تلفون لعب حب صج مافيه بس نطلع ونلعب بعدين دقي عليه والله مايرد عليج عزي نفسج من هالاشكال يالغاليه

 

[مارياq8]

رد : يحبني ولا لا ؟

نصحيتي اتركيه وطنشي فيه ع ما تقدرين

مويقول اهلي مشغولين ومسافرين بهالوقت انتي راجعي نفسج شوفي هل انتي مقتنعه فيه كزوج والا لا

انا ما اقولج هذا يجذب عليج يمكن صج يحبج بس كل واحد وطريقة تعبيره بس لاتمادين معاااه طنشيه

وراح يبين اذا يبيج ولا لأ

والله يستر عليج ويوفقج

 

[ana 7elwa]

بنات مشكورين عالردود الحلوه

واختي اللعبه بقولج شي
لا تظهر الشماته لاخيك فيعافيه الله ويبتليك

وترانيم حياتي والله احبج حييييل

بجاني كلامج حيل واثر فيني

واللي تسأل على اي اساس تتكلمين كلام بين المره وريلها

ارد عليج واقول انه خلص المؤتمر وقام يدق يبيني اشتغل معاهم وانا قلت مابي

وبعدها مادري شلون خذانا الكلام وقالي احبج

والمكالمه الثانيه شافني صدفه وبعدها كلمني والكلام ايير بعضه وانا اسده بويهه بس الا يبيني

وقام يدزز مسجات ويدق وانا قاعده استشيركم مابي اطيح بالغلط

 

[الطاري]

يـــــــــــــــا حياتي :eh_s(7):
خليج علي موقفج
اذا يحبج راح يتعلق فيج اكثر :eh_s(15):
واذا مل دربه خضر مو نصيبج​

​

 

[ana 7elwa]

رد: رد : يحبني ولا لا ؟

السلام عليكم اختي الغاليه صدقيني لو انها اخته مايرضى عليها حتى تطالع احد نفس طريقتج رفيجتي واحد كان يكلمها الكلام الي بين الزوجين وكان يقولها انا احبج بس ابي شئ ملمووس مابي شئ محسوس ابيج تثبتيلي انج تحبيني ... حطي ابوج واهلج بين عيونج واحفظي نفسج من هالذئب لايقص عليج الكلام يبي يخطب الحين ترى والله والله مافيه حب فيه طلعه تلفون لعب حب صج مافيه بس نطلع ونلعب بعدين دقي عليه والله مايرد عليج عزي نفسج من هالاشكال يالغاليه

بعدعمري والله قلتله نفس الكلام ترضا لخواتك يقول احنا ظروفنا غير
ماني قايله السبب ليش اخاف انعرف

قلتله لو اهي صارت نفس ظروفنا يقول ما اخليهم قلتله يعني غلطو لما عطوني اهلي الثقه يقولي انتي ليش ماكو احساس انتي حجر

ماعندج قلب*

 

[Queenleo]

رد : يحبني ولا لا ؟

اعطيها لج من الاخر اهوااا جذااب
وقوليله مابي اكلمك واذا شاريني بنطرك الين يشفى ابوووك بس بهالفتره ماراح اكلمك
وماايشوووف شر
الشبااب لازم ياخذون جائئزه اوسكاار على تمثيلهم

 

[>>beauty<<]

حبيبة قلبي هذا واظح يبي يلعب واذا صج غرضه شريف رااح يخطبج بدون اي تردد
ونصيحتي لج الحين لا تكلمينه نهائيا ولا تسمحين له اصلا يقولج كلام شخصي او مايتعلق بشغلكم
والله يستر على كل وحده تبي الستر

 

[دلوعة بنت خالتي]

رد : يحبني ولا لا ؟

الله اعلم بنواياه ..بس نصيحه لا تردين عليه شوفيه لي متى بيصبر مارده بيمل ويمكن مفكر يلعب ولما شافج جذي محترمه تعلق فيج .. ترى اهوا شاطر يبي ايرج بالحجي لما يلين قلبج بس خليج اذكى منه وحقريه لما اييج البيت يخطبج عشان يعرف انج مو سهله .. واصلا يبين عليج خلوقه لو وحده ثانيه جان كلمته وقالت وايد يذل نفسه اكيد يحبني بس انتي برافو عليج حقرتيه .. ترى وايد شباب يحبون يمثلون دور المسكين الي يكسر الخاطر يدرون بالبنات بسرعه تلين قلوبهم..حبيبتي خلج نفس ما انتي الحقران يقطع المصران

 

[منار البربرية]

رد : يحبني ولا لا ؟

اسمحيلي هذا واحد فاضي وما منه فايده ​

اللي يبي وحده شنو ما كانت ظروفه يروح ياخذها ​

يقدر ياخذ احد من عمامه بعد مايشور على ابوه ويجي بس على الاقل كلام لما ابوه يرد بالسلامه ​

في الف طريقة وطريقه اذا يبيج من صج​

بس يقعدون وياخذون من اعمار البنات لما اعماركم
تصك االالف
وبعدها يهدونكم سوري بس هذي الصراحه ​

وديري بالج عل روحج ياحلوة
واذا لج نصيب راحت تاخذينه انشالله
سواء معاه اذا جاد
ولا غيره
والله الموفق
شكرا ​

 

[ana 7elwa]

بنااات والله احاول اصده حيييل

وترا علاقتنا صارلها اسبوعين بس وكله اتهاوش معاه

مره قلتله مابيك ولا ابي اكلمك انته مو محتاج حب انته محتاج زواج

قالي الكل محتاج زواج قلتله تزوج يقول ما اقدر اصلا انا من قبل قايل لاهلي بتزوج وقايلينله اصبر

قلتله انته مو صغير

وقلتله انا مو مستعده اكون تقزيره لك لا انا مابي اكون جذي

قالي من قال انا ابيج ام عيالي ابي منج يهال ومن هني يبدي الكلام

وكل مره جذي انا اقوله مابي خلاااص واهو مصر يبيني

تعبت وهالاسبوعين يمكن بس 4 مكالمات وكله تنتهي بهالسوالف معني اصده واقوله مابي

الحين قلتله مابي اشوف رقمك كلش عندي يقولي انتي بايعه

قلتله احبك بس احب نفسي اكثر وباي

مادري اللي سويته صح ولا غلط
*

 

[(توته مربربه)]

رد : رد: يحبني ولا لا ؟

والله مادري انا بعد اعاني من نفس المشكله وانا بعد ناطره حل بس اهم شي لاتخلينه يتمادى:eh_s(2):
بس انا حبه وهو يقول انه يحبني بس مافي اي شي يثبت حبه الا اذا تقدملي
وزين انج طرحتي هالمشكله علشان استفيد من ردود البنات انا كنت مستحيه احط المشكله اخاف يخذون فكره مب زينه عني وانا مابيني وبينه الاتليفونات
والمشكله انج ماتعرفين شنو نيته اخاف نيته مب زينه حقيرين الشباب :eh_s(14):
اشكرج انج طرحتي مشكلتج لانها قريبه من مشكلتي​

 

[M!Ss English]

رد : رد: يحبني ولا لا ؟

شوفي يا قلبي .. ^_^

خوذيها قاعدة :

الرجال آللي يحترم البنت .. ( يحترم عفافها ) مستحيل يغازلها ,إحترامًا لعفافها ,,

شاب يكلمك و يغازل = ما يحترمك ..

و شي بالحرام مستحيل يمشي ,, و إذا مشى بالدنيـا ,, ما يمشي بالآخرة ,,

حلو إنك لجأتِ و استشرتِ يا عسل ^_^ و هذا يدل على إنك إنسانة خلوقة و متربية و ما ترضين بالغلط

العلاقة المحرمة أقبح و أشنع غلط ,, يوم إنك تشوفين بنت طايحة بعلاقة محرّمة ( قولي اللهم لك الحمد و الشكر أن هديتني لسبيل العفة )

و جنّبتني سلوك الدروب الزلقة ,, اللهم اهدِ بناتنا و لا تُخزيـنا بهن .. البنت بلا أخلاق ,, كالشّجر بلا أوراق ,

و ترى أكثر شي يغيض الكفار و الفسّاق و بني علمان و ليبرال ( عفاف الفتاة المسلمة ) , التزامها بأدبها و دينها

و حجابها الشرعي .. البنت حيية الخلوقة المتمسّكة بدينها و بمبادئها و حياءها ,, هذي تنحط تاج على الرآس

و لها أجر عظيـم و ثواب جزيل من رب العباد ..

هذا آللي تكلمينه لعّاب و كذاب و راضع من أقرب ( قمامة ) الله يعزك .. و حتى لو ناويها زواج ما يسلك هالطريق الحقير الوضيع

شرع ربك دليلك ,, و ربك بقول :

( غير مسافحات و لا متخذات أخدان ) .. و الخدن هو الخليل و العشق .. << يعني هالآية تغنيك عن ألف رد و نصيحة

يكفي إن الله حرم هالعلاقة و ذكر ذلك في محكم آياته ,, العلاقة المحرمة طريق مباشر للزنـا ,,

يقول الله سبحانه و تعالى : ( و لا تقربوا الزّنـا .. إنه كان فاحشةً و ساء سبيلاً ) ,, و إلا اللقطاء آللي كثروا هاليومين من أيش ؟

منـا و الطريق ؟ و إلا لأن السبب كانت علاقة محرّمة ابتدأت بمكالمات و أكاذيب و ضحك على عقول البنات ؟

انتيهي لنفسك يا عسل ^_^ ,, و لو ما أحب لك الخير ما قلت هذا الكلام ,,

السعيد من اتعظ بغيرهـ ,, لا من وعظ الناس به ,,

انتبهي تخلين نفسك في موضع ( تتعظ الناس منه ) , و إنما اتعضي بغيرك و احمدي الله على نعمة العفاف و الستر

و تذكري ( من ترك شيء لله عوضه خير منه ) ^_^

فكري بكلامي حبيبة قلبي فديتك ..

إحترامي و تقديري

ترانيم القصيم

ماقصرت اختي ترانيــم :rerrerek: